Politike

Pas 5 vjetësh në krye të shtetit, Vjosa Osmani nesër ia dorëzon detyrën e presidentes Albulena Haxhiut

Sipas Kushtetutës, nëse presidenti i ri nuk zgjidhet deri më 4 prill, atëherë detyrën e presidentit do ta ushtrojë kryetarja e Kuvendit, Albulena Haxhiu. Posti i ushtruesit të detyrës së presidentit nuk mund të ushtrohet për një periudhë më të gjatë se gjashtë muaj.

3 Prill 2026, 22:21 Nga E. D
Pas 5 vjetësh në krye të shtetit, Vjosa Osmani nesër ia
Vjosa Osmani

KOSOVË- Presidentja e Kosovës Vjosa Osmani do t’i dorëzojë nesër detyrën Kryetares së Kuvendit të Kosovës, Albulena Haxhiu. Lajmin e bëri të ditur presidenca e Kosovës përmes një deklarate për media.

“Në orën 16:00, Presidentja e Republikës së Kosovës, Vjosa Osmani ia dorëzon detyrën Kryetares së Kuvendit të Republikës së Kosovës, Albulena Haxhiu. Akti ceremonial i dorëzim-pranimit të detyrës do të mbahet në Kabinetin e Presidentes. Mirëpresim ekipet tuaja," thuhet në njoftim.

Sipas Kushtetutës, nëse presidenti i ri nuk zgjidhet deri më 4 prill, atëherë detyrën e presidentit do ta ushtrojë kryetarja e Kuvendit, Albulena Haxhiu. Posti i ushtruesit të detyrës së presidentit nuk mund të ushtrohet për një periudhë më të gjatë se gjashtë muaj.

Dy kandidatë të paraqitur nga partia në pushtet, Glauk Konjufca dhe Fatmire Kollçaku-Mullhaxha, nuk u hodhën fare në votim në mungesë të kuorumit gjatë një seance më 5 mars. Presidenti i Kosovës zgjidhet me dy të tretat e votave në dy rundet e para apo me 61 vota në rundin e tretë, por nevojiten 80 deputetë në sallë që seanca të mundë të mbahet.

Javën e kaluar, Gjykata Kushtetuese u dha ligjvënësve 34 ditë kohë për ta zgjedhur kreun e shtetit, në të kundërtën, vendi shkon në zgjedhje të parakohshme, që duhet të mbahen brenda 45 ditësh./Dosja.al

vjosa osmani kosove albulena haxhiu presidenca e kosoves

Sondazh

Poll

MË SHUMË