Aktualitet

Banesa ku ka jetuar Nexhmije Hoxha ndërpret punimet tek ish-sheshi “Shqiponja”, ndërtesa dy katëshe nuk është shpronës

21 Qershor 2020, 14:31 Nga DOSJA
Banesa ku ka jetuar Nexhmije Hoxha ndërpret punimet tek ish-sheshi

TIRANË– Punimet në zonën e rreth-rrotullimit te ish-sheshi “Shqiponja” janë ndërprerë.

Sipas AbcNews, përgjegjës të punimeve kompanisë “Salillari”, e cila po kryen punimet e Lotit të dytë të Unazës së Madhe konfirmojnë se banesa në të cilën ka jetuar Nexhmije Hoxha nuk është shpronësuar dhe për këtë arsye punimet janë pezulluar.

Pas shpronësimit nga ana qeverisë, banesa ku ka jetuar Nexhmije Hoxha do të prishet për t’i hapur rrugë vijimit të punimeve, por siç kuptohet edhe nga pamjet, pranë godinës ka pasur devijim të punimeve për të mos prekur godinën dy-katëshe.

AbcNews shkruan se banorët jashtë kamerave tregojnë se ditët e fundit rritmi i punimeve ka rënë, kjo ndoshta për shkak të pritjes së vendimit për shpronësimin. Makineritë dhe pjesa materiale ndodhen në zonë, por nuk ka asnjë punëtor që të vijojë me punimet.

Në katin e dytë të kësaj godine që prej vitit 1994 ka jetuar Nexhmije Hoxha.  Ajo u nda nga kjo jetë në moshën 99-vjeçare, më 26 shkurt të këtij viti.

(f.m/dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet kompania salillari nexhmije hoxha kompania salillari nexhmije hoxha

Sondazh

Poll