Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
TIRANË- Pas kritikave nga OSBE për qeverinë shqiptare, disa organizata ndërkombëtare të gazetarëve, i kanë bërë sot thirrje Kuvendit të Shqipërisë që të mos votojë paketën anti-shpifje. Në një deklaratë të përbashkët, organizatat Qendra Evropiane për Shtypin dhe Lirinë e Medias, NENI 19, Federata Evropiane e Gazetarëve, Organizata e Mediave e Evropës Juglindore, Instituti Ndërkombëtar i Shtypit, Gazetarët pa Kufij dhe Komisioni për Mbrojtjen e Gazetarëve shprehen kundër paketën anti-shpifje dhe thonë se kjo do të dëmtojë mediat.
Më tej në deklaratën e tyre këto organizata shtojnë se “ekziston një shqetësim i përhapur për këmbënguljen e qeverisë dhe parlamentit për të ndjekur këto projektligje pasi ato sinjalizojnë një kthesë në më të keqen për klimën e lirisë së shtypit në Shqipëri”.
DEKLARATA E PLOTË
Ne ritheksojmë thirrjen tonë për parlamentin shqiptar të mos aprovojë projektligjet e mediave të njohura si “paketa e shpifjeve”. Nëse projektligjet hyjnë në fuqi, ata do të futnin kërkesa të detyrueshme regjistrimi për mediat online dhe do të krijonin një organ administrativ me fuqinë për të gjobitur, mbyllur mediat në internet dhe bllokimin e mediave të huaja në internet – të gjitha pa një urdhër gjykate. Ata gjithashtu do të prezantonin rregullimin shtetëror të mediave në internet, që është në kundërshtim me udhëzimet ndërkombëtare të praktikës më të mirë për vetë-rregullimin. Ne vërejmë se propozimet nuk janë në përputhje me praktikat më të mira të vetë-rregullimit dhe do të kishin një ndikim negativ në lirinë e shprehjes në Shqipëri. Kjo vjen pasi Shqipëria është vendosur të marrë Presidencën e Organizatës për Siguri dhe Bashkëpunim në Evropë (OSBE) në Janar 2020.
Parlamenti shqiptar ka inicuar ‘konsultime publike’ të projektligjeve për media. E para nga këto takime u zhvillua në 25 nëntor në mes të kundërshtimit të fortë të shtypit kombëtar dhe ndërkombëtar të komunitetit për lirinë e mediave. Seancat e radhës ‘konsultimi publik’ do të zhvillohen në 11 dhe 12 dhjetor 2019 në Tiranë. Projektligjet e mediave pritet të miratohen nga parlamenti në 19 dhjetor 2019. Ekziston një shqetësim i përhapur për këmbënguljen e qeverisë dhe parlamentit për të ndjekur këto projektligje pasi ato sinjalizojnë një kthesë në më të keqen për klimën e lirisë së shtypit në Shqipëri. Shqipëria ka detyrime dhe detyra të qarta sipas Konventës Evropiane për të Drejtat e Njeriut dhe OSBE-së, Presidenca e së cilës do të marrë përsipër në janar 2020. Nëse këto ligje miratohen, do të ishte veçanërisht problematike që Shqipëria të merrte këtë rol.
Më 3 korrik 2019, Këshilli i Ministrave i Qeverisë së Shqipërisë miratoi një seri ndryshimesh të njohura si “paketa kundër shpifjes”, të cilat përfshijnë ndryshime në ligjin Nr.97 / 2013 “Për Audio Vizuale të Mediave në Republikën e Shqipërisë dhe ligjin Nr. 9918 “Për Komunikimet Elektronike në Republikën e Shqipërisë “. Gjatë misionit tonë avokues në Tiranë, kryer nga 18 deri më 21 qershor 2019, i cili përfshinte, Qendrën Evropiane për Lirinë e Shtypit dhe Mediave (ECPMF), NENIN 19, Komitetin për Mbrojtjen e Gazetarëve (CPJ), Federatën Evropiane të Gazetarëve (EFJ ), Instituti Ndërkombëtar i Shtypit (IPI), Reporterët pa Kufij (RSF) dhe Organizata e Mediave e Evropës Juglindore (SEEMO), kemi paralajmëruar për përkeqësimin e klimës së lirisë së shtypit në Shqipëri.
Ne ngritëm shqetësimet tona serioze për legjislacionin e propozuar gjatë takimit tonë me kryeministrin Edi Rama, duke kërkuar që ndryshimet të bëhen në përputhje me standardet ndërkombëtare. Në korrik , ne i bëmë thirrje Qeverisë shqiptare të tërheqë këto dy projektligje dhe i kërkuam parlamentit që të mos i aprovojë ato. Prandaj, jemi të zhgënjyer që parlamenti shqiptar ka paraqitur këto projektligje pa adresuar plotësisht sugjerimet e dhëna nga aktorët vendorë dhe institucionet ndërkombëtare . Përfaqësuesi i OSBE-së për Lirinë e Medias publikoi sot , 9 Dhjetor, analizën e tij të fundit ligjore mbi projektligjet, duke bërë thirrje për përmirësime të mëtutjeshme për të siguruar “mbrojtje të lirisë së shprehjes dhe për të shmangur çdo rrezik të kufizimeve ose sanksioneve të padrejta për ofruesit e mediave elektronike.” Ne i bëjmë thirrje parlamentit shqiptar që të heqë ndjekjen e tyre të kujdesshme të këtyre projektligjeve dhe të rifillojë procesin. Parlamenti gjithashtu duhet të përdorë mekanizmat e ndihmës të disponueshëm përmes zyrës së Këshillit të Evropës në Tiranë dhe Bashkimit Evropian, në mënyrë që të hartojë ligje që janë në përputhje me standardet më të mira të lirisë së shtypit.
Qeveria socialiste është investuar prej 2 vitesh në krijimin e një pakete të quajtur “Paketa Anti-shpifje” e cila do të kalojë në Kuvend në 19 dhjetor. Kjo paketë, e cila synon të vendosë rregulla në mediet online, është pritur negativisht nga gazetarët dhe organizatat që mbrojnë fjalën e lirë.
Me këtë ligj, Shqipëria kthehet në vendin e vetëm në Evropë që gazetarët dhe mediat gjobiten me vendime administrative. Por përveç gjobave media online do të përballet dhe me mbyllje, ku parashikohet një gjë e tillë kur publikohet 5 “fake news”, bllokohet për një vit.
(A.B. Dosja.al)
Tirana është boshatisur për ditët e pushimit. Cilën nga ritet e shenjta po ndiqni:
KAVAJË- Një përplasje me armë zjarri ka ndodhur pasditen e sotme në Kavajë ku për pasojë ka ndërruar jetë një 29-vjeçar. Mësohet se i riu është përf...
KAVAJË- Zbardhen detaje nga dëshmia e autorit të vrasjes në Kavajë. Mësohet se 60-vjeçari Xhevdet Lecini me duart në kokë i shokuar për ngjarjen e n...
TIRANË- Shqipëria u godit nga dy termete të fuqishme, brenda dy muajve: Ai i 21 shtatorit me dëme materiale dhe termeti fatal i 26 nëntorit, që mori jetën ...
TIRANË– Policia e Shtetit ka pësuar sot disa ndryshime në kupolën drejtuese të saj. Sipas informacioneve bëhet me dije se Drejtori i Përgjithshëm, Ar...
KAVAJË– Sërish vrasje në Kavajë. Pas vrasjes me skenar hollivudjan të ndodhur disa muaj më parë në apartamentin e Marsida Qatjas, një tjetër vdekje t...
TIRANË- Policia e Shtetit ka dhënë detaje lidhur me ngjarjen e ndodhur pasditen e sotme në Kavajë, ku si pasojë një 29-vjeçar është qëlluar për vdek...
KAVAJË- Zbulohen detaje nga vrasja e ndodhur pasditen e sotme në Kavajë. Mësohet se 29-vjeçari i vrarë me çifte është Marjus Ismaili.I riu në...
KAVAJË– Tronditet Kavaja. Një 29-vjeçar i identifikuar si Marjus Ismaili është qëlluar me armë gjahu pasditen e sotme, duke ndërruar jetë në vend. N...
TIRANË– Ministrja e Arsimit Besa Shahini u ka kthyer përgjigje peticionit të prindërve të shkollës “Emin Duraku”, të cilën paraditen e sotme kërkuan ...
