Aktualitet

Basha takon prodhuesit shqiptarë: Kemi humbur vende pune, është ulur ndjeshëm prodhimi dhe eksporti

11 Maj 2020, 13:13 Nga DOSJA
Basha takon prodhuesit shqiptarë: Kemi humbur vende pune, është

TIRANË– Kryedemokrati Lulzim Basha ka zhvilluar një takim me përfaqësues të Shoqatës së Bashkimit të Prodhuesve Shqiptarë. Në një njoftim nga ana e Bashës, thuhet se gjatë takimit është diskutuar për ecurinë e mëtejshme të aktivitetit pas pamdemisë Covid 19.

Sipas njoftimit nga ana e PD-së, qeveria nuk ka marrë asnjë masë konkrete për t’u ardhur në ndihmë. Përballë Bashës, përfaqësuesit e Shoqatës së Bashkimit të Prodhuesve Shqiptarë shprehën shqetësimin e thellë për uljen e ndjeshme të prodhimit dhe të eksporteve, por edhe për humbjen e vendeve të punës, faktorë që kanë prekur pjesën dërrmuese të bizneseve prodhuese.

“Paketat ekonomike të qeverisë nuk e kanë ndihmuar aspak këtë sektor që, çdo ditë e më shumë, po varfërohet dhe rrënohet nga pandemia e krizës ekonomike. Mungesa e likuiditetit në zinxhirin prodhues, shoqëruar dhe me mungesën e aksesit në garancinë sovrane janë faktorë shtesë që e bëjnë sektorin e prodhimit shqiptar një nga më të rrezikuarit nga falimentimi për shkak te keqmenaxhimit të ekonomisë gjatë periudhës së pandemisë,”– shkruhet në njoftimin e ardhur nga selia blu.

Kryetari i PD-së, Lulzim Basha ndau shqetësimin se pandemia ekonomike po shkatërron çdo sektor të ekonomisë, duke rritur ndjeshëm varfërinë dhe papunësinë.

“Kam parë dhe takuar vetë njerëz që nuk kanë marrë asnjë lek nga qeveria, biznese që nuk kanë përfituar asnjë ndihmë dhe po mbyllen dita-ditës. Qeveria e keqmenaxhoi krizën e shkaktuar nga pandemia në dëm të shqiptarëve dhe në favor të miqve të saj. 41.5 milionë euro ka dhënë Edi Rama për 3 milionë shqiptarë, ku janë qindra e mijëra të papunë dhe biznese gati për t’u mbyllur, ndërkohë që, po kaq, i ka dhënë qeveria klienteve të saj për 2 km rrugë tek Unaza e Re,”– tha Basha.

Kryetari Basha i konsideroi të drejta shqetësimet e ngritura nga Shoqata e Bashkimit të Prodhuesve Shqiptarë dhe i siguroi ata se PD do të jetë në krah të biznesit duke mbështetur kërkesat e tyre legjitime, si rruga e vetme për të shmangur katastrofën ekonomike dhe humbjen e dhjetëra mijëra vende pune.

(f.m/dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet basha takon prodhuesit shqiptare lulzim basha basha takon prodhuesit shqiptare lulzim basha

Sondazh

Poll

MË SHUMË