Aktualitet

“Jam thellësisht i trishtuar”/ Themeluesi i ‘Share architect’s’ për vdekjen e Maks Velos: Ligjërimi i tij kishte fo

8 Maj 2020, 12:28 Nga DOSJA
“Jam thellësisht i trishtuar”/ Themeluesi i ‘Share

TIRANË– Largimi nga jeta i arkitektit të njohur shqiptar Maks Velo ka sjellë një mori reagimesh nga fusha e kulturës, artit por edhe zyrtarë shtetërorë. Përmes një postimi në rrjetet sociale ka reaguar edhe “Share architect’s , shoqata për arkitektët që një vit më parë i dha çmimin në Tiranë.

Në postim themeluesi i ” Share architect’s” Florin Mindirigiu është shprehur se ndihet i trishtuar kur dëgjon lajmet për vdekjen e arkitektit shqiptar, ku ndër të tjera shton se i ka bërë përshtypje forca e ligjërimit të tij, trimërisë së mesazhit dhe modestisë së tij.

Mindirigiu thotë se ka pasur nderin të ishte pranë tij  përgjatë dy edicioneve të fundit të “SHARE Tirana”.

Postimi i plotë:

“Jam thellësisht i trishtuar kur dëgjoj lajmet për të ardhur keq që arkitekin shqiptar. Maks Velo ka ndërruar jetë. Anëtar i Shoqërisë SHARE, i akorduar me dallimin SHARE Omnia në vitin 2019, një personazh i shquar në fushën e arkitekturës, një shembull për brezat e fundit të arkitektëve dhe artistëve. Në përputhje me idetë, parimet dhe krijimet e tij, karriera e tij do të jetë një pikë e përhershme e përsosmërisë në të gjitha fushat që lidhen me bukurinë e shprehjes. Pata nderin të isha pranë tij. Maks Velo gjatë dy edicioneve të fundit të “SHARE Tirana”. Ai më ka bërë përshtypje përmes forcës së ligjërimit të tij, trimërisë së mesazhit dhe modestisë së tij. Ngushëllimet e mia më të thella! Florin Mindirigiu. Themelues i Arkitektëve SHARE.”

Arkitekti dhe piktori i njohur Maks Velo ka ndërruar jetë dje në moshën 84-vjeçare. Velo prej ditësh ishte shtruar në QSUT, pasi vuante nga një sëmundje e rëndë. Arkitekti i njohur ka qenë shumë pranë publikut deri para pak muajve, pasi daljet e tij në media kanë qenë të shpeshta. Maks Velo, përveç se një arkitekt, piktor, prozator e publicist ka qenë dhe një qytetar i angazhuar.

A.C/Dosja.al

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet florin mindirigiu vdes maks velo florin mindirigiu vdes maks velo

Sondazh

Poll

MË SHUMË