KUKËS– Ish-kryetari i Këshillit të Qarkut të Kukësit, Abedin Oruçi është shpallur në kërkim nga Policia e Shtetit. Prokuroria pranë Gjykatës së Shkallës së Parë Kukës, ka nxjerrë urdhër ndalimi për Oruçin, i cili akuzohet për veprat penale “Kundërshtimi i punonjësit që kryen një detyrë shtetërore ose një shërbim publik”, ” Kanosja për shkak të detyrës” si dhe ndërtim pa leje.
“Më datë 20.10.2020, Prokuroria pranë Gjykatës së Shkallës së Parë Kukës, ka nxjerrë urdhër ndalimi për shtetasin A.O., 54 vjeç, banues në Kukës, i dyshuar për veprat penale “Kundërshtimi i punonjësit që kryen një detyrë shtetërore ose një shërbim publik”, ” Kanosja për shkak të detyrës” si dhe “Pushtimi i tokës” . Po punohet për kapjen e shtetasit A.O,”- njofton policia.
Por kush është Abedin Oruçi?
54-vjeçari ka garuar në zgjedhjet vendore si kandidaturë e Bindjes Demokratike dhe ka qenë kreu i këshillit bashkiak në Kukës nën siglën e aleatëve të Partisë Demokratike, PDIU-së Shpëtim Idrizit. Por me blutë e PD-së, Oruçi nuk i ka pasur kurrë mirë marrëdhëniet. Në vitin 2017, Ervin Salianji e akuzoi Abedin Oruçin për trafik prostitucioni, ndërsa ky i fundit e paditi ish-deputetin e PD-së.
Ish-kreu i Këshillit të Qarkut të Kukësit, iu drejtua Gjykatës ku përmes një kërkesë padie kërkoi përgjenjështrimin e deklaratës së Salianjit. Kreu i PD-së, Lulzim Basha, e ka quajtur Oruçin ‘vrasës me pagesë’. Oruçi, ka qenë edhe ish-kryetari i Partisë Socialiste i Komunës së Kolshit në Kukës.
Cila është skeda kriminale e Oruçit?
Ai, në tetor të vitit 2011 ka hapur zjarr me pistoletë ndaj turmës së njerëzve që protestonin për një minierë të hekur-nikelit në Mamëz. Abedin Oruçi është ndaluar edhe në Prizren në korrik të vitit 2008 me akuzë për përfshirje në trafik droge por edhe atje është liruar nga gjykata e qytetit gjë që solli edhe shkarkimin e tij te menjehershëm në Shqipëri. Pas këtij rasti, kryeministri i asaj kohe Sali Berisha, ndërmori shkarkim të mënjehershëm, por pak kohë më vonë Gjykata e Kushtetuese e ktheu në punë.
Në janar të vitit 2010 Inspektorati i Lartë i Deklarimit dhe Kontrollit të Pasurive (ILDKP) e kallëzoi penalisht kryetarin e asaj kohe, të Komunës Kolsh, Qarku Kukës, Abedin Oruçi, për fshehje të pasurisë në shifrat mbi 30 milionë lekë të reja. Oruçi, kishte fshehur në deklarim: 3 objekte banimi, me sipërfaqe totale ndërtimi 1020 m²; troje me sipërfaqe të përgjithshme 3614 m²; si edhe një pikë karburanti, të gjitha në territorin e qarkut Kukës. Sërish pas këtij rasti, Berisha e shkarkoi nga detyra, por sërish Gjykata Kushtetuese e ka kthyer në punë.
(j.v;f.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Albin Hoxha, 35-vjeçari që është vënë në pranga si një prej autorëve të atentatit në tentativë të biznesmenit Andon Dhima, ka qenë komando. ...
TIRANE– Gazetarja Klodiana Lala ka folur për herë të parë pasi fitoi çmimin nga BE për shkrimin investigativ në lidhje me blerjen e votave nga krim...
KUKËS– Albert Tuci, vëllai i kryetarit të Bashkisë Fushë-Arrëz Fran Tucit, përfaqësues i Partisë Socialiste është liruar nga burgu, pak javë pasi u a...
TIRANË– Na pret dimër i vështirë dhe rreziku i infektimit me covid është më i lartë tani se sa në vere. Ky është paralajmërimi i një prej anëtarëve t...
TROPOJË– Shkarkohet nga detyra nënprefekti i Tropojës, Granit Kurmekaj, ndërsa në vendin e tij është emëruar Mujo Gosturani.Ende nuk dihen detaje lidhur me...
LEZHË- Ish-deputeti Eduart Ndocaj është liruar nga komisariati i Lezhës, disa orë pasi u shoqërua me forcë nga efektivët. Në një prononcim për mediat, Ndoc...
BALLSH– Kryetari i Sindikatës së Naftëtarëve në Ballsh, Sokol Dautaj ka rezultuar pozitiv me COVID.Dautaj me anë të një njoftimi bën të ditur se ka gjashtë ditë...
TIRANE- Janë ndëshkuar 659 qytetarë gjatë 24 orëve të fundit pasi nuk i kishin vendosur maskat mbrojtëse dhe për këtë arsye, secili prej tyre është ndëshkuar me...