LAÇ- Administratorja e hotelit, A.Isufi ka treguar versionin e saj të ngjarjes, lidhur me kamerat e hotelit “A&A”, në të cilin u vranë dy persona, Bujar Lika dhe Paulin Marku (Gjergji). Ajo ka treguar para hetuesëve sesi e ka marrë vesh lajmin se në biznesnin e saj kishte ndodhur vrasja, dhe direksionet e para që i kishte dhënë banakierit që e kishte marrë në telefon për ta informuar.
“Në orën 21:43 të mbrëmjes së 30 majit me telefonoi kamerieri dhe më tha ‘është bërë nami në lokal dhe është plagosur dikush’. E pyeta kush, dhe ai më tha “njëri nga ata të dy personat që ndodhej këtu”, por s’e dinte se cili prej tyre. I kërkova të hynte brenda lokalit dhe te shihte, por tha “kam frikë, pasi nuk di si kam shpëtuar as vetë”. E pyeta se kush ishin ata që gjuajtën dhe ai mu përgjigj se ishin të veshur si polica dhe kishin maskë,”-u shpreh ajo.
Më pas ka treguar se ka qënë ajo, e cila ka dhënë urdhërin për fshehjen e pamjeve që kanë kapur kamerat e sigurisë pasi kishte pasur frikë se dikush mund të kthehej për t’i marrë në mënyrë që të zhdukte gjurmët. Isufi ka treguar se në fund gjithë çka kishin filmuar kamerat ia kishte dorëzuar një djali të veshur civil, i cili pretendonte se ishte efektiv policie.
“Në këto momente i kam thënë të hiqte DVR e kamerave për arsye se mos vinte ndonjë nga këta personat dhe t’i merrte për të zhdukur provat. Pas kësaj bisede kam marrë ne telefon policinë në numrin 129 dhe kam njoftuar me ngjarjen që kishte ndodhur në ambientet e biznesit tim. Kur shkova te lokali kam parë që kishte aty shumë persona të lagjes, por asnjë nuk ishte futur brenda. Më pas erdhi policia për të bërë veprimet. Dua të sqaroj se kur ka ardhur policia, ma kërkoi DVR një djalë civil të cilin nuk e njihja. Unë i thashë që nuk i kam DVR. Më pas ai mu prezantua si punonjës policie dhe unë i kam dorëzuar DVR e lokalit,”-shtoi ajo.
I vetmi që e ka provuar alibinë e saj, ka qënë kamarieri, i cili në rrëfimin e tij në Polici u shpreh se sapo kishte ndodhur ngjarja ai ishte fshehur pas banakut, dhe më pas kishte ndihmuar dy djemtë e Gjergjit që të çonin babanë në spital. Më pas ai tregoi se kishte marrë pronarën në telefon duke e informuar për rastin, duke konfirmuar se kjo e fundit, e kishte udhëzuar që të “zhdukte” kamerat e sigurisë. (Lexo këtu)
Dosja.al ka zbardhur më herët ngjarjen e plotë të ekzekutimit të dy biznesmenëve në Laç. Tashmë në pranga ndodhet ekzekutori Eduart Lamaj, i cili qëndroi i fshehur për 25 ditë, ndërsa autor njihej Kreshnik Tushe, 21 vjeç.
Ngatërresa ka ndodhur natën e ngjarjes, kur teksa largoheshin nga Hotel A&A, autorët qëlluan Tushen në një rrugicë pasi menduan se iu kishte bërë pritë. Gjithashtu në prangat e Policisë, ka rënë edhe një prej anëtarëve të grupit, Ilir Lika (Xhepaj), ndërsa në kërkim është shpallur Elson Alija dhe Klaudio Perkola.
(k.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Dosja.al ka zbardhur emrat e shqiptarëve dhe të dy italianëve, të cilët janë vënë në pranga gjatë operacionit që u zhvillua mes departmamentit të A...
TIRANË– Mjeku Tritan Kalo ka reaguar për ndarjen nga jeta të kolegut të tij, doktor Arjan Pushi. Në një postim në rrjetin e tij social, Kalo ka shprehur ng...
TIRANË– Gjekson Pusi, 33 vjeç nga Shkodra, i cili u vu në pranga sot pasi qëlloi me armë zjarri drejt djalit të xhaxhait të deputetit të Partisë Soc...
EUROPË- Bashkimi Europian bërë zyrtare listën me vendet që do t’u lejohet hapja e kufijve nga 1 korriku. Mësohet se këtë listë nuk bën pjesë Shqipëria.List...
TIRANË– Ministria e Arsimit ka shpallur datën 30 korrik për zhvillimin e zgjedhjeve në Universitetet Publike. Ministrja Besa Shahini ka ngarkuar të gjjithë...
TIRANË- Policia ka arrestuar në Shkodër personin e katërt të përfshirë në vrasjen e Hekuran Billës. Mësohet se i arrestuari i radhës është 25 vjeçar...
ELBASAN-Policia sekuestroi mbremjen e djeshme 40 mijë paund brenda një mjeti tip “Porsche” në zonën e Bradasheshit në Elbasan. Mjeti ku u gjetën par...
TIRANE- Dosja.al zbardh emrat e dy anëtarëve kryesorë që drejtonin grupin e trafikut të drogës nga jugu i Shqipërisë drejt Italisë. Ata janë Robert Myftari dhe ...
TIRANË-Ambasada Amerikane në Tiranë ka përshëndetur operacionin e SPAK dhe anti-mafias italiane, që u finalizua me sekuestrimin e 3.5 tonëve marijuanë, 4 m...