Politike

Drogë në makinën e Bashkisë së Roskovecit, PD kërkon shkarkimin e Majlinda Bufit: Policia fshehu ngjarjen, po kryeministri

22 Gusht 2020, 14:29 Nga DOSJA
Drogë në makinën e Bashkisë së Roskovecit, PD

TIRANË– Partia Demokratike, me anë të një deklarate zyrtare nga ish-deputeti Enkelejd Alibeaj, ka reaguar lidhur me drogën e gjetur në makinën e kryebashkiakes së Roskovecit. Në reagimin e tij, Alibeaj shkruan se kryeministri Edi Rama ka marrë në mbrojtje kryebashkiaken Majlinda Bufi, ndërsa Policia nuk e ka bërë publik rastin.

Më tej, ish-deputeti shkruan se Policia nuk ka nisur asnjë hetim dhe as nuk ka marrë në pyetje nipin e kryebashkiakes, i cili njëkohësisht ishte punësuar si shoferi i saj, Arbër Bufi. Në fund të reagimit të tij, ish-deputeti kërkon nga kreu i qeverisë shkarkimin e Bufit, gjë që sipas tij Rama nuk e ka bërë për asnjë nga kryebashkiakët e denoncuar nga PD si persona me të shkuar kriminale.

REAGIMI I PLOTË: 

Rama mbron kryetaren ilegjitime të bashkisë Roskovec, policia nuk bën publik rastin. Nën drejtimin e Edi Ramës, drogën mund ta bësh me makinën e Ministrit të Brendshëm, por mund ta bësh edhe me makinën e kryetarit të Bashkisë. Mjafton të kesh garancitë e Edi Ramës se nuk do të shkarkohesh dhe droga derdhet lumë me makinat e shtetit.

Çfarë po bën Majlinda Bufi?

Kryebashkiakja ilegjitime e Bashkisë së Roskovecit akoma nuk e ka dënuar aktin e trafikut të drogës me makinën e saj nga nipi i saj. Kryebashkiakja ilegjitime e Edi Ramës nuk mohon dot atë që ka dalë në pazarin e Roskovecit me kohë. Ajo përdoret dhe u shërben disa trafikantëve të drogës, njësoj si shefi i saj në Tiranë dhe si shumë homologë në bashki të tjera të vendit.

Çfarë bën policia në këtë rast?

A e ka marrë në pyetje kryebashkiaken për trafikun e drogës nga nipi i saj me makinën e saj? Ajo që dimë deri tani, është se policia as që e ka bërë publik faktin, siç nxiton për raste të tjera, kur pushteti i Edi Ramës nuk implikohet drejtpërsëdrejti.

Çfarë bën kryeministri? A e shkarkoi ai kryebashkiaken e Roskovecit?

Pyetja është më shumë retorike. Edi Rama nuk ka shkarkuar asnjë kryebashkiak që është verifikuar me të shkuar kriminale. Ai thjesht ka heshtur që koha të mbulojë llumin me të cilin drejton vendin.

Droga, sasia dhe lloji i të cilës ende nuk dihen, u gjetën në makinën e Bashkisë së Roskovecit, e cila drejtohet nga Arbër Bufi, nipi i kryetares së bashkisë Majlinda Bufi. I riu, 35 vjeç është marrë nën hetim, ndërkohë që nga ana e socialistëve nuk ka asnjë reagim lidhur me rastin. Edhe Policia, pavarësisht se lajmi është publikuar prej kohësh nga mediat, nuk ka dalë me asnjë njoftim zyrtar lidhur me ngjarjen.

(k.m/dosja.al)

1 vit nga zgjedhjet e 25 prillit si e shikoni gjendjen e vendit:

View Results

politike politike arber bufi droge ne makinen e bashkise roskovec majlinda bufi arber bufi droge ne makinen e bashkise roskovec majlinda bufi

Sondazh

Poll

Politike 22 Gusht 2020, 12:32

LAÇ- Nis ndërtimi i 524 apartamenteve në Laç, të cilat u dëmtuan nga tërmeti i 26 nëntorit të vitit të kaluar. I pranishëm në këtë kantier ndërtim...

MË SHUMË