Aktualitet

Grupi i ‘fajdexhinjve’ në Shkodër/ Apeli ndryshon masën për 6 të arrestuarit, burg për të tjerët

3 Prill 2019, 14:06 Nga DOSJA
Grupi i ‘fajdexhinjve’ në Shkodër/ Apeli ndryshon

SHKODËR– Gjykata e Apelit të Shkodrës ka ndryshuar masën për 6 të arrestuarit si pjesë e grupit të ‘fajdexhinjve’ nga “arrest me burg” në “detyrim paraqitjeje”, ndërsa për 6 të tjerët u la sërish aktive masa “arrest me burg”.

Vendimi u mor gjatë seancës së sotme, një ditë pasi 12 personat e arrestuar në kuadër të operacionit që policia zhvilloi më datë 14 mars në Shkodër. Dosja.al mëson se nën masën “detyrim paraqitjeje” do të hetohen: Adri Bala, Marjan Bregu, Vinko Nikprelaj, Eduard Fusha, Elidon Qerimaj dhe Naim Ahmetaj.

Ndërsa Byrhan Alija, Edi Memcaj, Artan Dragani, Lul Sylja, Pashko Vuksanlekaj dhe ish-drejtori i Patentave në Shkodër, Ilir Sokoli do të qëndrojnë në burg.

Vendimi i Gjykatës së Apelit

Byrhan  Alija 61-vjec nga Shkodra-Arrest me burg

Edi  Memcaj 33-vjec nga Shkodra-Arrest me burg

Artan Dragani 39-vjec nga Shkodra-Arrest me burg

Lul Sylja 48-vjec nga Shkodra- Arrest me burg me afat 60 dite

Ilir Sokoli (ish-drejtori i Patentave) Shkodër-Arrest me burg

Pashko Vuksanlekaj 54-vjec nga Shkodra-Arrest me burg

Adri Bala 22-vjec nga Shkodra-Detyrim paraqitje

Marjan Bregu 31-vjec nga Shkodra-Detyrim paraqitje

Vinko Nikprelaj 37-vjec nga Shkodra-Detyrim paraqitje

Eduard Fusha 38-vjec nga Shkodra-Detyrim paraqitje

Elidon Qerimaj 41-vjec nga Shkodra-Detyrim paraqitje

Naim Ahmetaj  52-vjec nga Puka- Detyrim paraqitje

Policia e Shkodrës zbuloi skemën e fajdeve që u denoncua nga ish-prefekti i Shkodrës, Paulin Radovani më 14 mars. Ky i fundit bëri një denoncim kundrejt 22 personave për një skemë fajdesh me përqindje të larta. Sipas ish-prefektit, autorët u kishin dhënë para me fajde ndaj dy djemve te tij, Elton dhe Robert Radovanit dhe më pas telefononin ish-prefektin duke kërkuar kthimin e shumës së dhënë me një përqindje mjaft të lartë, konkretisht 23% në javë.

Sipas ish-prefektit disa persona të tjerë, luanin edhe rolin e garantit duke përfituar përqindje gjithashtu.

Në rastin e mospagimit të shumës së dhënë, personat e denoncuar, telefononin borxhlinjtë dhe kërkonin që si shkëmbim të vendosnin prona, shtëpi ose toka të ndryshme në emër të tyre.

Të përfshirë në këtë grup rezultuan ish-kancelarë gjykate, noterë, policë dhe një ish-drejtues i LSI-së tek Patentat në Shkodër, Ilir Sokoli. Gjatë operacionit u sekuestruan makina, prona, armë dhe rreth 500 mijë euro.

Dy djemtë e ish-prefektit Radovani janë larguar jashtë Shqipërisë dhe askush nuk e di se ku ndodhen.

Ata u vunë nën hetim për mashtrim, pasi grupi i të arrestuarve, pretendojnë se e gjithë kjo histori është sajuar nga ish-prefeti. Në dëshminë  e tyre (Lexo këtu) ata theksuan se u kanë dhënë borxhe, Eltonit dhe Robertit në kuadër të miqësisë që kishin dhe jo me përqindje, ashtu siç është pretenduar nga pala tjetër.

Më 26 mars, Gjykata e Shkallës së Parë në Shkodër dha masën ‘arrest me burg’ në mungesë për Elton dhe Robert Radovanin, kurse për ish-prefektin vendosi masën “detyrim paraqitjeje”, me kushtin që të mos largohëej jashtë vendit.

(f.m/dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

aktualitet aktualitet elton radovani gjykatae apelit shkoder grupi i fajdexhinjve ne shkoder paulin radovani robert radovani shkoder elton radovani gjykatae apelit shkoder grupi i fajdexhinjve ne shkoder paulin radovani robert radovani shkoder

Sondazh

Poll

MË SHUMË