TIRANË– Shoqata e Transportit nuk pranon që të rinisë punën pasi Ministria e Shëndetësisë dha sot “ok” për rinisjen e transportit publik. Kryetari i Shoqatës ndërqytetase, Eneo Sulejmani kërkon që shteti të plotësojë kërkesat e tyre në mënyrë që ata të rinisin punën.
Sipas tij, me protokollin e vendosur nga Ministria për të shmangur infektimet me koronavirus, rreht 90% e operatorëve nuk mund të dalin në punë duke krijuar edhe vështirësi financiare. Ai shton se e vetmja mënyrë për rikthimin e tyre në punë është plotësimi i kërkesave të tyre nga ana e qeverisë.
“Nuk nisim punën pa u plotësuar kërkesat tona. Do të konsultohemi me operatorët. Ky protokoll sigurie krijon vështirësi financiare. Me këtë protokoll 90% e operatorëve nuk dalin në punë,”-shprehet ai.
Ndërkohë nuk ka vonuar dhe një reagim ka ardhur edhe nga Unioni i Operatoreve të Transportit Publik, të cilët gjithashtu pretendojnë se nuk mund që të nisin punë për shkak të kostove.
“Për sa kohë është në fuqi Urdhri i Ministres së Energjisë dhe Infrastrukturës Nr.169 dt.5/6/2020, operatorët e transportit publik nuk e kanë të mundur të përballojnë kostot e respektimit të këtij protokolli, si finaciare ashtu edhe ligjore”, shprehet Unioni i Operatorëve të Transportit.
Ndërsa Ministria e Transportit, në një reagim për ABC Neës ka rikujtuar se transporti publik do të mbështeten financiarisht ashtu siç e ka njoftuar edhe kryeministri Edi Rama. Kreu i qeverisë ka premtuar njihjen si shpenzim të zbritshëm të 100% të konsumit të naftës, zero taska dhe tarifa deri në 21 dhjetor. Por ndaloi rritjen e çmimit të biletës për qytetarët. Megjithatë MIE, është shprehur se po shikon mundësinë për të siguruar edhe mbështetje të ndonjë forme tjetër.
Por ndryshe do të veprojnë kolegët e tyre në qytetin e Shkodrës. Përfaqësues të Transportit Publik në Shkodër kanë dalë në një deklaratë për mediat dhe kanë njoftuar se ata do të rikthehen në punë që nesër në orën 06:00 të mëngjesit për të rinisur udhëtimet në drejtim të Tiranës dhe linjave tjera.
Ata shprehen se i kanë marrë të gjitha masat për të respektuar protokollet e vendosura, duke kërkuar nga Policia vendore që të luftojë edhe ‘informalët’, të cilët sipas tyre po u dëmtojnë biznesin. Edhe në Korçë, punonjësit e transportit publik kanë deklaruar se do të zbatojnë protokollet e sigurisë. Ndërsa Fieri e Vlora, gjithashtu kanë vendosur që të dalin kundër rifillimit të transportit.
Po çfarë kërkohet për rifillimin e punës?
Punonjësit e transportit publik në vend kërkojnë heqjen e akcizës për naftën, rimburësim dhe një pagë të dytë lufte me 400 mijë Lekë. Për plotësimin e kushteve të tyre, ata kanë zhvilluar edhe disa protesta, të cilat janë shpërndarë nga Policia për shkak të masave të marra ndaj koronavirusit.
(k.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Mjeku Erion Dasho është revoltuar me Komitetin e ngritur për të menaxhuar situatën e koronavirusit në vendin tonë. Me anë të një statusi në Faceboo...
DURRËS- Sekuestrohet pasuria e Isuf Hajrit në fshatin Pjezë në Shijak. Isuf Hajri është fqinj dhe kushëri i Altin Hajrit. Isuf Hajri është i ati i Fortuz H...
SHQIPËRI- 52 raste të reja me COVID-19 gjatë orëve të fundit. Ministria e Shëndetësisë bëri me dije ditën e sotme se gjatë orëve të fundit janë konfirmuar...
GREQI– Një ngjarje e rëndë ka ndodhur në Greqi, ku një nxënës 12-vjeçar me origjionë shqiptare është dhunuar nga shoku i tij i klasës.Ky rast është denon...
SHKODËR-Ditën e nesërme do të rinisë transporti ndërurban në Shkodër, pasi ministrja e Shëndetësisë, Ogerta Manastirliu dha dritën jeshile. Aktiviteti do t...
TIRANË- Gjykata e Penale ka dhënë masën e sigurisë “arrest me burg” për Viktor Markun. Ky i fundit akuzohet se ekzekutoi me armë zjarri biznesmenin Hekuran...
TIRANË- Prokuroria e Posaçme ka marrë në dorë të gjitha dosjet e gjyqtarëve të Gjykatës Kushtetuese dhe asaj të Lartë të cilët ‘ngecën’ në rrjetin e...
TIRANË- Zbardhet dëshmia në Polici e Eduart Lamës, i cili akuzohet se është autori kryesor i vrasjes së dyfishtë në Laç. I riu ka deklaruar se nuk k...
LAÇ- Zbardhet vrasja e dyfishtë në Laç, ku ngelën të vrarë dy biznesmenët Bujar Lika dhe Paulin Gjergji. Policia ka arrestuar Eduard Laman, si au...