Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Numri një i opozitës kujtoi provokimin që Rama bëri dje në Dibër, ku edhe kujtoi fjalinë e Damian Gjiknurit, e cila doli në përgjimet e gazetës gjermane "Bild", ndërsa duke qeshur shtonte se ditën po e kalonte me Partinë Socialiste të tërmetit.
TIRANË- Kryedemokrati Sali Berisha ka kërkuar dorëheqjen e kryeministrit Edi Rama. Në një deklaratë për shtyp nga selia e Partisë Demokratike, Berisha kërkoi largimin nga detyra të kryeministrit Edi Rama, duke e cilësuar si simbolin e pushtetarit abuzes që shkel ligjet për të përfituar para për luksin dhe pushtetin e tij. Ndër të tjera, numri një i opozitës kujtoi provokimin që Rama bëri dje në Dibër, ku edhe kujtoi fjalinë e Damian Gjiknurit, e cila doli në përgjimet e gazetës gjermane "Bild", ndërsa duke qeshur shtonte se ditën po e kalonte me Partinë Socialiste të tërmetit. Gjithashtu, ndër të tjera në deklaratën e tij për shtyp, kryedemokrati u shpreh se Rama synon të falimentojë industrinë e birrës në vendin tonë për interesa në kuadër të Ballkanit të Hapur dhe vëllezërve Karric të sanksionuar gjatë sanksioneve kundër Rusisë.
"Jam sot këtu për të kërkuar dorëheqjen dhe largimin përfundimtar nga çdo funksion të Edi Ramës, i cili me aktet e tij antiligjore, antikushtetuese, është sot simboli më i nxirë i pushtetarit abuziv, që nuk njeh normë, standard moral, ligjor apo kushtetues kur vjen puna për pasurimin e tij, për luksin e tij, për pushtetin e tij. Edi Rama është sot kryeministri i vetëm në Europë dhe në botë, që krijon sipërmarrje personale me 420 milionë euro të grabitura taksapaguesve shqiptarë sipas kontratave që ka firmosur në kundërshtim me ligjet e vendit për djegësat. Sipërmarrja e Edi Ramës e djegësave Tiranë, Fier dhe Elbasan është sipërmarrja e vetme në Europë me imunitet të plotë, në të cilin formalisht shpallen në kërkim menaxherët dhe administratorët e kësaj ndërmarrje, por faktikisht, ndonëse të gjitha objektet e krimit nuk konfiskohen, dhe ata shëtisin të lirë, madje kanë filluar presionin për t’u çliruar nga akuzat, kjo sipërmarrje merr çdo javë qindra e mijëra euro që shkojnë në kontot bankare të Edi Ramës dhe ministrave të tjerë me emra të ndryshëm. Drejtësia ndaj këtij akti madhor kriminal po shpërbëhet. Ajo është faktuar tërësisht si SKAP-i i partisë. Pasi doli me urdhër të qeverisë, Alqi Bllako, tani janë ushtarët e tjerë të kësaj sipërmarrje, Gugalja, Zoto dhe Mërtiri, ata të cilët i kërkojnë Edi Ramës në mënyrë ultimative, çlirimin nga akuzat. Edi Rama duhet të japë dorëheqjen dhe të largohet menjëherë sepse është i vetmi kryeministër në Europë dhe botë që ka realizuar me çarter 137 udhëtime.
Nuk ka kryeministër që ka realizuar as gjysmën e udhëtimeve të Edi Ramës me çarter. 22 milionë euro udhëtime janë një abuzim i çmendur, i frenuar, janë më shumë se ka shpenzuar Byroja Politike e diktaturës në 20 vite. Një gjakpirje ndaj pensionistëve, mjekëve, pedagogëve. Për të gjitha këto, Edi Rama ka si shpjegim depersonalizimin e tij të plotë, kur u thotë shqiptarëve se ka shpenzuar 150 lekë për udhëtim, kur u thotë shqiptarëve se çarteri ‘Ismaili’ i është dhënë për promovim të avionit, pacaka se avioni në një udhëtim shpenzon 150 mijë euro minimumi. Qejfli i madh promocioni po del. Turpi i turpeve. Edi Rama për të mbuluar këtë skandal, faktin që ka përdorur çartera sa të gjithë kryeministrat e Europës së bashku, e detyron të flasë ashtu siç i kanë thënë sikur ka traktin tretës në gojë, si pjesë fundore. Por as me këto nuk i largon këto. Ai duhet të largohet si kryeministër. Edi Rama është një armik i egër i votës së lirë të shqiptarëve. Dje nga Dibra ai u zotua sërish në një shou festiv, foli përsëri për plaçkitje të votave. Të përdorësh një shou festiv për t’u zotuar se do plaçkitësh votat, sfidon çdo shqiptar që beson te vota e lirë, dhe i mobilizon ata por të dhënë përgjigjen që meriton: armik i votës së lirë. Edi Rama duhet të largohet menjëherë nga zyra dhe të japë dorëheqjen edhe për aferën e madhe të Butrintit. Ai shpartalloi parkun e Butrintit vetëm për interesat e veta dhe të oligarkëve të tij.
Po falimenton industrinë e birrës duke lënë pa punë mijëra familje që jetojnë në sektorë të ndryshëm të kësaj industrie. Këtë e bën direkt për interesa në kuadrin e Ballkanit të Hapur të vëllezërve Karric. Të sanksionuar me sanksione të fuqishme në kuadrin e sanksioneve ndaj Rusisë. Edi Rama duhet të japë dorëheqjen për mega aferën e tmerrshme të Porti të Durrësit që ka përfunduar përsëri në ortakëri me Aleksandër Vuçiç, me ata të cilët u zotuan se do investonin 4 apo 12 mld por kanë investuar gjithsej 20 mln euro. Rama e ka shndërruar policinë e shtetit në një bandë të paimagjinushme. Të rinjtë vriten njëri pas tjetrit. Shqiptarët janë të vendosur më shumë se kurrë që këtë nëntor t’i japin atij vendin e merituar. Të përmbysin pushtetin e tij. Ndaj dhe njëherë kërkoj dorëheqjen tij si kryeministër i vendit.
Edi Rama duhet të japë dorëheqjen menjëherë sepse ai është bërë zëdhënës i vëllezërve Kaliç të Vuçiçit. Në emër të interesave të tyre, ai po mbyll dhe po falimenton të gjithë industrinë e birrës të krijuar këto 30 vite në Shqipëri, duke lënë pa punë mijëra familje, të cilat jetojnë duke punuar në sektorë të kësaj industrie. Këtë e bën direkt vetëm për interesa në kuadër të Ballkanit të Hapur, për interesa të vëllezërve Kaliç, të sanksionuar. Edi Rama duhet të japë dorëheqje për mega-aferën e tmerrshme të portit të Durrësit, që ka përfunduar përsëri në ortakëri me Aleksandër Vuçiç,"-tha Berisha ndër të tjera në deklaratën e tij për shtyp.
DEKLARATA E PLOTË:
Jam sot këtu për të kërkuar dorëheqjen dhe largimin përfundimtar nga çdo funksion të Edi Ramës, i cili me aktet e tij antiligjore, antikushtetuese, është sot simboli më i nxirrë i pushtetarit abuziv që nuk njeh normë, standart moral, ligjor apo kushtetues kur vjen puna për pasurimin e tij, luksin e tij, për pushtetin e tij. Edi Rama është sot kryeministri i vetëm në Europë dhe në botë që krijon sipërmarrje personale me 420 milion euro të grabitura taksapaguesve shqiptarë sipas kontratave që ka firmosur në kundërshtim me ligjet e vendit për djegsat. Sipërmarrja e Edi Ramës, të djegsave Tiranë, Fier, Elbasan është sipërmarrja e vetme në Europë me imunitet të plotë në të cilin formalisht shpallen në kërkim menaxherët dhe administaratorët e kësaj ndërmarrje, por faktikisht ndonëse të gjitha objekte krimi, nuk konfiskohet asgjë dhe ata shetisin të lirë madje kanë filluar presionin për t’u çliruar nga akuzat. Kjo sipërmarrje merr çdo jave qindra mijëra euro që shkojnë në kontot bankare të Edi Ramës dhe ministrave të tjerë me emra të ndryshëm.
Procesi apo drejtësia ndaj këtij akti madhor kriminal po shpërbëhet, ajo është faktuar tërëisisht si SKAP-i i partisë. Pasi doli me urdhër të qeverisë, Alqi Bllako, tani janë ushtarët e tjerë të kësaj sipërmarrje, të punësuarit e tjerë të kësaj sipërmarrje, Gugalja, Zoto dhe Mërtiri, ata të cilët i kërkojnë Edi Ramës në mënyrë ultimative, çlirimin nga akuzat. Edi Rama duhet të japë dorëheqjen, të largohet menjëherë, sepse ai është i vetmi kryeministër në Europë dhe botë që ka realizuar me çarter 137 udhëtime. Nuk ka kryeministër kund që të ketë realizuar me çarter as gjysmën e udhëtimeve të Edi Ramës. 22 milion euro udhëtime janë një abuzim i çmendur, i shfrenuar. Janë më shumë seç ka shprenzuar byroja politike e diktaturës, ju garantoj, në 20 vite të marra së bashku. Me një gjakpirje e pamëshirë e pensionistëve, arsimtarëve, mësuesëve, mjekëve, pedagogëve të universitetit. Për të gjitha këto Edi Rama ka si shpjegim depersonalizimin e tij të plotë, kur u thotë shqiptarëve se ka shpenzuar 150 lekë për udhëtim, kur u thotë shqiptarëve se çarteri ‘Ismaili’ i Air Albania, i është dhënë për promovim, promocion të avionit, paçaka se avioni në një udhëtim për promocion shpenzon 150 mijë euro minimumi. Qejfli i madh promocionesh na del. Turpi i turpeve. Edi Rama për të mbuluar këtë super skandal, faktin që ka përdorur çartera ndoshta sa të gjithë kryeministrat e Europës së bashku, e detyron të flasë përçart, me gjuhën e një ordineri, të flsë ashtu siç i kanë thënë sikur ka traktin tretës në tru dhe gojën si pjesën fundore të këtij trakti. Por as me këto nuk e mbulon dot skandalin. Ai duhet të largohet menjëherë si kryeministër.
Edi Rama është një armiki egër i votës së lirë të shqiptarëve. Dje nga Dibra ai u zotua sërish në një show festiv, foli përsëri për plaçkitje dhe grabitje të votave. Të përdorësh një show festiv për t’u zotuar se do plaçkitësh votat, sfidon të gjithë shqiptarët që besojnë te vota e lirë dhe i mobilizon e motivon ata për të dhënë përgjigjen që meriton : armiku i votës së lirë. Por natyrisht, nuk mund të ndodhë ndryshe. Ata që festojnë të zhytur në luks. Ata që paguajnë dadot e koneve 700-800 mijë lekë në muaj. Ata që paguajnë dadot e breshkave po kaq. Ata nuk kanë ndjesi për qytetarët. Atyre xhepat, portofolat, taksat e qytetarëve u duken të vetat, u duken private. Edi Rama duhet të largohet menjëherë nga zyra. Të japë dorëheqjen dhe të paraqietet para drejtësisë për të gjitha këto, por edhe për aferën e madhe të Butrintit. Ai shpartalloi parkun e Butrintit vetëm e vetëm për interesat e veta dhe të oligarkëve të tij.
Edi Rama duhet të japë dorëheqjen menjëherë, sepse ai është bërë zëdhënës i Bratjakaliç, i vëllezërve Kaliç të Vuçiçit. Në emër të interesave të tyre, ai po mbyll dhe po falimenton të gjithë industrinë e birrës të krijuar këto 30 vite në Shqipëri, duke lënë pa punë mijëra familje, të cilat jetojnë të punësuar në sektorë të ndryshëm të kësaj industrie. Këtë e bën direkt vetëm për interesa në kuadër të Ballkanit të Hapur, për interesa të vëllezërve Kaliç, të sanksionuar me sanksione të fuqishme në kuadrin e sanksioneve ndaj Rusisë. Edi Rama duhet të japë dorëheqjen për mega-aferën e tmerrshme të portit të Durrësit, i cili ka përfunduar përsëri në ortakëri me Aleksandër Vuçiç. Me ata të cilët u zotuan se do investonin 4 apo 12 miliard në Waterfront-in e Savës dhe kanë investuar gjithësej 20 milion euro.
Edi Rama duhet të japë dorëheqjen sepse e ka shndëruar policinë e shtetit në një bandë të paimagjinueshme. Njëri pas tjetrit vriten të rinjtë në rrugët e Tiranës, çka nuk ndodh në asnjë vend tjetër të botës. Për të gjitha këto, qytetarët shqiptarë janë të vendosur më shumë se kurrë që këtë nëntor t’i japin atij vendin e merituar. Të përmbysim pushtetin e tij. Ndaj dhe njëherë kërkoj largimin e tij të menjëhershëm dhe dorëheqjen e tij si kryeministër i vendit.
Adriana Kalaja TIRANË- Përfaqësues të Aleancës për mbrojtjen e Teatrit janë mbledhur përsëri sot para ndë...
Ulsi Manja TIRANË- Marrëveshja e ekstradimit mes Shqipërisë dhe Dubait për shqiptarët e kërkuar nga Qeveria ishte tem&eu...
Oerd Bylykbashi TIRANË- Deputeti i Partisë Demokratike, Oerd Bylykbashi kërkoi më shumë punë nga Komisioni i Posaç&eum...
Enkelejd Alibeaj dhe Damian Gjiknuri TIRANË- Komisioni i Posaçëm Parlamentar për Reformën Zgjedhore po diskuton sot lidhur me sh...
Pano Soko TIRANË- Përfaqësues të nismës “Thurje” kanë njoftuar se do të bëhen pjesë e garës ...
Ulsi Manja TIRANË- Ministri Ulsi Manja deklaroi ditën e sotme në Komisionin e Sigurisë se është njohur me këkresën ...
Jorida Tabaku TIRANË- Deputetja e Partisë Demokratike, Jorida Tabaku ka komentuar paketën fiskale për vitin 2023, ndërsa ka akuzu...
Ulsi Manja TIRANË- Ditën e sotme, në Komisioni për Sigurinë Kombëtare, po diskutohet “Projektbuxheti i vitit 2023&...
Edi Rama TIRANË- Kryeministri Edi Rama ka sulmuar sërish mediat. Sot, sërish në rrjetet e tij sociale, kryeministri ka reaguar pas...
Pamje nga protesta TIRANË- 140 familje kanë mbetur pa një çati mbi kokë si shkak i një konflikti mes ndërtuesëve,...
