Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Ai shtoi se Shqipëria Madhështore fillon me një Shkodër të jetueshme, ku qytetarët nuk numërojnë kafshatën, pa ilaçe dhe që nuk njohin më varfërinë ekstreme.
TIRANË- Kreu i Partisë Demokratike, Sali Berisha gjatë fjalës së tijnë qytetin e Shkodrës prezantoi programin për Shqipërinë Madhështore. Berisha theksoi se PD dhe Aleanca për Shqipërinë Madhështore edhe për 55 ditë do ti japin fund qeverisë të cilin e cilësoi si makth.
Ai shtoi se Shqipëria Madhështore fillon me një Shkodër të jetueshme, ku qytetarët nuk numërojnë kafshatën, pa ilaçe dhe që nuk njohin më varfërinë ekstreme. Berisha tha se Shqipëria Madhështore fillon me vendosjen e minimumit jetik për çdo shkodran dhe shqiptar. Sipas tij çdo pensionist do ketë minimumin 200 euro dhe mbi këtë do rritet pensioni 20 përqind.
"Por ky sundim barbar së shpejti merr fund. PD dhe Aleanca për Shqipërinë Madhështore zotohen para jush në mënyrë solemne, se për 55 ditë, këtij makthi të gjatë i vjen fundi. Ndaj dhe unë jam këtu për të prezantuar kandidatët e fitores, kandidatët e interesave tuaja, kandidatët e qyteteve, fshatrave tuaj. Për të prezantuar së bashku me ta projektin më madhështor për Shkodrën dhe Shqipërinë të 34 viteve të fundit.
Projektin më madhështor për Shqipërinë dhe Shkodrën të 340 viteve të fundit. Projektin e ëndrrës shqiptare, e ëndrrës së të rinjve shqiptarë. Këta janë kandidatët që nuk vijnë nga bodrumet e Dobraçit, por vijnë nga qytetet, fshatrat, vijnë nga sheshet, nga drita juaj, votëbesimi juaj. Këta janë kandidatët e fitores. Edi Rama, të garantoj se nga Dukagjini gjer në Velipojë, do marrësh atë që thua vetë, atë që meriton. Të dashur miq, përballen në këtë fushatë dy morale, dy filozofi.
Përballen nga njëra anë morali i dhembshurisë njerëzore, i dashurisë së pakufishme për qytetarin, për Shkodrën, për Shqipërinë.
Përballet morali i mashtrimit, zinxhirit të pafundëm të mashtrimeve, plaçkitjes, vjedhjes, përzënies së shqiptarëve nga Shqipëria. Por kësaj here, 11 maji është fundi i tyre. Sot në postin e kryeministrit është një njeri që para shkodranëve, para shqiptarëve nuk thotë dot asnjë premtim, sepse ka mashtruar kaq shumë dhe nuk ka mbajtur asnjë premtim. Por mos harroni një gjë, në klubin e të ligjve, më i ligu është gënjeshtari. I tillë është kryeministri i Shqipërisë që tani nuk flet më për premtime se ka mashtruar për 12 vite. Miqtë e mi, unë jam sot këtu për programin e Shqipërisë Madhështore. Për shumë njerëz, madhështore mund të duket një ekzagjerim. Por unë u betohem ju që nuk është gjë tjetër veçse ëndrra e ditës e çdo shqiptari që e do Shqipërinë dhe është 100 përqind i realizueshëm.
Shqipëria Madhështore fillon me një Shkodër të jetueshme, ku qytetarët nuk numërojnë kafshatën, ku qytetarët nuk mbeten pa ilaçe, ku qytetarët nuk njohin më varfërinë ekstreme.
Me një Shkodër në të cilën pensionistët dhe rrogëtarët paguhen dhe do paguhen gjithnjë e më mirë.
Shqipëria Madhështore mund t’u duket ju çudi, por fillon me vendosjen e minimumit jetik për çdo shkodran dhe shqiptar. Nuk do ketë më pensionistë me pension të pjesshëm apo të ulët, çdo pensionist do ketë minimumin 200 euro dhe mbi këtë do rritet pensioni 20 përqind. Në këtë paketë të dhembshurisë, rrogat minimale bëhen 500 euro, rriten pra me 20 përqind dhe kjo brenda 100 ditëve të para. Rrogat mesatare rriten me 1200 euro. Në këtë paketë të dhembshurisë, të gjithë rrogëulëtit, të gjithë ata me minimum jetik do marrin kartën e konsumatorit. Do u kthehet e gjithë TVSH-ja. Nuk është pak, është 2-3 pensione dhe ky është një lehtësim tjetër. Energjia elektrike do zbresë në 7 lekë.
Nafta do shitet me çmimin që shitet në Kosovë dhe asnjë qindarkë më shumë. Me të drejtë mund të thonë njerëzit, po ku do i merrni këto para? Do ua kthejmë ju paratë. Nuk do bëjmë asgjë tjetër miqtë e mi, vetëm ua kthejmë qytetarëve. Po a mund të thotë, a ka pashpirtësi më të madhe që të thotë një kryeministër, që nëse i rris pensionet, Shqipëria merr fund. Çfarë është kjo psikologji tirani i pashpirt? Unë u them ju, paratë do ua kthejmë ju sepse nuk do vidhen 130 milionë euro për inceneratorin që nuk ekziston. Paratë do ua kthejmë shqiptarëve rroga dhe pensione se nuk do ndërtohen rrugë me çmime 10 herë më të shtrenjta se në Kroaci dhe Europë.
Paratë do ua kthejmë qytetarëve shqiptarë nga taksat e tyre, rroga dhe pensione, sepse kryeministri nuk do udhëtojë me avion taksi 21 milionë euro në dy vite. Paratë do ua kthejmë ju se nuk do vidhen 50 milionë euro në një dorë në tunelin e Llogarasë. Paratë do ua kthejmë ju se nuk do shtrohen dreka dhe darka në kryeministri me shishe vere 36 mijë euro. Paratë do ua kthejmë ju se nuk do ndërtohet kopshti i Edenit 5 milionë euro në oborrin e kryeministrisë. Me këtë paketën e dhembshurisë, ne do u kthejmë shqiptarëve paratë që u takojnë. Janë taksat e tyre, duhet të kenë pjesën e tyre dhe do i kenë ato," tha Berisha.
sali berisha SHKODËR- Kryetari i Partisë Demokratike, Sali Berisha tha në takimin e sotëm në Shkodër se banda e Bajrave ishi...
pamje nga shkodra SHKODËR- Kryetari i Partisë Demokratike, Sali Berisha ndodhet pasditen e sotme në qytetin e Shkodrës ku po bën p...
Ivan Anusic, Pirro Vengu dhe Ejup Maqedonici TIRANË-Ministri Mbrojtës së Shqipërisë, Pirro Vengu priti ditën e sotme homolog...
Andreas Schieder BRUKSEL- Komisioni i Jashtëm i Parlamentit Evropian diskutoi sot draft-raportet për Shqipërinë, Maqedoninë ...
erion veliaj TIRANË- Prokuroria e Posaçme ka marrë nën hetim policët e burgjeve të cilët transferuan kryebashkiakun e...
rama, lapaj TIRANË- Kryetari i Shqipëria Bëhet, Adriatik Lapaj ka reaguar sërish sot lidhur me deklaratat e kryeministrit Edi Rama&nbs...
Sula TIRANË- Deputeti i Partisë Demokratike Dashnor Sula në një intervistë të zhvilluar së fundmi ka zbuluar p...
TIRANË- Disa fotografi të postuara në rrjetet sociale nga vetë BKT dëshmojnë qartë pozicionimi politik të saj. N&...
ndertesa e qeverise se kosoves KOSOVË- Ngërçi paszgjedhor në Kosovë vazhdon, pa asnjë diskutim zyrtar për qeverin...
Rama BERAT- Kryeministri Edi Rama gjatë fjalës së tij në Asamblenë e Qarkut të Beratit ka komentuar listën e m...
