TIRANË– Minsitria e Shëndetësisë ka mohuar që 69-vjeçari i vdekur pasditen e sotme në Infektiv, të ketë ndërruar jetë për shkak të Covid-19. Në një reagim zyrtar, Ministria e Shëndetësisë shkruan se ky pacient nuk mund të klasifikohet si viktimë e Covid-19, pasi shkaku i ndërrimit të jetës së tij ka qenë hemorragjia cerebrale. Sipas MSH-së, 69-vjeçari në fjalë vuante nga tumori prej 13 vitesh dhe ishte operuar tre herë.
Në njoftim sqarohet se pacienti ishte në gjendje të rëndë në koma, për shkak të tumorit, ndërsa përsa i përket virusit, ai ishte asimptomatik dhe nuk kishte shfaqur asnjë shenjë.
Njoftimi i plotë
Ministria e Shëndetësisë: Nuk ka viktimë tjetër si pasojë e COVID19 Lidhur me lajmin e publikuar në media për vdekjen e një pacienti 69-vjeçar nga Shkodra me COVID-19, Ministria e Shëndetësisë dhe Mbrojtjes Sociale informon se:
Pacienti 69-vjeçar nga Shkodra që ka ndërruar jetë në spitalin infektiv, ka humbur jetën si pasojë e sëmundjes hemoragjisë cerebrale (aksidentit vascular hemoragjik).
69-vjeçari ishte prej 13 vitesh me tumor në kokë dhe kishte kryer 3 ndërhyrje. Kishte hemorragji cerebrale dhe ishte në gjendje të rëndë në koma.
Sipas spitalit infektiv, 69-vjeçari nuk ka ndërruar jetë si pasojë e COVID-19, pasi ishte bartës i virusit, por pa shenja të sëmundjes, (asimptomatik) dhe ka ndërruar jetë si pasojë e hemoragjisë cerebrale.
Ministria e Shëndetësisë i shpreh ngushëllime familjes së të ndjerit dhe informon se do të mbajë të informuar publikun për çdo zhvillim, ndaj lutemi t’i referoheni njoftimeve zyrtare.
69-vjeçari ndërroi jetë pasditen e sotme në spitalin e Infektivit. Prej ditësh ai ishte trasnferuar nga Shkodra, për shkak të përkeqësimit të gjendjes së tij shëndetësore. Edhe pak ditë më parë, me datë 13 ka ndërruar jetë një tjetër pacient i infektuar me Covid-19. Bëhet fjalë për 59-vjeçarin me iniciale M.S., nga Puka, i cili ndodhej në gjendje kome në spitalin rajonal të Shkodrës. Fillimisht u raportua se 59-vjeçari ndërroi jetë për shkak të Covid-19, sipas MSH-Së, pacienti vdiq si pasojë e hemorragjisë cerebrale.
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË -Një dasmë me mbi 400 të ftuar, mes miqsh dhe të afërmit, me oborrin e shtëpisë që do të gumëzhinte për disa ditë, djegien e shamisë së beqarit apo ...
TIRANË– Një tjetër pacient me Covid-19 ka ndërruar jetë në spitalin e Infektivit. Mësohet se bëhet fjalë për një 69-vjeçar, që pak ditë më parë isht...
TEPELENË– Një ngjarje e rëndë ka ndodhur në Tepelenë ku disa persona të paidentifikuar kanë tentuar të djegin Tyrben dhe Mezarin e Baba Jonuz Gjiritit në f...
TIRANË– Kryeinfermierja e Spitalit Infektiv, Ana Luca i ka dedikuar një status prekës të birit, të cilin nuk e takon prej një muaji, nga frika se mos i tra...
ELBASAN– Një automjet i llojit “Renault” është djegur pasditen e sotme në bulvardin “Aqif Pasha” në Elbasan. Sipas njoftimit të po...
TIRANË– Pamjet që shikoni vijnë nga laboratori brenda QSUT-së ku nga e hëna fillojnë testet seriologjike për personelin shëndetësor të QSUT-së. Ky lloj te...
TIRANË– Kryetari i Komunitetit Mysliman në Shqipëri, Bujar Spahiu u ka bërë thirrje të gjithë shqiptarëve që pas namazit të akshamit të bashkohen në ...
Dibër- Mbyllja e kufijve me qëllimin që të mos përhapej më shumë COVID-19 në vendin tonë, bëri shumë emigrantë shqiptarë të mbeten në atdhe. I tillë është edhe ...
Tiranë- Gjatë 24 orëve të fundit Policia ka arrestuar 7 persona, 6 prej të cilëve ishin shpallur në kërkim. Policia bën me dije se është arrestuar 37-vjeç...