Aktualitet

VD-I gjenden lëndë narkotike në banesë, arrestohet 29-vjeçari në Mamurras

Në banesën e Tafës ne Mamurras, jane gjetur 57 kg bime narkotike ne proces tharje

28 Maj 2022, 09:41 Nga DOSJA

VD-I gjenden lëndë narkotike në banesë, arrestohet

Pamje nga aksioni i Policisë

KURBIN- Ylli Tafa është vënë në pranga të policisë pasi iu janë zbuluar në banesë lëndë narkotike. Në kuadër të operacionit të koduar “ Light”, në banesën e Tafës ne Mamurras, jane gjetur 57 kg bime narkotike ne proces tharje qe e kishte pershtat banesen per tharjen e tyre si dhe 100 bime narkotike të kultivuara. Ai do të akuzohet për veprat penale “Kultivimi i bimëve narkotike” dhe “Prodhimi dhe shitja e narkotikëve”.

NJOFTIMI I POLICISË:

Finalizohet operacioni policor antikanabis i koduar “Light”, si rezultat i të cilit goditet një tjetër rast i kultivimit të bimëve narkotike në ambiente të hapura dhe të mbyllura. Sekuestrohen 57 kg bimë të dyshuara narkotike, të grira e të vendosura në proces tharjeje brenda një banese si dhe 100 bimë të dyshuara narkotike, të kultivuara jashtë saj.Vihet në pranga pronari i banesës. Specialistët e Seksionit për Hetimin e Krimeve të Komisariatit të Policisë Kurbin, në vijim të operacioneve të njëpasnjëshme për goditjen e veprimtarisë kriminale të kultivimit të bimëve narkotike në ambiente të hapura dhe të mbyllura, në bashkëpunim me Prokurorinë pranë Gjykatës së Rrethit Gjyqësor Kurbin, pas një hetimi proaktiv disajavor, kanë organizuar dhe finalizuar me sukses operacionin policor antikanabis të koduar “Light”, si rezultat i të cilit është goditur një tjetër rast i kultivimit të bimëve narkotike në ambiente të hapura dhe të mbyllura, si dhe është arrestuar në flagrancë shtetasi: -Y. T., 29 vjeç, banues në lagjen “Drita”, Mamurras, për veprat penale “Kultivimi i bimëve narkotike” dhe “Prodhimi dhe shitja e narkotikëve”. Gjatë kontrollit të ushtruar brenda banesës së 29-vjeçarit që e kishte përshtatur si magazinë, shërbimet e Policisë gjetën dhe sekuestruan në cilësinë e provës materiale, 57 kg bimë të dyshuara narkotike cannabis sativa, të grira e të vendosura në proces tharjeje. Në vijim të kontrollit u sekuestruan edhe 100 bimë të dyshuara narkotike cannabis sativa, të cilat u gjetën të kultivuara në ambientet e jashtme të banesës së shtetasit Y. T. Materialet procedurale i kaluan Prokurorisë pranë Gjykatës së Rrethit Gjyqësor Kurbin, për veprime të mëtejshme.

(A.B)/Dosja.al