SHKODËR- Policia ka identifikuar autorin e atentatit të djeshëm në Shkodër, ku mbetën të plagosur Mentor Hasanaj 37-vjeç dhe babai i tij Xhelal Hasanaj 74-vjeç. Unfiromat blu bëjnë me dije se është shpallur në kërkim 19-vjeçari Ilirjan Hasanaj, i cili është banues në lagjen “Teqe” në Shkodër. Ndërkohë policia ka sekuestruar motorin pa targa, të cilin i riu përdori gjatë atentatit.
Mjeti është gjetur në vendin e quajtur Livadhe, ku është sekuestruar edhe një skafandër dhe sende të tjera, që i përkasin autorit.
Njoftimi i Policisë:
Identifikohet me prova shkencore e biologjike autori i dyshuar i ngjarjes së ndodhur dje më datë 11.10.2020, ku mbetën të plagosur rëndë shtetasit M. H. dhe Xh. H. Shpallet në kërkim 19-vjeçari I. H. Sekuestrohet motomjeti i përdorur gjatë kryerjes së krimit dhe prova të tjera materiale. Strukturat e DVP Shkodër, nën drejtimin e Prokurorisë së Rrethit Gjyqësor Shkodër, falë reagimit të shpejtë e profesional, në vijim të hetimeve kanë bënë të mundur identifikimin e autorit të dyshuar, shtetasit I. H. 19 vjeç, banues në lagjen “Tepe”, Shkodër.
Ky shtetas, më datë 11.10.2020, në orën 12:30, në aksin rrugor Shkodër-Malësi e Madhe, te rrethrrotullimi i “5 Heronjve”, ka qëlluar me armë zjarri dhe ka plagosur rëndë shtetasit M. H. 39 vjeç banues në Grudë Fushë, Malësi e Madhe, me detyre përgjegjës i Policisë Bashkiake Malësi e Madhe dhe shtetasin Xh. H., 74 vjeç, banues në Grudë Fushë, Malësi e Madhe, të cilët po udhëtonin nga Shkodra drejt Malësisë së Madhe, me automjetin tip “Skoda”, në pronësi të Bashkisë Malësi e Madhe. Gjithashtu, falë reagimit në kohë, rrethimit të zonës dhe kontrollit të imtësishëm të territorit, shërbimet e Policisë, në vendin e quajtur Livadhe, kanë gjetur motomjetin pa targa, një skafandër dhe sende të tjera që ishin përdorur nga autori i ngjarjes.
Shërbimet e Drejtorisë Vendore të Policisë Shkodër, në bashkëpunim me ata të Malësisë së Madhe, vijojnë intensivisht punën për lokalizimin dhe kapjen e autorit të dyshuar. Nën drejtimin e Prokurorisë, strukturat hetimore të DVP Shkodër po vijojnë punën për zbardhjen e shkakut të kësaj ngjarjeje. Materialet iu referuan Prokurorisë së Rrethit Gjyqësor Shkodër, për veprat penale “Vrasja e më shumë se një personi” mbetur në tentativë dhe “Armëmbajtja pa leje”.
Ngjarja e rëndë ndodhi mesditën e djeshme, ku Mentor Hasanaj u plagos me armë zjarri teksa po udhëtonte bashkë me gruan dhe babanë e tij. I plagosur ka mbetur edhe ky i fundit. Të dy ndodhen në gjendje të rëndë në Tiranë.
J.V/Dosja.al
1 vit nga zgjedhjet e 25 prillit si e shikoni gjendjen e vendit:
BALLSH-Naftëtarët e Ballshit kanë dalë ditën e sotme në protestë duke marshuar drejt Bashkisë së Fierit. Ata kanë paralajmëruar se do të bllokojnë rrugën kryeso...
TIRANË-Talasemia është një nga sëmundjet me më shumë vështirësi në Shqipëri, shkas është bërë mungesa e gjakut. Kryesisht kjo sëmundje është e zhvilluar më...
TIRANË– Ambasada Amerikane në Shqipëri ka sqaruar një tjetër rregull për të gjithë qytetarët që kanë aplikuar për lotarinë amerikane. Duke shpërndarë...
TIRANË– Zbardhet dëshmia e shefit të Policisë Bashkiake të Malësisë së Madhe, ku ende nuk janë mbushur 24 orë nga atentati që iu bë teksa po udhëtonte me f...
KUCOVE– Një 44-vjeçare e cila punon në një fasoneri në qytetin e Kuçovës ka rezultuar pozitive me COVID-19.Ajo mendohet të jetë infektuar nga një ...
MALLAKASTER– Një 62 vjeçar nga Mallakastra është arrestuar pasi ka ushtruar dhunë fizike dhe psikologjike ndaj vajzës së tij. Dhe pse vajza ishte e pajis...
SHKODËR- 19-vjeçari Ilirjan Hasanaj është i dyshuari kryesor i atentatit të djeshëm në Shkodër, ku mbetën të plagosur Mentor Hasanaj, 37 vjeç...
BALLSH– Naftëtarët e Ballshit hyjnë sot në ditën e 15-të të grevës së tyre të urisë që po zhvillohet në ambientet e brendshme të Uzinës. Ata kanë dalë ditën e s...
SHQIPËRI- Rikthehen reshjet e shiut. Meteoalb parashikon se në mëngjes do të ketë reshje shiu në zonat bregdetare. Ndërsa gjatë mesditës reshjet e shiut do...