Politike

Grushti i Berishës sjell sërish DEBAT tek 'Siguria'/ Xhaferraj kërkon llogari nga Kuko, Naço: Po mirë qenkemi në gjak...

Në fjalën e tij, Ferdinand Xhaferraj kërkoi nga zv.ministrja e Brendshme, Romina Kuko informacione lidhur me ngjarjen. 

13 Dhjetor 2022, 11:20 Nga k.m.
Grushti i Berishës sjell sërish DEBAT tek 'Siguria'/
Pamje nga Komisioni i Sigurisë

TIRANË- Edhe në mbledhjen e sotme të Komisionit të Sigurisë, deputetët e opozitës kanë përmendur grushtin ndaj numrit një të Partisë Demokratike, Sali Berisha. Në fjalën e tij, Ferdinand Xhaferraj kërkoi nga zv.ministrja e Brendshme, Romina Kuko informacione lidhur me ngjarjen. Reagimi i radhës i Xhaferraj ngjalli reagime tek socialistët. 

PJESË NGA BISEDA:

Ferdinand Xhaferraj: Me këtë heshtje dimë që zotëria që ka kryer aktin se "duhet ta bënte". Me heshtjen tuaj nuk thoni asgjë më shumë se do të ishte në seriozitetin që të dënonit dhunën...

Nasip Naço: Jeni shprehur dje në lidhje me këtë ngjarje, por dje u kam thënë që bëni 7 anëtarë dhe të vijë drejtori i përgjithshëm dhe t'ju informojë më shumë sesa zv.ministrja.

Ferdinand Xhaferraj: Ju i godisni në gusht...

Nasip Naço: Po mirë qenkam unë në gjak...

Sterkaj: Po të lutem, se ju keni godit me plumba dhe nuk e keni mbajtur këtë qëndrim. Keni vrarë 6 vetë në mes të sheshit e tani doni të gjeni...Na vjen keq që ka ndodhur ai fenomen, por nuk është pjesë e analizës, pse e tjerrni muhabetin. Nga eksperienca kemi dëme të mëdha. Është bërë genocid. 26 veta u plagosën 4 u vranë dhe as deri më sot nuk ka kërkuar askush falje publike.

Gerti Shehu, 31-vjeç sulmoi kreun e PD-së Sali Berisha, teksa ky i fundit ishte duke marshuar drejt bulevardit “Dëshmorët e Kombit” për të marrë pjesë në protestë. 31-vjeçari goditi me grusht në fytyrë Berishën duke e gjakosur. Ai u ndalua menjëherë nga truprojat e Berishës dhe ndërkohë u dhunua nga mbështetës dhe simpatizantë të PD-së. 31-vjeçari u shoqërua nga policia dhe mori mjekim në spitalin e Traumës, pasi ka dëmtime në fytyrë dhe fraktura në hundë. Po ashtu, edhe masa e sigurisë "arrest me burg" iu komunikua teksa ndodhej në shtratin e spitalit. 

komisioni i sigurise dhunohet berisha ne proteste

Sondazh

Poll

MË SHUMË