TIRANË– Presidenti Ilir Meta do të ritakohet sërish me kryetarin e Partisë Demokratike, Lulzim Basha, në lidhje me paketën me ndryshime kushtetuese që pritet të kalojë në seancën e radhës në Kuvend, ku përfshihet heqja e koalicioneve tradicionale dhe hapja pjesore e listave. Përmes një statusi në rrjetet sociale, Meta shkruan se ka marrë një mesazh nga Prof.Kristaq Kume, i cili i ka shprehur shqetësimin se duhej bërë çdo përpjekje për të shmangur ndryshime kushtetuese të njëanshme sepse do të ishte një kosto shumë e rëndë për vendin. Meta thekson se sipas sugjerimeve të Kumes, ai është dakort që çdo ide për ndryshime nga Marrëveshja e 5 Qershorit duhet të shkonte përsëri në tryezën e Këshillit Politik. Presidenti ndan me publikun pjesë nga deklarata e Partisë Demokratike, ku sekretari i Përgjithshëm i PD-së, Gazmend Bardhi, tha se opozita është e gatshme që edhe ndryshimet Kushtetuese t’i diskutojë në këtë Këshill. Kështu, opozita dhe presidenti i hapin lojën e dialogut kryeministrit duke i propozuar kështu, rimbledhjen e Këshillit Politik dhe diskutimin atje të çdo ndryshimi.
REAGIMI I ILIR METËS:
Dje në mesnatë mora një mesazh nga një intelektual i nderuar si Prof.Kristaq Kume. Shqetësimi i tij ishte se duhej bërë çdo përpjekje për të shmangur ndryshime kushtetuese të njëanshme sepse do të ishte një kosto shumë e rëndë për vendin. Ai sugjeronte se çdo ide për ndryshime nga Marrëveshja e 5 Qershorit duhet të shkonte përsëri në tryezën e Këshillit Politik. Sot në mëngjes, pa gdhirë mirë, i kërkova takim z.Basha për të parë a ishte i hapur për një ide të tillë. Ai më njohu me qëndrimin zyrtar të Partisë Demokratike dhe Opozitës së Bashkuar që është bërë publik dhe u është njoftuar dhe të gjithë partnerëve të shqetësuar për të ardhmen europiane të vendit tonë. Jam i bindur se ka kaq shumë intelektualë dhe qytetarë që ndajnë këtë shqetësim si të Prof.Kumes. Për këtë arsye po e ndaj me të gjithë ju këtë qëndrim tepër të përgjegjshëm dhe bashkëpunues të Opozitës së Bashkuar.
PJESË NGA DEKLARATA E SEKRETARIT TË PËRGJITHSHËM TË PD, GAZMENT BARDHI
Nëse Partia Socialiste është vërtet e interesuar për të rihapur diskutimin për çështje të tjera në lidhje me reformën zgjedhore, ajo është e obliguar nga Marrëveshja e 14 Janarit dhe nga Marrëveshja e 5 Qershorit ti parashtrojë ato për diskutime dhe vendimmarrje konsensuale në Këshillin Politik. Çdo diskutim i tillë, sipas Marrëveshjes, NUK mund të vonojë apo pengojë kodifikimin e Marrëveshjes së 5 Qershorit.
Një ditë më parë, Presidenti Ilir Meta dhe kryeministri Edi Rama kanë replikuar në distancë në lidhje me ndryshimet kushtetuese. Sipas Metës, këto bëhen në referendum, ndërsa Rama iu përgjigj se çdo ndryshim do të miratohet në Kuvendin e Shqipërisë, me ligj dhe me kartona. Ndryshimet Kushtetuese përfshijnë heqjen e koalicioneve parazgjedhore dhe hapjen pjesërisht të listave. Opozita kundërshton vendimin e socialistëve dhe opozitës së re parlamentare, por kryeministri Edi Rama foli dje për një “moderim” të koalicioneve dhe jo heqje të tyre.
(f.m;f.g/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Kryeministri Edi Rama ka postuar një video të krydemokratit Lulzim Basha lidhur me listat e hapura.Në orët e vona të mbrëmjes së djeshme, Ram...
BRUKSEL- Tre eurodeputetë, kryetari i Komisionit për Punë të Jashtme David McAllister (PPE, Gjermani), Raportuesi i përhershëm për Shqipërinë Isabel Santos (Soc...
TIRANË- Deputeti i Partisë Socialiste, Ulsi Manja dhe analisti, Andi Bushati kanë debatuar sot për Reformën Zgjedhore. Të ftuar në “Open”, ku po diskutohej...
TIRANË -Deputeti Myslim Murrizi ka zbardhur detaje nga dy takimet me kryeministrin Edi Rama. Duke folur në Real Story, Murrizi u shpreh se propozimi i grup...
TIRANË- Deputeti i Partisë Socialiste, Ulsi Manja, ka folur sot për nismën e hapjes së listave. I ftuar në emisionin “Open” në Top Channel, Manja tha se ha...
TIRANË- Ish-deputeti i Partisë Demokratike, Tritan Shehu, ka hedhur akuza kundër qeverisë për keqmenaxhim të situatës se COVID-19. Në një postim në mediat ...
TIRANË– 55 deputetë socialist hodhën firmat për të vënë nën hetim presidentin Ilir Meta nën dyshimin e shkeljeve të rënda kushtetuese duke i marrë kompeten...
TIRANË- Kryeministri Edi Rama ka dhënë sot një mesazh për qytetarët dhe ka kërkuar që të zbatojnë rregullat kudnër COVID-19. Në një deklaratë nga ceremonia...
BRUKSEL- Në një deklaratë të përbashkët, tre eurodeputetë kanë dërguar një mesazh të fortë për Shqipërinë. Kryetari i Komisionit për Punë të Jashtme David McAll...
TIRANË- Kryeministri i Shqipërisë Edi Rama deklaroi të enjten në parlament se ka në plan të votojë ndryshimet në kushtetutën e vendit më 30 korrik, seanca ...