Politike

Kryemadhi bën llogaritë e zgjedhjeve 2021: Rama del me 40 mandate, 100 i marrim ne

30 Korrik 2020, 12:25 Nga DOSJA
Kryemadhi bën llogaritë e zgjedhjeve 2021: Rama del me 40 mandate, 100

TIRANË- Kryetarja e LSI-së, Monika Kryemadhi duket se ka marrë anën pozitive në ndryshimin e Kushtetutës së miratuar sot nga Parlamenti me 106 vota. Në fjalën e saj për mediat, jashtë selisë së PD-së, Kryemadhi nisi të bënte “përllogaritjen” e mandateve për zgjedhjet e ardhshme. 

Sipas saj në zgjedhjet e ardhshme, Partia Socialiste do të jetë me fat nëse merr 40 mandate, duke shtuar se pjesën tjetër e merr opozita e bashkuar. 


“Sakat në mendimet e tyre për t’ju bërë të qartë se vendimet e tyre , dua t’ju bëj të qartë se sot kemi të qartë të djathtën dhe të majtën e bashkuar. Do jemi pjesë e Këshillit Politik, është institucion i kërkuar nga KE për të krijuar hapësia Shqipërisë. I bëj thirrje shqiptarëve do t’ju heqin të drejtën e lëvizjes, do të bëheni viktima të trafikimit të vizave. Gjithë vendet e tjera lëvizin të lirshëm, vetëm Shqipëria dhe Serbia janë të izoluara. Beteja jonë nuk është më për koalicionet. Me këtë që ka bërë fundosi veten e tij, por na bëri nder ne për të bashkuar gjithë shqiptarët kundër tij. Rasti më i mirë për të do të jetë 40 deputetë. Ne do marrim 100. Po çahet guri nga urrejtja për Edi Ramën,”-u shpreh Kryemadhi. 

FJALA E PLOTË:

Për të gjithë personazhet qesharakë dhe sakatë në mendimet e tyre, për t’ju bërë të qartë që vendimet e tyre sot në Parlament që cënojnë ligjshmërinë, që cënojnë integritetin e shtetit shqiptar që e çuan Shqipërinë drejt izolimit përfundimtar. Dua t’ju bëj të qartë atyre që sot mbi të gjitha cënuan integritetin e shtetit shqiptar që e çuan Shqipërinë drejt izolimit përfundimtar, dua t’ju bëj të qartë atyre që kemi bashkë të djathtën e bashkuar, të majtën e bashkuar, të gjithë shqiptarët e bashkuar përballë Edi Ramës së vetmuar dhe të shkuar. Kështu që gropën që Edi Rama mendoi se mund t’ia hapte shqiptarëve, ia hapi vetes së tij dhe të jeni të bindur që kjo gropë nuk ka për ta shpëtuar dot. Do të jeni pjesë e Këshillit Politik znj. Kryemadhi? Sigurisht që do të jemi pjesë e Këshillit Politik. Ai është një institucion i kërkuar nga BE për të krijuar mundësi dhe për t’i krijuar hapësira sa më shumë mundësi për të qenë pjesë e BE. Vendimet, që sot Edi Rama bashkë me viktimat e tij nuk bënë gjë tjetër veç se izoluan Shqipërinë dhe shqiptarët dhe ju bëj thirrje të gjithë shqiptarëve që vendimi që Edi Rama ka bërë sot në parlament po ju a shqipëroj. Nuk po ju a them me fjali të mëdhaja politike që vendimit të sotëm do t’iu a heqin të drejtën e lëvizjes së lirë shqiptare. Do të fillojnë të vazhdojnë bllokimin dhe izolimin e Shqipërisë. Do të rinisin radhët nëpër ambasada për të marrë viza. Do të bëhen shqiptarët viktima të trafikimit të vizave dhe nën emrin e covidit të famshëm do të vazhdojmë të jemi të izoluar ku asnjëri prej nesh nuk do të lëvizë. Të gjitha vendet e tjera që janë vende të Bashkimit Europian lëvizin të lirshëm nëpër Europë. Vetëm Shqipëria dhe Serbia që drejtohet nga shoku i ngushtë i Edi Ramës, janë dy vendet në Ballkan të izoluara. Prandaj beteja jonë nuk është më betejë koalicioni, sepse beteja e koalicioneve është një betejë matematikore dhe e kam thënë që Edi Rama e ka mbyllur librin e aritmetikës në klasën e pare. Por ta dijë që me këtë që ka bërë ka fundosur veten e tij dhe në fakt i bëri një nder shumë të madh të djathtës së bashkuar, të majtës së bashkuar për të bashkuar të gjithë shqiptarët kundër Edi Ramës dhe po ju them në rastin më të mire, PS-së do të jetë me 40 deputetë, 100 deputetë janë deputetë të opozitës sot. Çdo shqiptar lufton për të mbajtur fëmijën e tij me bukë. Sot çdo shqiptar lufton për të shkolluar fëmijën e tij dhe sot çdo shqiptar ndihet më shumë se çdo herë tjetër i izoluar dhe i kërcënuar. Po çahet guri nga urrejtja për Edi Ramën.

Lajmi kryesor: Miratimi i ndryshimeve kushtetuese/ BE: Vazhdoni dialogun për zbatimin. Basha: Nuk i njohim! Meta: Akt i papranueshëm… Rama: Ejani në KP, jo më dëngla kërcënuese (REAGIMET)

(k.m/dosja.al)

1 vit nga zgjedhjet e 25 prillit si e shikoni gjendjen e vendit:

View Results

politike politike monika kryemadhi ndalimi i koalicioneve seanca plenare 30 korrik 2020 monika kryemadhi ndalimi i koalicioneve seanca plenare 30 korrik 2020

Sondazh

Poll

Politike 30 Korrik 2020, 12:20

TIRANË-  Nuk ka “festë” për ambasadën Gjermane. Peter Zingraf, ambasador i Gjermanisë ka komentuar miratimin e ndryshimeve Kushtetuese. Zingraf thotë se ma...

MË SHUMË