TIRANË– Kryeministri Edi Rama ka prezantuar masat e fundit që do të ndiqen në tregun e Kombinatit që është cilësuar mjaft problematik për shkeljen e masave të vendosura nga qeveria në kuadër të situatës së krijuar nga Covid-19. Në një status në Facebook, ku ka publikuar edhe një video ku shihet kryebashkiaku Erion Veliaj në tregun e Kombinatit, Rama shkruan se nuk do rrezikohet gjithçka për një treg.
Ndër rreshta, kryeministri shton se ky treg tashmë do të ketë vetëm një hyrje, asnjë makinë nuk do të lejohet të qarkullojë, ambulantët do të largohen, sinjalistikë 2m larg njëri-tjetrit dhe se në hyrje do të krijohet një tunel higjenik për dezinfektim.
“Kombinat, Tiranë – nuk do rrezikojmë gjithçka që kemi arritur deri tani në tiranë vetëm për një treg! Nëse nga 27 njësi, në 26 prej tyre tregjet funksionojnë për bukuri, nuk ka asnjë arsye që të mos vendoset rregull edhe në tregun e kombinatit. Nga e hëna rregulla të reja:– ushtria nuk do të lejojë më makina në treg; do të ketë vetëm një hyrje, çdo hyrje tjetër mbyllet; largohen të gjithë ambulatët në një hapësirë tjetër; në hyrje do të krijohet një tunel higjenik për dezinfektim, do vendoset sinjalistikë 2m larg njëri-tjetrit. Masa drastike për të vetmin treg që na sjell probleme, por të gjitha këto nuk bëhen pa bashkëpunim!”– shkruan Rama.
Në terren bashkë me Veliajn ishte edhe ministrja Olta Xhaçka dhe Kreu i Policisë së Shtetit, Ardi Veliu.
Ditën e sotme, kryeministri Edi Rama paraljmëroi burg për të gjithë ata që do të shkelin masat e sigurisë, pas pamjeve tronditëse që u përsëritën këtë të shtunë me qytetarët që u grumbulluan nëpër tregjet dhe marketet e vendit. Rama thotë se shifrat pozitive të deritanishme janë keqkuptuar nga disa “kokëshkretë” që do të përballen me ligjin. Kryeministri bëri me dije se Policia Bashkiake dhe Ushtria, do të krijojnë kordonet sanitare, dhe se PSh do të godasë shkelësit me masa të reja ndëshkimore.
Reagimi i kryeministrit Edi Rama vjen pasi është java e tretë që qytetarët shkelin rregullat e distancimit social në afatin e lejuar për të bërë pazaret. Edhe sot, tregu i Kombinatit u kthye në një fole grumbullimi ku nuk munguan pensionistët. Ndërsa Shkodra, të cilës i referohet Rama, dy familje kanë përhapur COVID-19 tek njëra-tjetra duke infektuar jo pak persona. Sakaq, ka një rritje në 24 orët e fundit edhe të numrit të rasteve të reja që ka shkuar në 29, dhe 333 totali, por edhe një viktimë tjetër, që e çoi numrin në 18.
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Kryedemokrati Lulzim Basha ka kujtuar sot arritjen historike të futjes së Shqipërisë në NATO. Në një status në Facebook, Basha ka publikuar një vid...
TIRANË- Partia Demokratike akuzon kryeministrin Edi Rama për premtimin e tij për të dhënë pagën e luftës për të gjithë ata që kanë ndërprerë punën për shka...
Tiranë- Ish-ministri i Jashtëm, Ditmir Bushati ka reaguar për përvjetorin e 11-të anëtarësisht të Shqipërisë në NATO. Nëpërmjet një postimi në Facebook, Bushati...
Shkodër- Kryebashkiakja Voltana Ademi ka deklaruar së fundmi se dy javë më parë ka kërkuar nga qeveria shtimin e numrit të testeve në qytetin e Shkodrës, por si...
Tiranë- Kreu i Partisë Demokratike, Lulzim Basha ka deklaruar së fundmi se Teatri Kombëtar është futur nga organizata prestigjioze Europa Nostra dhe Instituti i...
TIRANË– Kryeministri Edi Rama ka dhënë lajmin e mirë se ditën e sotme 10 persona janë shëruar nga koronavirusi.Të 10 kanë lënë ambientet e spitalit I...
TIRANË- Qeveria ka miratuar sot disa vendime për të blerë kite për kryerjen e testeve të COVID-19. Po ashtu në Fletoren Zyrtare është miratuar për blerjen ...
TIRANË– Kryeministri Edi Rama ka dhënë lajmin se po studiohet mundësia që të legalizohet kultivimi i hashashit mjekësor në Shqipëri.Në një lidhje live me e...
TIRANË- Kryeministri Edi Rama ka mohuar sot bërjen e analizave për COVID-19. Në një lidhje direkte me emisionin “Zonë e Lirë”, Rama tha se tamponi bëhet ve...