“Ftoj çdo demokrat që të marrë pjesë në protestë”/ Berisha: Ky është procesi më i thellë i ripërtëritjes së PD që nga themelimi i saj!
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Atentati në Sarandë/ Si u organizua sulmi ndaj 50-vjeçarit, dyshimet për arratisjen me skaf 18 Korrik, 10:00 ...
Atentati në Sarandë/ Kush është Thimjo Rubati i plagosuri i cili rezulton me precedent të shumtë kriminal 17...
Raporti i KE: Ndikimi politik në media mbetet problem në Shqipëri 17 Korrik, 19:45 “Vijon ndë...
Ai e cilëson si një akt të paprecedentë antikombëtar, duke akuzuar qeverinë për tentativë për të amnistuar tradhtinë ndaj Atdheut.
TIRANË- Sekretari i Përgjithshëm i Partia së Lirisë, Tedi Blushi ka reaguar ndaj propozimeve të fundit për ndryshime në Kodin Penal. Me anë të një deklarate për shtyp Blushi shprehet se PL dënon me ashpërsinë më të madhe ndryshimet e rrezikshme antikombëtare të propozuara në draftin e ri të Kodit Penal.
Ai e cilëson si një akt të paprecedentë antikombëtar, duke akuzuar qeverinë për tentativë për të amnistuar tradhtinë ndaj Atdheut. Sipas tij ndryshimet e propozuara në draftin e ri të Kodit Penal parashikojnë që në mungesë të një qëllimi të posaçëm dhe nëse dorëzimi nuk varet nga detyrime ligjore, vepra të dënohet me vetëm 5 deri në 15 vjet burg, ndërkohë që Kodi aktual parashikon jo më pak se 15 vjet burg ose burgim të përjetshëm.
Deklarata e Plotë:
Me indinjatë të thellë dhe shqetësim patriotik e kombëtar, Partia e Lirisë dënon me ashpërsinë më të madhe ndryshimet e rrezikshme antikombëtare të propozuara në draftin e ri të Kodit Penal, për të zbutur ndëshkimin penal ndaj aktit më të rëndë dhe më të pafalshëm kundër kombit shqiptar, dorëzimin e territorit të Republikës së Shqipërisë.
Akti i paprecedentë i zbutjes së dënimit për dorëzimin e territorit të Shqipërisë, i propozuar nga vetë Kryeministri Edi Rama, përfaqëson një tentativë të qartë antikombëtare për të amnistuar tradhtinë ndaj Atdheut dhe për të krijuar një precedent të rrezikshëm që cënon rëndë sigurinë, sovranitetin dhe integritetin territorial të vendit.
Ndërkohë që Kodi aktual Penal dënon dorëzimin e territorit me jo më pak se 15 vjet burg ose burgim të përjetshëm, drafti i ri parashikon, në mënyrë të turpshme, që në mungesë të një qëllimi “të posaçëm” dhe “kur dorëzimi nuk varet nga detyrime ligjore”, kjo vepër të dënohet me vetëm 5 deri në 15 vjet burg!
Ky nen thellësisht antikombëtar është një ftesë e hapur për tradhtarët dhe një përpjekje e orkestruar për të dekriminalizuar aktet më të rënda që mund të kryhen kundër Republikës së Shqipërisë.
Draft vjen nga i njëjti Kryeministër që ka vënë në jetë axhendën antikombëtare të shpopullimit, që ka promovuar idenë famëkeqe të “korrigjimit të kufijve” të Kosovës, që e shpalli Veriun e Kosovës, tokë të askujt dhe që ka hyrë në marrëveshje të fshehta e okulte me Greqinë për çështjen e detit, duke refuzuar të publikojë kushtet e negociatave, dhe duke anashkaluar institucionet e shtetit shqiptar.
Edi Rama, ky Esad Pashë i ri, nuk ka legjitimitetin moral, politik dhe historik të prekë nenet e Kodit Penal që mbrojnë kufijtë, sovranitetin dhe integritetin territorial të Shqipërisë për t’i hapur derën e amnistisë atyre që i shërbejnë interesave të armiqve të kombit shqiptar.
Shqipëria nuk ka nevojë për alibi ligjore që i hapin rrugë pazareve me tokën e shqiptarëve të larë me gjakun e mijëra dëshmorëve, por për ligje të qarta, të rrepta dhe pa ekuivok ndaj çdo forme të dorëzimit, faljes apo tregtimit të territorit kombëtar.
Zbutja e këtij neni është një tentativë për të legalizuar një krim kundër kombit dhe një precedent i rrezikshëm që minon themelet e shtetësisë.
Kodi i ri Penal nuk është asgjë tjetër veçse një alibi për të nxjerrë në shitje territorin e Republikës së Shqipërisë.
Asnjë centimetër tokë i Republikës së Shqipërisë nuk është i negociueshëm.
Askush që e dorëzon, përkohësisht apo përgjithmonë, nuk mund të trajtohet ndryshe veçse si tradhtar i kombit.
I bëjmë thirrje çdo shqiptari të ndershëm dhe patriot, të ngrihet fuqishëm kundër këtij sulmi ndaj vetë ekzistencës tonë si shtet.
Të gjithë ata që heshtin sot, bëhen bashkëfajtorë në një projekt të zi antikombëtar, që ka për synim tjetërsimin e Shqipërisë.
Kufijtë nuk janë çështje partie. Janë vija të kuqe gjaku.
Dhe askush, askush, as Edi Rama, as një shumicë e dalë nga zgjedhjet e vjedhura të 11 Majit, as ndonjë komision i errët parlamentar, nuk ka të drejtë t’i shesë, t’i falë apo t’i dorëzojë.
Kush guxon të prekë kufijtë e Shqipërisë, do të mbajë mbi shpinë peshën e historisë, mallkimin e kombit dhe përgjegjësinë penale që nuk do të amnistohet kurrë.
Tradhtarët e Atdheut nuk do të mbrohen dot as pas neneve të reja të Kodit Penal, as pas blindave të pushtetit, as pas marrëveshjeve të errëta nëpër tavolina të huaja.
Kush guxon të prekë sovranitetin dhe integritetin territorial të Shqipërisë, nëpërmjet neneve dhe ligjeve antikombëtare, hap varrin e vet politik.
Gjakun i Dëshmorëve të Atdheut nuk mund të bëhet ujë nga një regjim sa kriminal, aq edhe antikombëtar.
Adriatik Lapaj TIRANA- Kryetari i nismës "Shqipëria Bëhet" Adriatik Lapaj ka bërë një postim në rrjetet sociale pasi&nbs...
Erion Veliaj TIRANA- Kryebashkiaku i Tiranës Erion Veliaj, tashmë i arrestuar, ka bërë sot në reagim në rrjetet sociale&...
Foto TIRANË- Komisioni i Ankimimeve dhe Sanksioneve, KAS ditën e sotme ka marrë vendimin dhe ka rrëzuar kërkesën e ish-depute...
seanca e KAS TIRANË- Komisioni i Ankesave dhe Sanksioneve ka rrëzuar kërkesën e subjektit "Shqipëria Bëhet" që t&e...
sali berisha TIRANË- Kryetari i Partisë Demokratike, Sali Berisha në konferencën e sotme për mediat është pyetur nga gaz...
sali berisha TIRANË- Kryetari i Partisë Demokratike, Sali Berisha tha se PD po punon në këtë periudhë më dokumentin e sh...
Kalaja TIRANË- Aleanca për Mbrojtjen e Teatrit Kombëtar, AMT paraditen e sotme është paraqitur para ambiente të SPAK ku kan&e...
sali berisha TIRANË- Kryetari i Partisë Demokratike, Sali Berisha po zhvillon ditën e sotme një konferencë me gazetarët nga s...
Zhupa TIRANË- Deputetja demokrate, Ina Zhupa përmes një postimi në "Facebook" ka reaguar në lidhje me ndryshimet në Kodin Pen...
jorgo goro TIRANË- Gjykata e Posaçme ka dënuar me dy vjet burg ish-kryetarin e bashkisë së Himarës, Jorgo Goron, për v...
