Politike

Zgjedhorja/ OSBE përshëndet rifillimin e dialogut: Nuk duhet të dobësohet tërësia e reformave të tjera

28 Maj 2020, 09:43 Nga DOSJA
Zgjedhorja/ OSBE përshëndet rifillimin e dialogut: Nuk duhet të

TIRANË-Kreu i OSBE në Tiranë, Bern Borchardt, ka përgëzuar palët politike për rifillimin e dialogut për reformën zgjedhore. Në një deklaratë për mediat Birchardt është shprehur se OSBE po ndjek me interes përpjekjet e të gjithë aktorëve politikë për kompromis. Ai gjithashtu ka dhënë mesazhin, se partitë duhet të ecin në rrugën e gjetjes së kompromiseve konstruktive. Sipas tij, reforma zgjedhore nuk duhet të dobësojë tërësinë e reformave të tjera. Më tej Borchardt ka theksuar se OSBE do të vazhdojë përpjekjen për përmbylljen e reformës.

Mesazhi i plotë:

Përgëzoj partitë politike shqiptare për rifillimin e dialogut për reformën zgjedhore dhe për marrëveshjet e arritura deri tani në Këshillin Politik, ku është vendosur dialog mes qeverisë, opozitës parlamentare dhe asaj jashtëparlamentare. Ne po ndjekim me interes të veçantë përpjekjet e partive për kompromis për çështjet të cilat OSBE/ODIHR i ka vlerësuar si problematike për shumë vjet tashmë: depolitizimi i administratës zgjedhore, balanca gjinore në listat zgjedhore, ngritja e një strukture të posaçme për eliminimin e presionit ndaj administratës dhe të shpërdorimit të burimeve shtetërore, mekanizma më të fortë kundër krimit zgjedhor, kontrolli dhe transparenca e financimit të fushatës, transparenca e medias gjatë zgjedhjeve dhe dhënia fund e praktikës së të ashtuquajturave kaseta të gatshme. Njëkohësisht, reforma zgjedhore nuk duhet të dobësojë tërësinë e reformave të tjera të rëndësishme. Unë i nxit të gjitha partitë në Këshillin Politik për Reformën Zgjedhore të vijojnë të ecin në rrugën e gjetjes së kompromiseve konstruktive dhe ta finalizojnë reformën zgjedhore, në të mirë të Shqipërisë dhe të aspiratave të saj për integrim. Prezenca e OSBE-së në Shqipëri dhe ODIHR-i do të vijojnë të ofrojnë mbështetje për përmbylljen e kësaj reforme të rëndësishme sa më shpejt, idealisht brenda 31 majit, sikurse janë zotuar partitë politike. Po ashtu, ne do të vijojmë të mbështesim dialogun për teknologjitë e reja të votimit dhe për ndryshimin e sistemit zgjedhor.

Kjo e deklaratë e Borchardt vjen pak orë përpara mbatjes së takimit të radhës të Këshillit Politik. Deri më tani palët kanë gjetur konsensusin për periudhën zgjedhore, financimin miks dhe kuotat gjinore. Gjithashtu palët kanë rënë dakord për mos të ndryshuar sistemin zgjedhor dhe e vetmja që ka dalë kundër është deputetja Rudina Hajdari.

(g.sh./dosja.al)

1 vit nga zgjedhjet e 25 prillit si e shikoni gjendjen e vendit:

View Results

politike politike bernd borchard reforma zgjedhore bernd borchard reforma zgjedhore

Sondazh

Poll

Politike 28 Maj 2020, 09:38

TIRANË– Deputetët e opozitës së re, kanë rënë shpesh pre e ironisë së kolegëve të maxhorancës gjatë seancave plenare. Pas leximit të rendit të fjalës, drej...

MË SHUMË