TIRANË- Ish-deputetja e Partisë Demokratike, Jorida Tabaku është shprehur se taksa progresive është e pandershme. Nëpërmjet një postimi në Facebook, Tabaku thekson se taksa progresive është barrierë për mjekët, inxhinierët, ekspertët, specialistët e programimit dhe bankierët.
Sipas Tabakut, fasha nga 40 mijë lekë deri në 80 mijë lekë paguan 51% të vlerës totale të TAP në vend. Ajo thekson më tej se taksa progresive nuk i jep më shumë para në xhep atij që ka investuar jetën e tij për të përmisuar njohuritë dhe dijet në punën që bën.
Ish-deputetja premton se kur të vijë në pushtet do të rikthejmë Shqipërinë në punë.
Reagimi i plotë:
Ka një arsye përse mjekët, infermierët, inxhinierët, specialistët e programimit, ekspertët dhe bankierët mbajnë mbi supe peshën më të madhe të taksave në vend; Taksa Progresive. Kjo është forma më e pandershme e cila takson dijen, eksperiencën, njohurinë dhe kontributin arsimor që ju keni bërë për veten tuaj. Siç e shihni fasha nga 40 mijë lekë deri në 80 mijë lekë paguan 51% të vlerës totale të TAP në vend.
Taksa progresive nuk i jep më shumë para në xhep atij që ka investuar jetën e tij për të përmisuar njohuritë dhe dijet në punën që bën. Taksa progresive nuk është incentivuesja e punës, zanatit me të ardhura të larta. Ajo është një barrierë që takson dijen, mundin dhe përpjekjen e gjithsecilit për të rritur të ardhurat duke investuar në shkollim dhe punësim.
Prandaj ne po luftojmë për një taksë të sheshtë; që nuk do të jetë barriera e guximit tuaj për të investuar në dije, shkencë, sipërmarrje. Prandaj po ofrojmë taksën e sheshtë 9% për rrogën që pagat tuaja mos të taksohen 13% apo 23% siç sot qeveria e specialistëve të PPP ju takson. Ne besojmë tek aftësitë dhe zotësitë e individit, ne besojmë se mundësitë duhen shfrytëzuar dhe se gjithsekush duhet të gëzojë frytet e punës së tij.
Ditë më të mira do të vijnë për të gjithë. Për mjekët, inxhinierët, infermierët, ekonomistët dhe inxhinierët e programimit. Ne do ta rikthejmë Shqipërinë në punë duke hequr barrën e pandershme të taksës progresive për t’ju ofruar taksën e sheshtë të barazisë. Secili të gëzojë frytin e punës së tij pa u taksuar padrejtësisht!
Ndërkohë, pak ditë më parë kryeministri Edi Rama deklaroi se taksa progesive është e duhura në një ekonomi si Shqipëria. Rama sqaroi se gjatë tashmë të pasurit paguajnë më shumë taksa sesa pjesa tjetër e shoqërisë.
J.V/Dosja.al
1 vit nga zgjedhjet e 25 prillit si e shikoni gjendjen e vendit:
TIRANË– Presidenti Ilir Meta, ka mbajtur sot ceremoninë e vlerësimit të Heronjve të Popullit dhe figurave të shquara të Luftës Antifashiste Nacional&...
TIRANË- Kryetari i Partisë Demokratike, Lulzim Basha, pas takimit me taksistët në Tiranë, u shpreh se rritja e pagave për bluzat e bardha dhe arsimtarët, j...
TIRANË– Ilirjan Celibashi ka marrë zyrtarisht detyrën e kryetarit të ri tëKomisionit Shtetëror të Zgjedhjeve. Në një deklaratë që ka dhënë për mediat ai ka...
TIRANË – Kryetari i Partisë Demokratike, Lulzim Basha ditën e sotme ka zhvilluar një takim me taksistët në Tiranë ku dhe ka dëgjuar problemet që këta të fu...
TIRANË– “Shqipëria më pranë se kurrë çeljes së negociatave në Bashkimin Europian!,“-kështu e nisi fjalën e tij në Kuvendin e Shqipërisë, Komisioneri...
TIRANË- Kryeministri Edi Rama e ka nisur ditën me një raport për rritjen e pagave. Nëpërmjet një postimi në rrjetet sociale Rama shkruan se fondi i pagave ...
TIRANË- Presidenti Ilir Meta, në ditën e lindjes së heroit Vojo Kushi, shprehet se ai ishte një “Tarzan”, i cili përballej në çdo moment me armikun....
TIRANË– Agron Duka, kryetari i PAA-së dhe Arben Pëllumbin, sekretar organizativ i PS-së kanë debatuar ashpër me njëri-tjetrin. Të ftuar në studion e ...
TIRANË– Endri Shabani i Nisma “Thurje” në studion e emisionit “Ilva Now” ka folur sërish për “largimin” e deputetes Rudina Hajdari. Ai ka sqaruar se Hajdar...
BEOGRAD– As paralajmërimi për një notë verbale nuk e ka ndaluar ministrin serb të Mbojtjes, Aleksandër Vulin. Ai i ka kthyer përgjigje kryeministrit shqiptar Ed...
