VORË– Kryetarja e Lëvizjes Socialiste për Integrim, Monika Kryemadhi ka shkuar në Vorë, ku edhe ka takuar banorë të prekur nga tërmeti. Gjatë bashkëbisedimit me qytetarët, Kryemadhi ka ngritur një pyetje lidhur me kryeministrin Edi Rama, të cilin e ka akuzuar se po tenton që të vjedhë gjithçka.
Duke përmendur edhe bashkëshortin e saj, presidentin Ilir Meta, Kryemadhi tha se gjatë gjithë karrierës së tij politike ka pasur për qëllim mbrojtjen e interesave kombëtare.
“Si nuk u ngop ky mo? Detin po, naftën po, pronat po. S’ka për të marrë gjë me vete. Kur ishte Meta kryeministër i bëri me Prokurori me Polici, që i shëmbën në 97. Kur u bë kryetar parlamenti nuk e la të bënte koncesione. Tani që u bë president, do me prek Kushtetutën, Meta nuk e lë. Si nuk u ngop? Hajt se do e ngopi populli me vota,”-tha Kryemadhi.
PJESË NGA FJALA E KRYEMADHIT:
Normalisht ky që do ju prishi pallatet këtyre nuk ka për tu dhënë as shtëpi, asgjë. Me ata nga ana tjetër nuk merret fare për ti ndihmuar, as nuk i sheh me sy, vjen vetëm këtu ku do të bëjë pallate dhe kulla. Si nuk u ngop ky? Nuk la gjë pa marrë, detin po, naftën po, pronat po, nuk u ngop ky. Nuk ka për të marrë asgjë me vete. Kur ishte Ilir Meta Kryeministër e bëri me prokurori, me polici, me të gjitha që i shembën në 1997-ën. Kur u bë Ilir Meta Kryetar Parlamenti nuk e la atë të bënte koncensione që të vidhte. Tani që është President ky do që të grabisë Kushtetutën dhe Ilir Meta nuk e lë… Nëqoftëse marrin aq metra katror apartamente sa i prishet këtu, të kenë kontratën të paktën. Nesër kur të iki Edi Rama, vijnë dhe thotë më ka premtuar Edi Rama, por po se pate me letër me firmë s’ke çfarë i jep ti. Se të gjithë zullumet e Edi Ramës do ti pastrojmë ne. Banorët duhet t’i sensibilizojmë, nëse ke ikur nga apartamenti jot, duhet një letër marrëveshje, kontratë me kë institucion, firmën ndërtuese që do e marri, me institucionin që do ta japi dhe me përgjegjës. Ta firmosin ata se ata do të mbajnë përgjegjësi nesër. S’ka më përgjegjësi kolektive, siç mendon Edi Rama. Kap koncesione çoji në Parlament dhe grabit naftën, detin, prona, kodra, fusha, rrugë. Si nuk u ngop ky njeri? Çfarë do më? 30 vjet pushtet që në ’98 pa zbritur një sekondë. Nuk u ngop duke shkatërruar Tiranën, Kopshtin Botanik, Bllokun, gjithë Unazën e Re, Laprakën dhe njësisë 9, Farkën gjithë Shqipërinë me bregdet dhe me të tëra. Nuk u ngop edhe këtu në Vorë me pallate. Çfarë do më? Dhe te hallexhinjtë do shkojë? Edhe te shtëpia, koteci i hallexhiut do shkojë? Kjo është absurditet. Megjithatë ne do dalim t’ju takojmë, do bisedojmë me ju. Nesër do të paraqesim padi për pezullim absolut për pezullimet që ka marrë Këshilli Bashkiak i Tiranës për zonën e Kombinatit, absurditete të jashtëzakonshme. As nuk i kanë thirrur njerëzit, as nuk i kanë pyetur, as nuk i kanë kërkuar të paktën një letër. Të njëjtën gjë do ta bëjmë dhe për ju këtu, sepse ai nuk mund të vendosë pa bashkëbisedim me qytetarët, pa konsultim me banorët, të marrë vendim vetëm me një Bashki ilegjitime. Këtu nuk ka kryetar. Edhe ai që doli nga votimet e 30 qershorit e futi në burg, e mashtroi.
(k.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANE– Deputeti Myslym Murrizi ka njoftuar se sapo ka rregjistruar partinë e tij Lëvizja Demokratike Shqiptare në Gjykatë. Sipas njoftimit partia u regji...
TIRANE– Nënkryetari i Partisë Demokratike, Edi Paloka në një deklaratë për mediat u shpreh se dalja e kryeministrit Edi Rama nga inceneratori në Elbasan është n...
ELBASAN– Kryeministri Edi Rama ka ftuar edhe demokratët që s’janë vlerësuar apo ata që nuk kanë gjetur hapësirë në PD, që të behën pjesë e Partisë Socialiste. K...
ELBASAN– Kryeministri Edi Rama nuk i ka kursyer epitetet për kryedemokratin Lulzim Bashën në aktivitetin ‘Deputeti që duam’ i mbajtur ditën e sotme në Elbasan.‘...
ELBASAN– Kryeministri Edi Rama teksa ishte i pranishëm ditën e sotme në qytetin e Elbasanit, për të prezantuar platformën ‘Deputeti që duam’ i bëri thirrje të r...
TIRANE– Gjatë aktivitetit ‘Deputeti që duam’ i zhvilluar nga Partia Socialiste në Elbasan, kryeministri Edi Rama rikujtoi momentin kur i kërkoi mini...
ELBASAN– Kryeministri Edi Rama prezantoi sot platformën ‘Deputeti që duam’ edhe për të rinjtë e Elbasanit, që duan të bëhen pjesë e Partisë Socialiste. Nga pika...
TIRANË- Ministri i Jashtëm grek Nikos Dendias i cili vizitoi ditën e djeshme Tiranën, pas takimit që ka bërë me Ministrin e Jashtëm të Shqipërisë Gent Cak...