Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
TIRANË– Kryetari i Partisë Demokratike, Lulzim Basha ka reaguar sërish në lidhje me paketën antishpifje. Me anë të videoje të publikuar në profilin e tij në Facebook, Basha thekson se tragjedinë e 26 tetorit, kryeministri Edi Rama po e përdor për shoë politik dhe për të kontrabanduar paketën që synon të kthejë censurën në Shqipëri.
Basha thekson më tej në video-mesazh se rëndësia që ka liria e shprehjes për demokracinë tonë dhe kërcënimi i rëndë që po i vjen kësaj lirie thelbësore nga paketa ligjore e propozuar prej qeverisë, e kanë detyruar gjithë opozitën e vendit për t’u angazhuar në kundërshtim të saj.
Ndër të tjera kreu i PD-së shton se dy projektligjet e propozuara mund të konsiderohen vetëm paketë “Anti-Fjalës së Lirë” sepse i akordojnë AMA-s dhe AKEP-it kompetenca gjyqësore, i shndërrojnë këto dy institucione në censorë me forcë kërcënuese e sanksionuese kundër mediave të lira.
Fjala e plotë e Lulzim Bashës
Të nderuar qytetarë,
Në këto ditë të vështira të përballimit të pasojave të katastrofës humanitare të tërmetit do kisha preferuar që e gjithë koha dhe vëmendja ime të ishte në funksion të bashkëqytetarëve të prekur dhe të mos isha i detyruar tu drejtohesha me këtë mesazh.
Mirëpo rëndësia që ka liria e shprehjes për demokracinë tonë dhe kërcënimi i rëndë që po i vjen kësaj lirie thelbësore nga paketa ligjore e propozuar prej qeverisë, më kanë detyruar mua dhe gjithë opozitën e vendit për t’u angazhuar në kundërshtim të saj.
Ajo që na ndodhi nuk ishte vetëm një fatkeqësi natyrore, por edhe një fatkeqësi njerëzore, sepse po mos të kishim pasur abuzimin, papërgjegjshmërinë, neglizhencën apo paaftësinë e zyrtarëve të kësaj qeverie, numri i viktimave dhe dëmet do të kishin qenë shumë më të vogla.
Mirëpo në vend që qeveria të merrej me ndihmën ndaj të dëmtuarve dhe me vënien para përgjegjësisë ligjore të zyrtarëve të saj përgjegjës, ajo është duke e përdorur politikisht këtë katastrofë për të bërë shoë mediatik populist dhe për të fshehur një tërmet që po i shkakton themeleve të lirisë dhe demokracisë në Shqipëri.
Në kushtet kur opozita, mediat, shoqëria civile, mbarë kombi shqiptar e ka vëmendjen të përqendruar tek plagët e hapura nga tërmetet e 21 shtatorit dhe 26 nëntorit, tek qytetarët e pastrehë që po ballafaqohen me dimrin në kushte të mjerueshme nëpër çadra, qeveria po përpiqet që prapa krahëve të na kontrabandojë një paketë ligjore e cila synon të kthejë censurën në Shqipëri.
Liria e shprehjes është themeli i demokracisë dhe është çelësi i gëzimit të të drejtave të tjera civile politike dhe ekonomiko-sociale. Si mund të mbrosh të drejtat e tjera po nuk pate të drejtën themelore që të ngresh zërin kundër padrejtësive dhe shkeljeve!
Në vend që sivjet të gëzonim 30 vjetorin e rënies së murit të Berlinit dhe fillimit të revolucionit të kadifenjtë që shembi komunizmin në Europën Lindore, ne po përballemi me rikthimin e nenit 55 për Agjitacion dhe Propagandë të kohës së diktaturës.
Dy projektligjet e propozuara mund të konsiderohen vetëm paketë “Anti-Fjalës së Lirë” sepse i akordojnë AMA-s dhe AKEP-it kompetenca gjyqësore, i shndërrojnë këto dy institucione në censorë me forcë kërcënuese e sanksionuese kundër mediave të lira.
Këtë sulm kundër lirisë së shprehjes, e kanë artikuluar më së miri dhjetëra organizata të ndryshme të mediave, nga brenda e jashtë vendit, të cilat e kanë denoncuar këtë paketë ligjore e i kanë bërë thirrje qeverisë shqiptare që të tërhiqet prej saj.
Gjithashtu, është e turpshme për vendin dhe popullin tonë që qeveria Rama po shtyn me arrogancë një paketë ligjore të kundërshtuar me forcë nga OSBE-ja në të njëjtin vit që Shqipëria ka kryesimin e OSBE-së.
Ky veprim nuk është rastësi, por është hapi i radhës i kësaj qeverie që po degradon në autoritarizëm, për të fshehur dështimet, korrupsionin dhe kriminalizimin e saj, nëpërmjet censurës.
Prandaj duke mbështetur organizatat e mediave që janë angazhuar në mbrojtjen e lirisë së shprehjes, i bëj thirrje qeverisë që të heqë dorë nga paketa ligjore despotike që ka përgatitur.
I bëj thirrje përfaqësuesve të Shteteve të Bashkuara të Amerikës dhe të gjitha shteteve të tjera mike demokratike, që të bëjnë presion ndaj qeverisë së Edi Ramës për të mos ndërmarrë këtë veprim të rëndë kundër lirisë së shprehjes.
Po ashtu kërkoj ndihmën e Bashkimit Europian, Këshillit të Europës dhe të gjitha organizatave ndërkombëtare që të kërkojnë prej qeverisë shqiptare t’ju përmbahet angazhimeve të ndërmarra për lirinë e shprehjes në kuadër të konventave dhe organizatave të ndryshme ndërkombëtare ku Shqipëria bën pjesë.
Por ajo që është më e rëndësishmja, ju ftoj ju të dashur bashkëytetarë pa dallim, që pa lënë anash solidaritetin tonë ndaj viktimave të fatkeqësisë natyrore dhe njerëzore të tërmeteve, të mobilizohemi për të penguar me të gjitha forcat këtë atentat kundër lirisë së fjalës në vendin tonë. Kjo qeveri nuk do mund të na e mbyllë gojën!
Qeveria socialiste është investuar prej 2 vitesh në krijimin e një pakete të quajtur “Paketa Anti-shpifje”e cila do të kalojë në Kuvend në 19 dhjetor. Kjo paketë, e cila synon të vendosë rregulla në mediet online, është pritur negativisht nga gazetarët dhe organizatat që mbrojnë fjalën e lirë.
Me këtë ligj, Shqipëria kthehet në vendin e vetëm në Evropë që gazetarët dhe mediat gjobiten me vendime administrative. Por përveç gjobave media online do të përballet dhe me mbyllje, ku parashikohet një gjë e tillë kur publikohet 5 “fake neës”, bllokohet për një vit.
Nga ana tjetër, Komisioni i Ligjeve ka miratuar në parim projekt-ligjet që janë pjesë e paketës Anti-shpifje.
(f.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË– Zëdhënësja e Partisë Demokratike, Ina Zhupa shprehet se kryeministri Edi Rama nuk është I besueshëm në faktin se mund ta përballojë situatën pas të...
TIRANË– Presidenti Ilir Meta ka dalë hapur kundër qeverisë në lidhje me miratimin e paketës antishpifje. Në një status në rrjetet sociale, Meta ka pu...
TIRANË– Shtyhet mbledhja e Komisionit të Reformës Zgjedhore. Në një deklaratë për mediat, kryetari i Reformës Zgjedhore, Damian Gjiknuri ka dhënë para medi...
TIRANË- Kryeministri, Edi Rama këtë pasdite ishte në një takim me banorët e Vaqarrit në Tiranë, ku nuk munguan as batutat e kreut të qeverisë me këta të fu...
TIRANË- Partia Demokratike ka deklaruar se me zgjatjen e gjendjes së jashtëzakonshme edhe për 3 muaj të tjerë, qeveria nuk i shërben qytetarëve të prekur n...
TIRANË- Kryeministri Edi Rama së bashku me kreun e Bashkisë së Tiranës, Erion Veliaj ka shkuar sot në Vaqarr aty ku do të ndërothet lagjia e re, pas shembe...
TIRANË- Kryeministri Edi Rama ka reaguar sot në lidhje me paketen anti-shpifje, e cila është propozuar nga qeveria që ai drejton dhe duket se do të miratoh...
TIRANË- Presidenti i Serbisë, Aleksandër Vuçiç, do të vizitojë Tiranën në fundjavë. Lajmi është bërë i ditur nga Presidenca serbe, e cila në ...
TIRANË–Komisioni i Ligjeve miratoi sot në parim projekt-ligjet që janë pjesë e paketës Anti-shpifje. Nuk ka munguar edhe një reagim i Nora Malajt, ish-depu...
