SHQIPËRI– Policia e Shtetit vijon kontrollet lidhur me respektimin e masave anti-COVID në vendin tonë. Brenda 24 orëve, me 3 mijë lekë të reja gjobë janë ndëshkuar 607 qytetarë që nuk mbanin maskën në publik. Ndërkohë që me 1.000.000 lekë, janë gjobitur edhe 4 administratorë lokalesh, pasi nuk kanë respektuar protokollet e sigurisë. Edhe pse kishte kaluar ora 20:00, ata vijonin punën normalisht duke mos përfillur masat e marrë kundër pandemisë.
Gjatë kontrolleve të kryera nga Policia, 11 shtetas që nuk kanë pranuar t’i tregojnë efektivëve të Policisë dokumentin e tyre të identifikimit, duke u ndëshkuar me 3.000 lekë të reja.
NJOFTIMI I PLOTË:
Policia e Shtetit
U konsatuan duke lëvizur pa maskat mbrojtëse, ndëshkohen me masën administrative 3.000 lekë, 607 qytetarë.
Ndëshkohen me masën 1.000.000 lekë secili, 4 administratorë lokalesh, pasi nuk respektuan protokollet e sigurisë.
Strukturat e Policisë, krahas përmbushjes së detyrave funksionale për parandalimin, evidentimin dhe goditjen e paligjshmërisë, kanë vijuar kontrollet në terren në të gjithë vendin, për të monitoruar zbatimin e masës së re për parandalimin e përhapjes së COVID-19, mbajtjen e detyrueshme të maskës mbrojtëse, e cila është detyrim për të gjithë qytetarët, që në momentin që dalin nga shtëpia.
Si rezultat i këtyre kontrolleve, gjatë 24 orëve të fundit, në të gjithë vendin, nga Patrullat e Përgjithshme dhe ato të Policisë Rrugore janë evidentuar 607 qytetarë që nuk kishin maskat mbrojtëse, të cilët janë ndëshkuar me masën administrative 3.000 lekë secili.
Gjithashtu, gjatë kontrolleve, shërbimet e Policisë kanë konstatuar 4 lokale, në ambientet e të cilëve kishte muzikë pas orës 20:00 dhe nuk respektoheshin protokollet e sigurisë që kanë si qëllim parandalimin e përhapjes së COVID-19. Secili prej administratorëve të këtyre lokaleve është ndëshkuar me masën administrative 1.000.000 lekë.
Gjatë këtyre kontrolleve janë shoqëruar në ambientet e Policisë në të gjithë vendin, 11 shtetas që nuk kanë pranuar t’i tregojnë punonjësve të Policisë dokumentin e identifikimit apo nuk e kanë pasur atë me vete, të cilët pasi kanë paraqitur dokumentin e identifikimit, janë ndëshkuar me masën administrative 3.000 lekë dhe më pas janë lënë të lirë.
Policia e Shtetit falënderon qytetarët që respektojnë këtë masë mbrojtëse dhe apelon që të gjithë të vendosin maskat mbrojtëse, të respektohet me rigorozitet vetëkarantinimi i detyrueshëm nga ata qytetarë që janë të prekur me COVID-19, pronarët e lokaleve të respektojnë protokollet e sigurisë dhe të mos kundërshtojnë urdhrin e punonjësve të Policisë, pasi Policia e Shtetit është në shërbim të qytetarëve, për të mbrojtur jetën dhe shëndetin e tyre, ndaj dhe është i rëndësishëm zbatimi i kësaj mase mbrojtëse sepse parandalon infektimin me COVID-19.
(k.m/dosja.al)
1 vit nga zgjedhjet e 25 prillit si e shikoni gjendjen e vendit:
Një i moshuar pretendon se jeta prej beqari që bën i biri, i ka sjellë telashe me të afërmit e tjerë më të ngushtë e disa herë edhe me orenditë e shtëpisë që fl...
GJIROKASTËR– Në qarkun e Gjirokastrës, që prej datës 17 tetor e deri më sot ende nuk kanë mbërritur përgjigjet e tamponave për personat e dyshuar me Covid-...
TIRANË– Artisti shqiptar Koço Devole prej 10 ditësh është infektuar me koronavirus, i shtruar në spital aty ku po merr mjekimin e duhur. Mirëpo gjen...
TIRANE– Policia e Tiranës njofton se në 24 orët e fundit ka arrestuar 8 persona, pasi akuzohen për vepra të ndryshme penale.Ka vënë në pranga shtetasin me inici...
Në një raport të lëshuar më 28 tetor, këto organizata OKB, UNESCO thanë se në kulmin e “mbylljes” për shkak të pandemisë, më shumë se 1.5 miliard fë...
TIRANE– Mëngjesin e 26 tetorit, Ligert Vaso – banor prej 20 vitesh në një rrugicë në zonën e ish-Ekspozitës në Tiranë, gjeti një fletushkë gjobe në dritar...
POGRADEC– Dy persona janë arrestuar pasi po transportonin 7 emigrantë të paligjshëm me qëllim kalimin e tyre drejt vendeve të BE-së kundrejt çmimit...
TIRANE– Drejtori i spitalit Shefqet Ndroqi, Perlat Kapisyzi në një deklaratë për mediat ka shprehur ngushëllimet për familjarët e 52 vjeçarit nga Tropoja...
LEZHE– Policia e Lezhës ka arrestuar në flagrancë shtetasin Genci Drita pasi merrej me trafikim të drogave të forta dhe armëve të zjarrit.Në përfundim të operac...