TIRANË– Për më shumë se 60 minuta kryeministri Edi Rama shpjegoi sot arritjet që sipas tij, qeveria që drejton ka arritur në përballimin e koronavirusit dhe procesin e rindërtimit pas tërmetit. Rama e nisi fjalën e tij me buxhetin e vitit 2021 që do të kalojë në Kuvend, dhe tha se parësor në këtë buxhet është rindërtimi i banesave dhe pallateve ku do të akomodohen banorët e prekur nga tërmeti i 26 nëntorit 2019.
Rama garantoi se bonusi i qirasë do të vijojë të jepet deri në përfundim të rindërtimit të gjitha shtëpive, ndërsa zbuloi se sot numri i familjeve që jetojnë në çadra është 1324. “Procesi është top, shkollat që po ndërtohen janë super”-tha shefi i qeverisë.
Teksa i kaloi fjalën ministrit të Rindërtimit, Arben Ahmetaj, i cili deklaroi se numri i familjeve që po trajtohen me bonus qiraje është 13 556, Rama e mori sërish fjalën vetë për të sulmuar kundërshtarët dhe për të mbrojtur punën e ekipit që drejton.
Kryeministri sulmoi ashpër sot kryetaren e LSI-së, Monika Kryemadhi dhe presidentin Ilir Meta, të cilët i quajti “Sharlatanë” dhe “kulmi i injorancës”, ndërsa për kryetarin e PD-së, Lulzim Basha tha se gëzon respektin e tij si “Goxha djalë që duhet shpëtuar nga Meta dhe Kryemadhi”.
Rama u ndal edhe tek testimet për COVID-19. Kryeministri garantoi se shifrat e testimeve që raportohen nga MSH janë të shtetit dhe jo të privatit, ndërsa në listën e rasteve pozitive, hyjnë dhe ato që janë testuar në privat. “Nuk kemi teste të shpejta, së shpejti do t’i kemi sepse kemi hyrë në bisedime. Për 15 minuta del rezultati”,-tha Rama.
Rama ceku edhe protestën e studentëve, dhe shprehu gatishmërinë për të rimbursuar në llogari pagesën që është bërë për konviktet. “Kjo është situatë lufte, që nuk mund të planifikohet në afatgjatë”,-theksoi ai, duke e cilësuar si të parakohshëm vendimin e studentëve për t’u akomoduar në Tiranë.
Kryeministri foli edhe për çështjen e hapjes së negociatave dhe raportimin e ministrit holandez, Stef Blok. Rama tha është shpejt për të dalë në konkluzioneve, por e la të hapur ‘mundësinë’ se nëse Holanda i thotë ‘jo’ Shqipërisë, atëherë, faji është i saji për shkak të problemeve të brendshme, dhe skepticizmit sa herë që një vend hyn në BE.
(F.G;F.M/dosja.al)
1 vit nga zgjedhjet e 25 prillit si e shikoni gjendjen e vendit:
TIRANE– Kryetari i Bashkisë Erion Veliaj i ka kthyer përgjigje kryetares së LSI Monika Kryemadhi lidhur me pronësinë tek “Sami Frashëri”. Ndryshe nga ato që de...
TIRANE- Partia Demokratike ka shkuar në Fushë-Milot pranë familjes Gjoni në Fushë-Milot, banesa e të cilës është shkatërruar nga tërmeti, për thuajse 1 vit jeto...
TIRANE– Kryeministri Edi Rama ishte i pranishëm mëngjesin e sotëm në Pezë aty ku së bashku me kryetarin e Bashkisë, Erjon Veliaj, ministrin Arben Ahmetaj i dorë...
TIRANE– Kryetarja e LSI-së, Monika Kryemadhi gjatë një bashkëbisedimi me gazetarët u pyet dhe në lidhje me partinë e krijuar nga Jozefina Topalli. E pyetur se n...
TIRANE– Monika Kryemadhi ka dalë ditën e sotme para gazetarëve aty ku iu është përgjigjur pyetjeve në lidhje me situatën politike në vend.Kryemadhi u ndal sëris...
TIRANË– Kryetarja e Lëvizjes Socialiste për Integrim, Monika Kryemadhi ka deklaruar se mësimi online është diçka e pa konsultuar mirë. Në një konfer...
TIRANË– Kryeministri Edi Rama ka reaguar me zemër të thyer pas sulmit të tmerrshëm terrorist të ndodhur në Vjenë, ku katër persona humbën jetën dhe 17 të t...
TIRANE– Kryeministri Edi Rama ka publikuar në profilin e tij të ‘Facebook’ një thënie të Faik Konicës.“Frika të bën të thuash broç...
TIRANË– Kryetari i Partisë Demokratike Lulzim Basha, ka dënuar me forcë sulmin terrorist në Vjenë. Përmes një statusi në rrjetet sociale, Basha, shkr...
TIRANË- Presidenti i Shqipërisë Ilir Meta ka reaguar pas sulmit të tmerrshëm që ndodhi mbrëmjen e sotme në Vjenë ku si pasojë humbën jetën 7 persona dhe u ...