Aktualitet

VD- Polici gjerman fyen shqiptarin: Ik shoku, kthehu në vendin tënd të derrave

Ngjarja ka dy vite që ka ndodhur në Gießen të Gjermanisë. Policia do marrë masa për policin gjerman i cili është ende në detyrë.

15 Qershor 2022, 09:55 Nga A.B
VD- Polici gjerman fyen shqiptarin: Ik shoku, kthehu në vendin tënd
Momenti nga video

GJERMANI- Nuk janë të pakta rastet kur shqiptarët fyen e bullizohen në shtete të huaja për shkak të origjinës. Një video e bërë publike në rrjet, tregon momentin kur një oficer policie Giessen fyen shqiptarin. 

 "Hiqe celularin tënd të ndyrë," i thotë oficeri një burri me një xhaketë jeshile të errët. 

“Jo, jo”, përgjigjet burri me inat dhe vazhdon të filmojë me celularin e tij. 

“Ik shoku. Përndryshe do ta harroj veten. Kthehu në vendin tuaj të derrave".- i thotë polici. 

Ngjarja ka dy vite që ka ndodhur në Gießen. Videoja po përhapet me shpejtësi përmes TikTok që nga dita e hënë dhe është shikuar më shumë se 1900 herë. Shumë përdorues i quajnë raciste ose mosrespektuese deklaratat e oficerit të policisë, shkruajnë mediat gjermane. 

Shtabi i policisë Qendrore të Hessen-it tani ka konfirmuar se video është e vërtetë. Siç shpjegon zëdhënësi i policisë Jörg Reinemer, oficeri i policisë është një oficer 34-vjeçar nga Giessen, i cili është akoma në detyrë.

polici gjermani polici fyen shqiptarin ne gjermani shqiptar

Sondazh

Poll

MË SHUMË