Bota

“British Airways” anulon të gjitha fluturimet me Italinë deri më 4 prill, pasagjerët do të marrin rimbursim të plotë

10 Mars 2020, 13:17 Nga DOSJA
“British Airways” anulon të gjitha fluturimet me Italinë

ITALI– Koronavirusi ka pushtuar edhe linjat ajore kudo në botë, për fluturimet hyrëse dhe dalëse nga vende të prekura nga koronavirusi.

Ditën e sotme “British Airways” ka anuluar të gjitha fluturimet drejt dhe nga Italia deri në datën 4 prill si shkak i koronavirusit kinez.

British Airways njoftoi se kishte ndalur 60 fluturime në ditë drejt Milanos, Venecias dhe Romës.

Ndërkohë të gjithë personat që kanë prenotuar biletat nga ose drejt Italisë kanë mundësinë të fluturojnë sërish në disa data të mëvonshme duke u rimbursuar e gjithë shuma që kanë paguar.

“Në dritën e njoftimit të qeverisë italiane dhe këshillave zyrtare të qeverisë së Mbretërisë së Bashkuar, kemi kontaktuar me të gjithë klientët që do të udhëtojnë sot. Ne kemi azhurnuar politikën tonë për t’u dhënë klientëve më shumë mundësi dhe fleksibilitet. Çdo udhëtar për shkak të fluturimit drejt Italisë nga tani deri në 4 Prill mund të shohë përsëri në një datë të mëvonshme deri në fund të majit, të transferojë destinacionin e tyre në Gjenevë ose Cyrih ose të marrë një rimbursim të plotë.”– është shprehur një zëdhënës.

Në rang global janë regjistruar 4024 viktima dhe mbi 115000 të tjerë janë prekur nga koronavirusi. Kina e cila ishte vendi i parë në botë i prekur nga koronavirusi pasi atje shpërtheu për herë të parë. Ndërkohë tashmë në Europë Italia është vendi më i prekur, ku numri i viktimave ka shkuar në 463 dhe janë prekur mbi 7 mijë të tjerë. Të prekur dhe viktima janë shënuar në SHBA, Britani, Francë duke krijuar shumë panik tek njerëzit. Ditën e djeshme edhe Shqipëria shënoi 2 rastet e para me koronavirus, ndërsa tashmë numri i të infektuarve ka shkuar në 6.

Burimi: Dailymail 

A.C/Dosja.al

1 vit nga zgjedhjet e 25 prillit si e shikoni gjendjen e vendit:

View Results

bota bota british airways koronavirusi ne itali british airways koronavirusi ne itali

Sondazh

Poll

Bota 10 Mars 2020, 12:41

Nuk arrihet marrëveshje mes BE-së dhe Erdoganit

TURQI– Situata në Idlib është kërcënuese për të gjithë Europën, tha presidenti turk Rexhep Taip Erdogan pas takimit me Sekretarin e Përgjithshëm të NATO-s...

MË SHUMË