Përshkallëzohet situata në Lindjen e Mesme/ SHBA vijon bombardimet, Irani përgjigjet me sulme në shtetet e Gjirit
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Atentati në Sarandë/ Si u organizua sulmi ndaj 50-vjeçarit, dyshimet për arratisjen me skaf 18 Korrik, 10:00 ...
Sipas Qorit, Rama vështirë se do të mund t’u tregojë pensionistëve apo punëtorëve përrallën me bufin Berisha të cilën ua tregoi gjatë fushatës elektorale dhe do të duhet të përballet me realitetin që ka krijuar.
TIRANË- Duke i konsideruar zgjedhjet e 11 majit “ekstremisht të pabarabarta”, kryetari i Lëvizjes Bashkë dhe deputeti i ardhshëm Redi Muçi deklaruan të enjten në një konferencë për shtyp se beteja e tyre sapo ka filluar dhe se ata kishin bindjen se qytetarët do të gjejnë forcën të kundërshtojnë atë që e cilësuan si klimë frike dhe presionesh të organizuara nga qeveria.
“Të gjithë ne jemi dëshmitarë të presioneve të panumërta që partia në pushtet i ka bërë nëpunësve të administratës, bizneseve të vogla, e kemi ndjerë këtë sa herë kemi shkuar për të takuar qytetarët,” deklaroi Qori.
“Shqipëria pas 11 majit në shumë aspekte gdhihet e zymtë,” tha Qori ndërsa citoi disa vargje të njohura të Fan Nolit që flasin pë “tiranin që kërrusi atdhenë”.
“Ky tiran që ka shthurrur fenë dhe ka kërrusur atdhenë nuk ia ka dalë të shuajë shpresën e qytetarëve shqiptarë për ndryshim dhe një pjesë e kësaj shprese lidhet me emrin e Lëvizjes Bashkë,” deklaroi Qori.
“Edi Rama duket jashtëzakonisht i pushtetshëm […] kjo nuk na step. Në analizën tonë politike ky mbipushtet do të jetë ai që do ta fundosë Edi Ramën,” shtoi ai.
Sipas Qorit, Rama vështirë se do të mund t’u tregojë pensionistëve apo punëtorëve përrallën me bufin Berisha të cilën ua tregoi gjatë fushatës elektorale dhe do të duhet të përballet me realitetin që ka krijuar.
Fan Noli ishte një politikan i krahut të majtë në Shqipërinë e viteve 1920 dhe kreu i një qeverie gjashtëmujore që nuk u njoh nga ndërkombëtarët për shkak se erdhi në pushtet përmes kryengritjes dhe jo përmes zgjedhjeve. Noli humbi në fushëbetejën e armatosur përballë Ahmet Zogut, “tiranit që kërrusi atdhenë” në poezinë e tij të vitit 1928 Anës Lumenjve dhe u arratis nga Shqipëria për në SHBA, ku u nda nga jeta katër dekada më vonë ndërsa “tirani” nuk u lebetit nga populli por u rrëzua nga pushtimi i Italisë Fashiste pesëmbëdhjetë vjet më vonë.
Deputeti i ardhshëm Redi Muçi deklaroi se betejat e tij parlamentare do të lidhen me projektligjin për Minimumin Jetik të depozituar më herët në Kuven si ligj i propozuar nga zgjedhësit, me shtimin e fondeve për çështjet sociale si dhe me krijimin e një legjislacioni të përshtatshëm për të lejuar qytetarët të organizojnë më lehtë referendume për çështje që i shohin me interes.
Referendumet rregullohen me një seksion të Kodit Zgjedhor të vitit 2023 dhe organizimi i tyre ka rezultuar deri më sot pothuajse i pamundur për shkak të vështirësive procedurale të vendosura në këtë ligj. Kodi zgjedhor është ndryshuar shumë herë që nga ajo kohë por vullneti politik për të rregulluar kapitullin për referendumet ka munguar. Referendumet janë gjithashtu kauzë e Koalicionit Nisma Shqipëria Bëhet.
Lëvizja Bashkë arriti të marrë pothuajse 24 mijë vota ndërsa një pjesë e kutive vijon të numërohet, si dhe fitoi një mandat deputeti në Tiranë, ku mori një rezultat më të mirë se sa në nivel kombëtar, me sukses veçanërisht të lartë në zonat urbane dhe në lagjet relativisht më të pasura të kryeqytetit.
Me rreth 1.55% të votave të vlefshme të fituara, Bashkë duhej të kishte siguruar normalisht dy mandate deputetësh ndërsa pabarazitë e sistemit bënë që njëri t’i kalojë partisë më të madhe, pra Partisë Socialiste.
Bashkë është një nga tre partitë e reja që arritën të fitojnë mandate. Partitë e reja fituan në total rreth 165 mijë vota deri në këtë fazë të numërimit ose pothuajse 11% të votave të vlefshme. Ironikisht, 9 apo 10 mandatet që u takojnë partive të vogla i kanë kaluar, për shkak të pabarazisë sistemike, partisë që këto parti synuan të sfidonin, pra Partisë Socialiste, e cila me këtë shumicë ka mundësi të ndryshojë rregullat e lojës elektorale, siç ka bërë më herët në vitin 2020, kur deputetë të opozitës mbështetën ndryshimet e kërkuara nga Rama, gjë që i dha mandatin 2021-2025 me 49% të votave dhe me 53% të ndenjëseve në parlament.
Zgjedhjet u kritikuan nga vëzhguesit ndërkombëtarë si “të pabarabara” dhe me praktika elektorale të partisë në pushtet “të papajtueshme me standardet ndërkombëtare”./ Reporter.al
Neli LEZHË- Partia Demokratike pati një fitore të ngushtë në qarkun e Lezhës, ku fitoi me 45.1% të votave përkund&e...
Foto ilustruese KOSOVË- Kryesia e Lidhjes Demokratike të Kosovës dhe Grupi parlamentar i LDK-së kanë dalë me një deklara...
Foto ilustruese TIRANË- Në zgjedhjet e 11 majit shumë parti dhe kandidatë dolën të zhgënjyer nga rezultatet e dobët...
sali berisha BRUKSEL- Kreu i Partisë Demokratike, Sali Berisha, gjatë pjesëmarrjes në Forumin Botëror të IDU-së n&...
Foto ilustruese TIRANA- Kryeministri Edi Rama ka pritur këtë pasdite në godinën e Kryeministrisë, homologun finlandez, Petteri Orp...
Keir Starmer TIRANË- Gjatë vizitës së parë zyrtare të një kryeministri britanik në vendin tonë, kreu i qeveris...
MOSKË- Pavarësisht stabilitetit sipërfaqësor dobësitë strukturore të ekonomisë në Rusi po thellohen, th...
Pamje nga vendi i ngjarjes FINIQ- Kandidatja e PD në Qarkun e Vlorës, Ina Zhupa ditën e zgjedhjeve të 11 majit ka ndarë foto nga n...
Antonio Costa TIRANË- Presidenti i Këshillit Europian, Antonio Costa, i cili ndodhet në Shqipëri në kuadër të Samitit t...
Ilirjan Celibashi TIRANA- Kreu i Komisionit Qëndror të Zgjedhjeve, Ilirjan Celibashi ka dalë në një deklaratë pas shkark...
