Bota

Statuja e tregtarit të skllevërve në Britani zëvendësohet me statujën e aktivistes kundër racizmit, Jen Reid (FOTO+VIDEO)

15 Korrik 2020, 19:56 Nga DOSJA

BRITANI E MADHE- Mëngjesin e kësaj të mërkure në Bristol të Britanisë së Madhe, aty ku ishte statuja e tregtarit të skllevërve Edward Colston, e rrëzuar në 7 qershor, është shfaqur statuja e një demonstrueseje të lëvizjes antiraciste ‘Black Lives Matter’.

Për të krijuar dhe vendosur portretin e Jen Reid, aktivistes kundër racizmit që u bë e njohur nga mediat pas rrëzimit të statujës të Colston, ishte artisti dhe skulptori Marc Quinn. Monumenti i quajtuar “A Surge of Power (Jen Reid)” ditën e sotme u hoq pa dijeninë e Këshillit të qytetit Bristol. Colston ishte një tregtar skllevërish i shekullit të 17-të dhe anëtar i Partisë Konservatore.

Quinn deklaroi se ishte Reid që “krijoi skulpturën kur qëndroi në këmbë dhe ngriti krahun lartë. Tani duam ta kristalizojmë atë imazh”.

Jen Reid, e cila ishte në prezantimin e statujës në mëngjes, ka thënë për “TheGuardian” se ishte thjesht e mahnitshme.

Ndërkohë autoritetet lokale pretendojnë se çdo vendim për të zëvendësuar statujën e Colston do të merret “në mënyrë demokratike”.

Statuja u rrëzua nga protestuesit gjatë protestave për vrasjen e afro-amerikanit George Floyd në Minneapolis, 46-vjeçari me ngjyrë që u vra padrejtësisht nga policët më 24 maj.

Kujtojmë se vdekja e tij shkaktoi protesta masive në SHBA për më shumë se një javë.

Burimi: TheGuardian

A.C/Dosja.al

1 vit nga zgjedhjet e 25 prillit si e shikoni gjendjen e vendit:

View Results

bota bota bristol jen reid bristol jen reid

Sondazh

Poll

Bota 15 Korrik 2020, 14:24

MAQEDONI E  VERIUT- Përfunduan votimet pas tre ditësh në Maqedoninë e Veriut. këto janë zgjedhjet e  dhjeta parlamentare që mbahen  në këtë shtet.  Zgjedhjet e ...

Bota 15 Korrik 2020, 18:45

SICILI– Sicilia ditën e sotme është përballur me stuhi të forta. Mediat e huaja kanë bërë të ditur se situata kaotike ka ndodhur në Palermo ku për shkak të stuh...