Aktualitet

Shkodër/ Voltana Ademi rezulton e infektuar me COVID-19, kryebashkiakja prej një jave nuk ka shkuar në zyrë

22 Shtator 2020, 08:54 Nga DOSJA
Shkodër/ Voltana Ademi rezulton e infektuar me COVID-19, kryebashkiakja

SHKODËR- Kryetarja e Bashkisë së Shkodrës, Voltana Ademi është e infektuar me COVID-19. Burime për Dosja.al bëjnë me dije se kryebashkiakes i është marrë tamponi ditën e djeshme, ndërkohë që përgjigja ka dalë ditën e sotme.

Të njëjtat burime bëjnë me dije se Voltana Ademi ka temperaturë 37.5 dhe prej një jave nuk ka shkuar në zyrën e saj. Nuk dihet akoma se ku mund ta ketë marrë virusi kryebashkiakja, por dyshohet se mund të jetë infektuar gjatë takimeve me komunitetin. Ajo tashmë ndodhet e karantinuar në banesën e saj, në gjendje të mirë shëndetësore.

Ndërkohë, ditën e sotme kanë rezultuar të infektuar edhe 3 prokurorë të Prokurorisë së Tiranës, një gjyqtar dhe prokuror i SPAK-ut. Sakaq, kanë rezultuar të infektuar edhe 2 punonjës të doganës së Kakavijës.

Po kështu, në Shqipëri çdo ditë rëndohet bilanci i COVID-19. Ministria e Shëndetësisë bëri me dije se së fundmi kanë humbur jetën 2 persona dhe janë infektuar 150 të tjerë. Aktualisht në spitalin Infektiv dhe “Shefqet Ndroqi” po trajtohen 189 pacientë, 16 në terapi intensive, nga të cilët 5 pacientë janë të intubuar. Numri total i viktimave ka shkuar në 364.

J.V/Dosja.al

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet infektohet voltana ademi koronavirusi ne shqiperi infektohet voltana ademi koronavirusi ne shqiperi

Sondazh

Poll

Aktualitet 22 Shtator 2020, 08:04

TIRANË- Preken nga COVID-19 tre prokurorë të Prokurorisë së Tiranës, si dhe një gjyqtar e një prokuror i SPAK-ut. Burime për Dosja.al bëjnë me dije se pas ...