VLORË– Ceremonia solemne në kuadër të kremtimit të 100-vjetorit të Luftës së Vlorës është zhvilluar mbrëmjen e sotme në Vlorë, në “Sheshin e Flamurit”. Të pranishëm në këtë ceremoni ishin Presidenti i Republikës Ilir Meta, i cili është kapur nga kamerat duke ecur krah kryetarit të Kuvendit Gramoz Ruçi, kryeministri Edi Rama dhe kryetari i Bashkisë Vlorë, Dritan Leli. I pranishëm ishte edhe prefekti i Vlorës Flamur Mamaj, i cili hapi edhe fjalën përshëndetëse në këtë ceremoni.
Fjala e Mamajt u ndalua për një moment për shkak të thirrjes së Ezanit nga xhamia dhe më pas rinisi. Pas Mamajt, fjalën e mori kryeministri Edi Rama i cili e ka cilësuar Luftën e Vlorës, si një nga më të veçantat në historinë e përbotshme të luftërave për nga përfundimi i saj. I pranishëm në ‘Sheshin e Flamurit’, ku u organizua edhe cereminia solemne e 100-vjetorit të Luftës Kombëtare të Vlorës, Rama tha se e veçanta e kësja lufte ka qenë edhe pjesë marrja e grave në këtë luftë. Rama shtoi se Lufta e Vlorës gjendet në një nga ato momentet formuese të shtetit të ri shqiptar.
“Besoj se në AND-në e gjakut të vlonjatëve është analogjia e të pamundurës. Një popull i çuditshëm me një aftësi të hatashme për të tejkaluar kufijtë e asaj që është e mundur dhe për të realizuar në momente të caktuara diçka të pamundur. Është një nga luftërat më të veçanta në historinë e përbotshme të luftërave për nga përfundimi i saj. Lufta e Vlorës është një luftë e fituar nga njëra palë që objektivisht ishte e humbur,”- u shpreh Rama ndër të tjera.
Pas kryeministrit Rama në krye të sheshit, doli kryetari i Kuvendit Gramoz Ruçi. Përpara të gjithë të pranishmëve, Ruçi u shpreh se ai shesh, i quajtur edhe ‘Sheshi i Flamurit’, mban peshën e rëndë të historisë kombëtare, para të cilit duhet të përulet çdo shqiptar. Ruçi shtoi se Lufta Kombëtare e Vlorës vulosi fitoren e parlamentarizmit që u themelua në Lushnje.
Më pas, fjalën e mori Presidenti Ilir Meta, i cili u shpreh nga Vlora se Zot i këtij vendi dhe sovraniteti në këtë tokë i përket vetëm popullit shqiptar. Meta shtoi se sipas tij, Lufta e Vlorës mbetet edhe sot krenari historike dhe një ngjarje vendimtare për pavarësinë e Shqipërisë. “Zot i këtij vendi dhe sovraniteti në këtë tokë i përket vetëm popullit shqiptar! Këtë e dëshmoi 100 vite më parë edhe Lufta Kombëtare e Vlorës, simboli i qëndresës së popullit tonë ndaj çdo projekti sundues, model i reagimit të vetëdijes atdhetare të shqiptarëve që marrin në dorë fatet e veta në momentet më kritike të kombit dhe Shqipërisë! Për këtë arsye Lufta e lavdishme e Vlorës mbetet edhe sot një krenari historike dhe një ngjarje vendimtare për pavarësinë e Shqipërisë,”- tha Meta ndër të tjera.
Kjo ceremoni, solli edhe momente pikante. Rama dhe Meta janë kapur në një foto teksa shihet që janë ulur pranë njëri-tjetrit në shesh.
Në një tjetër video, Rama dhe Meta u kapën në siklet pranë njëri-tjetrit, teksa Presidenti tundte këmbën, ndërsa kryeministri hidhte sytë lart në qiell. Ajo që ra në sy ishte edhe mungesa e kryetarit të Partisë Demokratike, Lulzim Basha. Për arsye që nuk dihen, edhe pse ishte i ftuar, Basha nuk shkoi në ceremoni.
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Zv/kryeministri Erion Braçe ka akuzuar ashpër Presidentin Ilir Meta dhe kryeopozitarin Lulzim Basha se po kontaktojnë me njerëz të bot...
TIRANË– Igli Gjelishti, shënjestra e Partisë Demokratike për ditët e fundit, ka reaguar sërish pas deklaratës së Endri Hasës, se pronari i Web & Develo...
SHKODËR– Majlinda Jubani Angoni është emëruar prefekte në qarkun e Shkodrës. Dosja.al mëson se ky vendim është marrë një ditë më parë në Elbasan, ku ...
KUKËS– Kryebashkiaku i Kukësit, Safet Gjici është tërhequr pas deklaratës që bëri paraditen e sotme, teksa shtoi se Mimi Kodheli, nuk ka qenë asnjëhe...
TIRANË- Partia Demokratike rikthehet në tryezën e Këshillit Politik me një kërkesë të pandryshuar, që koalicionet të mos preken. Nënkryetari i Partisë Demo...
TIRANË– Kryeministri Edi Rama do të mbledhë kryebashkiakët, dy ditë pas takimit që pati me grupin parlamentar. Dosja.al mëson se pasditen e të enjtes...
TIRANË- Pronari i Web & Development Communication, Igli Gjelishti i është përgjigjur akuzave të Partisë Demokratike se i ka kaluar kompanisë së botuesi...
TIRANË- Deputetja Rudina Hajdari ka treguar se edhe ajo është mes përfaqësuesve politikë të ftuar nga presidenti Ilir Meta për të diskutuar për datën e zgj...
TIRANË– Partia Demokratike akuzon botuesin Carlo Bollino dhe pronarin e Ëeb & Development Communication, Igli Gjelishti se kanë përfituar para nga...
TIRANË- Zëdhënësja e Partisë Demokratike Ina Zhupa, doli ditën e sotme në një deklaratë përpara maternitetit “Koço Gliozheni”, ku akuzoi bashkinë e ...
