Tiranë- Gjatë 24 orëve të fundit, Policia ka arrestuar 7 persona, 3 prej të cilëve ishin shpallur në kërkim. Policia bën me dije se është arrestuar 33-vjeçari nga Kukësi, Edmond Qenani, pasi ngacmonte punonjëset e një kompanie, duke i shkaktuar atyre frikë dhe ankth. Ai u arrestua pas denoncimit të administratorit të kompanisë, pasi punonjëset ishin shqetësuar nga i riu përgjatë javës së fundit. Po kështu, një nga shitëset që punonte në dyqanin e të arrestuarit ka deklaruar se pronari i saj ka tentuar ta përqafojë.
Ndërkohë, policia ka arrestuar një tjetër person me iniciale A. M në Tiranë , pasi ka thyer me sende të forta xhamat e një objekti në Rrugën e Elbasanit dhe ka kundërshtuar punonjësit e Policisë. Në prangat e policisë ka rëndë edhe një i paraburgosur, R. M., 42 vjeç, i cili kishte përfituar leje për qëndrim të përkohshëm në shtëpi, por kishte dalë jashtë banesës së tij. Sakaq Policia ka arrestuar E. H., 45 vjeç, A. D 25 vjeç, R. S. 20 vjeçe, A.B, 20 vjeç për vepra të tjera penale.
Njoftimi i Policisë:
Strukturat e Policisë, krahas angazhimit për zbatimin e masave të marra për parandalimin e përhapjes së COVID-19, kanë vijuar punën për parandalimin dhe goditjen e paligjshmërisë.
Gjatë 24 orëve të fundit janë vënë në pranga 7 shtetas, nga këta 4 janë arrestuar në flagrancë dhe 3 kanë qenë të shpallur në kërkim.
Nga specialistët për Hetimin e Krimit në Komisariatin Nr. 1 u bë arrestimi në flagrancë, për veprat penale “Shkatërrim prone” dhe “Kundërshtim i punonjësit të Policisë”, i shtetasit A. M. alias A. M., 50 vjeç, banues në Tiranë, pasi ka thyer me sende të forta xhamat e një objekti në Rrugën e Elbasanit dhe ka kundërshtuar punonjësit e Policisë për të shmangur shoqërimin e tij në ambientet e Komisariatit.
Nga Specialistët për Hetimin e Krimit të Komisariatit Nr. 2 u bë arrestimi në flagrancë, për veprën penale “Ngacmim seksual”, i shtetasit E. Q., 33 vjeç, pasi në mënyrë të vazhdueshme ngacmonte punonjëset femra të një kompanie, duke i shkaktuar frikë dhe ankth.
Specialistët për Hetimin e Krimit në Komisariatin e Policisë Nr. 4 arrestuan në flagrancë, për veprën penale “Largimi i të burgosurit nga vendi i qëndrimit”, shtetasin R. M., 42 vjeç, i cili kishte përfituar leje për qëndrim të përkohshëm në shtëpi, në bazë të Aktit Normativ Nr. 7, datë 23.03.2020, por është kapur në flagrancë nga shërbimet e Policisë, jashtë banesës së tij.
Në vijim të punës për monitorimin e zbatimit të masave kufizuese të shpallura për parandalimin e përhapjes së COVID-19, specialistët e Qarkullimit në DVP Tiranë arrestuan në flagrancë shtetasin A. B., 20 vjeç, banues në Tiranë, pasi u konstatua duke drejtuar mjetin në gjendje të dehur, në masën 0.55 mg/l dhe në kundërshtim me Aktin Normativ.
Në vijim të punës për kapjen e personave në kërkim, nga strukturat e DVP Tiranë janë kapur dhe ndaluar shtetasit: E. H., 45 vjeç, i shpallur në kërkim për veprat penale “Shkatërrim prone”, “Vetëgjyqësi” dhe “Plagosja e lehtë me dashje” e kryer në bashkëpunim; A. D., 25 vjeç dhe R. S., 20 vjeçe, të shpallur në kërkim për veprat penale “Dhuna në familje” dhe “Vjedhja” e kryer në bashkëpunim. Materialet i kaluan Prokurorisë së Rrethit Gjyqësor Tiranë, për veprime të mëtejshme.
J.V/Dosja.al
1 vit nga zgjedhjet e 25 prillit si e shikoni gjendjen e vendit:
TIRANË– Erges Eskiu, lokoped dhe pedagog i jashtëm në Fakultetin e Mjekësisë ka folur përmes një lidhje me skype me Fax News ku ka denoncuar se nuk i...
Shkodër- Ditën e sotme në qytetin e Shkodrës kanë zhvilluar një mbledhje e jashtëzakonshme ipeshkopët e Kishës Katolike në Shqipëri ku është ngritur shqetësimi ...
SHKODËR– Hasan Isufi, i njohur edhe si Bardh Isufi është vënë në pranga si autor i tentativës për vrasje, që ndodhi një natë më parë në Shkodër. Mësohet se...
TIRANË– Ervin Kurtulla, biznesmeni që u arrestua bashkë me ish-drejtorin e burgut ‘313’, Eduart Strugën dhe ish-shefin e logjistikës në k...
VLORE- Dosja.al ka arritur të mësojë se shkak për sherrin që i mori jetën Bujar Mehmetit në Vlorë, ka qenë vendosja e kamerave të sigurisë. Ai u qëllua për vdek...
TIRANË– Lajmet vështirë se kanë patur një interes dhe audiencë kaq të madhe në Shqipëri, sa tani, në kohën e epidemisë Corona. Të mbyllur në banesat ...
TIRANË– Dita e sotme ka rikthyer në vend reshjet e shiut dhe uljn e temperaturave. Sipas Meteoalb, dita e sotme do të vijojë si paradite, me shira në Veri-...
Tiranë- Gjykata e Posaçme e Apelit ka rrëzuar ditën e sotme kërkesën e Aleksandër Muratajt për ndryshim të masës së sigurisë për shkak të Covid-19, ku ka...
DURRËS– Familjarët e vëllezërve Haxhia, që u ekzekutuan në atentin e para dy ditëve në Durrës, janë shprehur se djemtë ‘kishin punët e tyre’. Në një pronon...
Fier- Nëna e 9 vjeçares që u ngacmua seksualisht nga 73-vjeçari, Leonidha Rrapushi ka deklaruar së fundmi se nuk e ka bërë rastin publik që në fil...