KultureShowbiz

EKSKLUZIVE/ Agim Doçi ‘shpërthen’ kundër Ronela Hajatit, këngëtarja i ‘vodhi’ tekstin e Alo Alo, paralajmërimi: Hajdutët do të ndëshkohen!

Në referencat e cituar nga Hajati në kanalin e saj zyrtar në ‘Youtube”, ajo nuk ka harruar të citojë personin që është kujdesur për paraqitjen e saj të jashtme, për veshjet e saj, Zaimina Vasjari, ndërsa përsa i përket të drejtave të autorit, këngëtarja është mjaftuar me emrin e Osman Mulës, për vijën melodioze.
Featured image of article: EKSKLUZIVE/ Agim Doçi ‘shpërthen’ kundër Ronela Hajatit, këngëtarja i ‘vodhi’ tekstin e Alo Alo, paralajmërimi: Hajdutët do të ndëshkohen! Ronela Hajati, Agim Doçi dhe Luan Zhegu
Përditësuar:

TIRANË– Këngëtarja Ronela Hajati ka rikthyer këngën “A do të vish”, të kënduar nga Luan Zhegu në Festivalin e Këngës në Radio Televizionin Publik Shqiptar, në vitin 1987. Teksti i shkruar nga Agim Doçi, muzika e krijuar nga Osman Mula kanë ardhur një ditë më parë në zërin e Ronela Hajatit dhe reperit Vig Popa, me disa miksime të vogla, për të krijuar një atmosferë verore.

Por ajo që ne të Dosja.al na ra që në momentin e parë në sy është fakti se në referencat e kanalit në Youtube, në tekstin bashkëngjitur këngës, Hajati nuk ka përmendur në asnjë rresht autorin e vargjeve, poetin Agim Doçi, i cili ia “dhuroi” tekstin kompozitorit Osman Mula në interpretimin e shkëlqyer të Luan Zhegut.

Do të donim të besonim se Hajati i ka rënë shkurt me citimet në kanalin në Youtube, por ajo nuk ka harruar të citojë të tjerë bashkëpunëtorë të saj, si Zajmina Vasjari, e cila është kujdesur për paraqitjen e saj të jashtme. Ndërsa për të drejtat e autorit në këtë “remake”, ku Hajati nuk ka përdorur vetëm në sfond zërin e Luan Zhegut, por edhe ka kënduar vetë vargjet e Agim Doçit, nuk ka asnjë citim. 

Referencat ku Zajmina Vasjari njeh veten si autore të tekstit

Për më shumë bëhu pjesë e grupit më viral në Facebook, Dosja.al

Dosja.al kontaktoi me Agim Doçin, autorin e këtij teksti, i cili u treguar mjaft i prerë kur tha se ‘hajdutët do të ndëshkohen’, duke paralajmëruar një padi në gjykatë për të drejtat e autorit. 

“Hajdutët do ndeshkohen pa tjeter. Muzika: OSMAN MULA. TEXTI: AGIM DOÇI. INTERPRETUES: LUAN ZHEGU. ÇMIMI II VITI 1987 NË FEST,”- shkroi Doçi në një komunikim via ëhatsapp me Dosja.al.

Edhe vetë këngëtarja Ronela Hajati ka pranuar se nuk ka marrë leje për tekstin e këngës “A do të vish” nga tekstshkruesi Agim Doçi, duke u mjaftur me miqësonë që pretednon se ka me këtë të fundit. E kontaktuar nga Dosja.al në rrjetin social Instagram, Ronela Hajati tha se për pjesën e tekstit që ka marrë nga kjo këngë, ka kërkuar leje nga Luan Zhegu dhe Osman Mula dhe ka marrë konfirmim prej tyre. Kërcënimit të Doçit për tu përballur në Gjykatë, Hajati iu përgjigj me fjalët: Agimin e kemi mik, s’ka lidhje këtu për Gjykatë! 

(f.m;f.g/Dosja.al)

Shto Koment