Aktualitet

Tenderi i ushqimit tek Ministria e Mbrojtjes, SPAK “gjurmon” një e nga një zyrtarët, tri të tjerët që u morën në pye

6 Maj 2020, 10:16 Nga DOSJA
Tenderi i ushqimit tek Ministria e Mbrojtjes, SPAK “gjurmon”

TIRANË- Një ditë pasi nisi të marrë në pyetje tre zyrtarët e parë të Ministrisë së Mbrojtjes në lidhje me procedurat e ndjekura për tenderin e ushqimeve, për të cilin opozita thotë se është tender korruptiv, SPAK ka marrë në pyetje tre zyrtarë të tjerë. Burime për Dosja.al bëjnë me dije se është marrë në pyetje Ervis Feta, Gëzim Jaçe dhe Ajet Maksuti.  Të tri këto zyrtarë janë anëtarë të komisionit të tenderimit që u mor me tenderin në fjalë.

Të 6 zyrtarët kanë pohuar se e gjithë procedura e ndjekur është konform ligjit. Dje, SPAK ka marrë në pyetje 3 anëtarët e komisionit të vlerësimit të ofertave, Ylli Ymerin, Dafina Meçan dhe Adriatik Dapajn.

Disa ditë më parë, Partia Demokratike ka dorëzuar një kallëzim në SPAK për Olta Xhaçkën dhe për kompaninë fituese të tenderit “EUROVIA”, me vlerë 1.5 milionë euro.  Sipas PD, MM i ka dhënë një tender në kundërshtim me procedurat kompanisë “Eurovia”, që sipas tyre deri para disa ditësh kishte si objekt aktiviteti vetëm tregtinë e kompjuterave dhe aksesorëve elektronikë. Xhaçka, këto akuza i quajti montime “alla Babale” dhe shtoi se procedura është e rregullt. Ndërkohë në një reagim edhe vetë kompania ka mohuar akuzat e hedhura nga opozita.

(F.g/dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet tenderi i ushqimeve tenderi i ushqimeve

Sondazh

Poll

Aktualitet 6 Maj 2020, 09:25

FIER- 250 punonjës të kompanisë Albpetrol kanë dalë sot në ditën e dytë të protestës para zyrave të kompanisë. Punonjësit bëjnë me dije se po hidhen në rrugë, p...