Politike

“Nga heqja e qeseve me presh në rrugë"/ Salianji e Xhaferraj kundër pr.ligjit për Policinë bashkiake: Do përdoren si patronazhistë

Me kritika për projektligjin ishte edhe Ferdinand Xhaferraj, i cili shtroi disa pyetje, ndërsa Lefter Gështenja kërkoi shtyrjen e votimit në parim, pasi nuk kishte pasur kohë për ta lexuar. 

13 Dhjetor 2022, 11:50 Nga k.m.
“Nga heqja e qeseve me presh në rrugë"/ Salianji e
Romina Kuko dhe Ferdinand Xhaferraj

TIRANË- Komisioni i Sigurisë ka kaluar në parim me shumicë votash projektligjin për Policinë Bashkiake. Gjatë mbledhjes së sotme për Komisionin e Sigurisë, deputeti Ervin Salianji u shpreh se Policisë Bashkiake i ngarkuar disa kompetenca, për të cilat tha se nuk kanë kapacitete në burime njerëzore dhe teknike. Gjithashtu ai u shpreh kritik, ndërsa tha se sipas tij policët bashkiakë do të përdoren si patronazhistët në zgjedhjet lokale. Por këto deklarata politike nuk u komentuan nga zv.ministrja e Ministrisë së Brendshme, Romina Kuko. Me kritika për projektligjin ishte edhe Ferdinand Xhaferraj, i cili shtroi disa pyetje, ndërsa Lefter Gështenja kërkoi shtyrjen e votimit në parim, pasi nuk kishte pasur kohë për ta lexuar. 

PJESË NGA DEBATI NË KOMISIONIN E SIGURISË:

Ferdinand Xhaferraj: Kompetencat e Policisë Bashkiake janë 3 faqe. Bashkëpunon me Policinë e Shtetit për ruajtje rendi, verifikon ligjshmërinë, bashkëpunim-bashkëpunim me Poliicnë e Shtetit. Ç'është kjo bashkëvendosje? A mund të ketë përplasje, a duhet të qëndrojnë në statusin e ndihmësit dhe jo bashkëpunuesit? Të lihet shija se po bëhet për zgjedhjet. S'më duket fare normale. Neni 21, ankimimi, si e keni zgjidhur pa një Apel? I njëjti Komision që e rrëzon, shqyrton ankesën. Duhet zgjidhur ndryshe. Ankimimi duhet bërë nga një strukturë tjetër e paanëshme. 23- Për t'u përzgjedhur kalohet në 4 faza. Drejtuesi kalon 2 faza.

Romina Kuko: Nuk është strukturë miliare por i shërben bashkisë për kompetencat e veta. Pjesa e bashkëpunimit nuk ka të bëjë me mbivendosjen e kompetencave. Drejtuesi nuk ka nevojë për të bërë testin fizik, kjo është arsyeja...Po më lejoni të mbaroj do ua shpjegoj. është me interes që të gjithë ta kuptojnë rëndësinë e ligjit. është me rëndësi që të ketë një procedurë të hapur dhe të ashpër konkurimi. Është strukturë e Bashkisë. Sa i përket ankimimit, i jemi referuar ligjit për vajtjen në Gjykatë. Kjo është logjika që kemi ndjekur në këtë ligj. 

Lefter Gështenja: Është hera e parë që kam më pak se 10 orë nga projektligji. Thjesht për ta lexuar dhet kohë. Asnjë nuk e ka luksin që të themi e kanë në uebsajtin e Kuvendit dhe merreni lexojeni. është detyrim ligjor që çdo deputet duhet të njoftohet 48 orë para. Nuk mendoj që ka urgjencë të madhe për të miratuar këtë projektligj. nuk kam pasur kohë ta lexoj dje, thuhet se është ngritur një gru punë më 27.12.2018. Ju nga 2018 na sillni një ligj me urgjencë ta kalojmë.Thoni që janë bërë konsultime, por nuk ka asnjë material se çfarë është diskutuar dhe çfarë është thënë. Të bëjmë opozitë konstruktive. Nuk them dot për çdo gjë që vjen nga maxhoranca se është e zezë. Nuk mendoj që ky Komision ka nxitim ta kalojë kur ka mbivendosje kompetencash. Duhet të jetë në harmoni me Kodin Rrugor. Pra nuk është kaq e thjeshtë. Duhet kohë... Nuk e ngre dot dorën pro pa lexuar projektligjin. Nuk mendoj se kjo është normale. Nuk e kaluam më 2018 se ishte prag zgjedhjesh, e njëjta gjë është edhe sot.

Salianji: Si mendoni se do realizohen këto kompetenca kur kanë kapacitete më pak se Policia e Shtetit, por ka më shumë kompetenca? Do monitorojnë plazhet, do ruajnë pyjet, do ndalojnë pirjen e duhanit, madje do angazhohet edhe me procedurat e shërbimit publik të varrimit. Kjo do krijojë selektivitet. Nuk sjellin asnjë kontribut. Kryetarët e Bashkive do i kenë një grup patronazhistësh për zgjedhjet lokale, do merren nga heqja e qeseve me presh. Ky projektligj i propozuar nuk e di nëse ka pasur indicie nga bashkitë apo i iniciuar nga qeveria, por lind i vdekur dhe as rregullon funksionet e policisë bashkiake, vetëm ngarkon me kompetenca. Se si do ti realizojnë këto kompetenca policitë bashkiake kur kanë mungesë të burimeve dhe kapacitete teknike disa herë më pak se Policia e Shtetit ndërsa duhet të kryejnë më shumë funksione se sa Policia e Shtetit. Policia bashkia do të angazhohet edhe me monitorimin e plazheve, të shitësve ambulantë, ndalimi i pijes së duhanit në urban e taksi ,në korridoret e pallateve, madje edhe në procedurat e shërbimit publik të varrimit. Nuk ka as burime financiare as kapacitete teknike i keni vendosur që të ketë kompetenca për bashkitë kaq shumë sa gjithë shteti i ka problem ti ketë. Një strukturë që pretendohet ti jepen këto kompetenca në fushën e mbikëqyrje dhe batimit të ligjit, nuk merret minimalisht kujdesi për të parandaluar angazhimin e tyre në fushatë. Kryetarët e bashkive përtej partive politike, do t’i kenë një grup patronazhistës siç ka ndodhur me PS, për t’i përdorur në zgjedhjet lokale, nga heqja e qeseve me presh në rrugë tek kërcënimi, lejimi i ndërtimeve ose jo të paligjshme. Pra jemi para zgjedhjeve lokaleve dhe ky projektligj duhet shtyrë dhe sigurisht duhet diskutuar edhe njëherë. Si ka mundësi që policia bashkiake të fusë hundët në çdo lloj kompetencë të inspektorateve të tjera. Ky projektligj nuk është marrë me seriozitetin e duhur...

Kuko: Në fakt nuk ka kompetencë të re, por përmbledhje e kompetencave të shkuara. Thjesht kemi detajuar dhe kornizuar rolin. Përpiqemi që të rregullojmë ndarjen e Policisë Bashkiake. Ky ligj ka kaluar në qeveri, është marrë aprovimi i të gjitha qeverive të linjës. Nuk është strukturë miliatare.

romina kuko komisioni i sigurise pr.ligji per policine bashkiake

Sondazh

Poll

MË SHUMË