Aktualitet

Lëvizje me “339”, Gjykata Speciale kalon për gjykim Avdylajt, akuzat që rëndojnë mbi ta

8 Maj 2020, 13:01 Nga DOSJA
Lëvizje me “339”, Gjykata Speciale kalon për gjykim

TIRANË– Gjykata Speciale ose e njohur ndryshe si GJKKO ka kaluar për gjykim një pjesë të dosjes 399, ku bëjnë pjesë anëtarët e grupit Avdylaj, të cilët akuzohen për drogën e gjetur në Branogë.

Vendimi është marrë nga gjykatësja Irena Gjoka e cila një muaj më parë ia ktheu dosjen prokurorisë për hetime të mëtejshme. Të pandehur janë grupi i Avdylajve të Shijakut, në total 22 persona.

Një muaj më parë, Altin Avdyli, kërkoi një masë më të lehtë, pasi u shpreh se në qeli i rrezikohet jeta nga Covid-19, sepse vuan edhe nga hipertensioni, por Gjykata e la në burg, pavarësisht pretendimeve.

Avdyli u vu në pranga gjatë super-aksionit “Volvo-4”. Ai ishte në mesin e të arrestuarve gjatë superaksionit të policisë në të gjithë vendin.

Operacioni Volvo 4, si u arrestuan të “fortët” e Shijakut bashkë me 2 ish-deputetët e PS-së, Arben Ndoka dhe Cuko

Pasditen e 21 tetorit 2018, autoritetet ligjzbatuese shqiptare finalizuan operacionin e njohur si “VOLVO 4”.  Nga operacioni u godit grupi i laboratorit të heroinës në Has, grupi i Shijakut, ndërsa janë àrrestuar edhe dy ish-deputetët e PS, Arben Ndoka dhe Arben Çuko, që dolën nga përgjimet e grupit kriminal të Avdylajve.

Gjithçka u zbulua nga hetimet e prokurorisë për vëllain e Arben Ndokës, Gjevi Ndoka, si i lidhur me Avdylajt e Shijakut, të cilët akuzohen për tràfik droge dhe porositës të heroinës së laboratorit të Hasit. Ndërsa Arben Çuko u vendos në prànga krejt rastësisht, për ryshfet.

(f.m/dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet altin avdylaj avdylaj ne gjykim operacioni volvo 4 altin avdylaj avdylaj ne gjykim operacioni volvo 4

Sondazh

Poll