ITALI– Italia është një ndër vendet më të prekura nga koronavirusi në Europë, ku numri i viktimave ka arritur në 463 dhe të prekur janë mbi 7 mijë persona të tjerë.
Gjendja është kaotike, saqë mjekët italianë kanë pranuar se shpërthimi i koronavirusit mund të çojë në kolaps edhe spitalet e vendeve të tjera. Për këtë shkak ata u kanë bërë një thirrje publike të gjitha shteteve që janë prekur nga ky virus që të mos e nënvlerësojnë kërcënimin e virusit sepse gjendja është është tejet e vështirë.
Mjekët italianë kanë paralajmëruar mjekët në të gjithë Evropën që të “përgatiten” për koronavirusin. Në një letër që zbulon deri në 10 % të gjithë personat e infektuar me koronavirus thuhet se kanë nevojë për kujdes intensiv. Në Itali, e cila është bërë zyrtarisht vendi i dytë në botë më i prekur pas Kinës, me më shumë se 7000 raste, spitalet janë duke u mbingarkuar.
Letra e publikuar nga “The Independent”, tregon edhe shkallën e ndikimit në spitalet e Italisë, ku mbi 7000 pacientë janë infektuar me virus dhe 463 njerëz kanë vdekur, e ndërkohë numri rritet. Në shënimin, dërguar Shoqatës Evropiane të Mjekësisë së Kujdesit Intensiv, ekspertët e kujdesit kritik Profesor Maurizio Cecconi, Profesor Antonio Pesenti dhe Profesor Giacomo Grasselli, nga Universiteti i Milanos, zbuloi sesa e vështirë kishte qenë për të trajtuar pacientët me koronavirus.
“Rrisni kapacitetin e përgjithshëm të njësive të kujdesit intensiv. Identifikoni spitalet që mund të menaxhojnë trajtimin e pacientëve me koronavirus në mënyrë të sigurt. Përgatituni të shtoni njësitë e kujdesit intensiv ku të gruponi pacientët me Covid-19, në çdo spital nëse është e nevojshme. Do të jetë e vështirë. Tejet e vështirë. Shqetësimi im është stafi. Nëse sëmuren shumë mjekë dhe infermierë, do të përballemi me një krizë të jashtëzakonshme. Ajo që më shqetëson më shumë është nëse njësia e kujdesit intensiv është e plotë dhe nuk kemi infermierëve, anestezistët do të thirren për të kujdesur pacientët në karantinë. Nëse ndodh kjo, ne nuk do të kemi kapacitetin të kujdesemi për pacientët që kanë nevojë për kirurgji urgjente për apendiksit, mpiksje gjaku etj. Këta janë njerëzit që do të vdesin pa qënë nevoja.” –tha njëri nga mjekët.
Mjeku italian në një nga spitalet e veriut të vendit, Giuseppe Nattino ka shpjeguar sesi pacientët me koronavirus përjetojnë infeksionin e rëndë në mushkëri, duke kërkuar një mbështetje të madhe për ventilimin. Ndër të tjera mjeku ka zbuluar efektin që virusi ka mbi presionin e gjakut, zemrën, veshkat dhe mëlçinë.
“Një javë më parë hapëm një një njësi të kujdesit intensic me gjashtë shtretër për pacientët në gjendje kritike me Covid-19. Në dy ditë njësisë tonë iu shtuan 10 shtretër. Tani ne po planifikojmë ta bashkojmë me sallën e kardiologjisë për të përdorur shtretërit për 12 pacientë të tjerë me Covid-19. Ditët e fundit kanë mbërritur shumë pacientë në moshë të re. Pasi virusi rrëzoi pjesën më të dobët e popullsisë, tani kemi pacientë më të rinj. E keqja është se ata po vijnë në spitale të mbipopulluara, të mbingarkuara ku nuk ka më as furnizime.”- ka thënë ai.
Në rang global janë regjistruar 4024 viktima dhe mbi 115000 të tjerë janë prekur nga koronavirusi. Kina e cila ishte vendi i parë në botë i prekur nga koronavirusi pasi atje shpërtheu për herë të parë. Ndërkohë tashmë në Europë Italia është vendi më i prekur, ku numri i viktimave ka shkuar në 463 dhe janë prekur mbi 7 mijë të tjerë. Të prekur dhe viktima janë shënuar në SHBA, Britani, Francë duke krijuar shumë panik tek njerëzit. Ditën e djeshme edhe Shqipëria shënoi dy rastet e para me koronavirus, ndërsa tashmë numri i të infektuarve ka shkuar në 6.
Burimi: independent.co.uk
A.C/Dosja.al
1 vit nga zgjedhjet e 25 prillit si e shikoni gjendjen e vendit:
AUSTRALI– Një video e xhiruar në Sidnei të Australisë është bërë virale në rrjet. Në të shfaqet një grua e moshuar, e cila qëllimisht kollitet para një djali të...
KINË– Koronavirusi është kthyer tashmë në një frikë të madhe për çdo qytetar në mbarë botën që prej kohës kur shpërtheu në Kinë.Tashmë duket se situ...
BRUKSEL- Presidenti i Parlamentit Evropian, David-Maria Sassoli, është vetë-karantinuar ditën e sotme, pas konfirmimit se disa zyrtarë evropianë kanë rezultuar ...
ROMË– Imazhet sensacionale vijnë nga zona të ndryshme të Italisë pas masave të jashtëzakonshme dhe historike që e shohin Italinë në “zonën e mbrojtur, ose ...
TIRANË– Djali në këtë video quhet Agon Hare. Ai ka një kanal në Youtube ku videot e tij ndiqen nga të paktën 25 milionë njerëz në gjithë botën. Por videoja...
ITALI– Paniku i koronavirusit kinez të përhapur gjerësisht nëpër botë, nuk ka trembur shumë të rinjtë pasi u tha nga ekspertët e mjekësisë por edhe nga vetë Org...
SHBA– Senatori i Teksasit Ted Cruz është një prej 4 republikanëve në SHBA që janë vetë karantifikuar si shkak i virusit kinez.Anëtarët e Kongresit ku bën pjesë ...
ITALI– Italia dhe gjithë bota gjendet në një situatë urgjence si shkak i koronavirusit, ndërkohë vijojnë studimet nga ekspertët e shëndetit për këtë patogjen të...
SHBA– Më shumë se 20 kolegje amerikane kanë anuluar mësimin përkohësisht për shkak të koronavirusit.Të gjithë këto kolegje regjistrojnë një total prej më shumë ...
ITALI– Covid-19 vazhdon të përhapet me një ritëm të lartë në Itali dhe veçanërisht në Veri të vendit. Rritja e viktimave dhe infeksioneve është eksponenc...