Aktualitet

E reja u plagos me armë zjarri në dhomë, i dashuri në pranga dhe dy të tjerë në kërkim!/ Çfarë ndodhi dje në hotelin e familjes “Gjuta”?

Ndërsa në kërkim është shpallur babai dhe kushëriri i tij, Saimir dhe Elvir Gjuta. Ata akuzohen se nuk kanë kallëzuar krimin dhe kanë prishur provat në vendngjarje.

15 Shkurt 2026, 11:20 Nga E.d
E reja u plagos me armë zjarri në dhomë, i dashuri në
Hoteli

TIRANA- Policia e Tiranës ka arrestuar ditën e sotme 22-vjeçarin Erisjaldo Gjuta, nipi i Vladimir Gjutës. Arrestimi i tij erdhi pas ngjarjes së ndodhur ditën e djeshme në hotelin e tyre, ku në 18-vjeçare u plagos me armë zjarri. E plagosura ishte e dashura e Erisjaldo Gjutës. Ajo dyshohet të jetë vetëplagosur me armën e 22-vjeçarit, ndërsa ndodhej e vetme në dhomën e hotelit. 

Arma me të cilët ka kryer vetëplagosjen nuk është gjetur ende, ndërsa 22-vjeçari në deklarime mohon të ketë djeni për të. Erisjaldo Gjuta akuzohet për veprat penale “Moskallëzim i krimit”, “Veprime që pengojnë zbulimin e të vërtetës”, kryer në bashkëpunim, dhe “Mbajtja pa leje e armëve shpërthyese dhe municionit”.

Ai ka deklaruar para bluve se ka qenë jashtë me të atin në momentin që ka dëgjuar të shtënën e armës. Në dëshminë e tij thuhet se, ata janë ngjitur menjëherë drejt dhomës së hotelit për ti dhënë ndihmën e parë. Por kur kanë parë se gjendja është serioze, ata kanë vendosur që ta çojnë në spital.

Një ditë më parë policia arrestoi nënën dhe xhaxhain e 22-vjeçarit, Mirvete dhe Vladimir Gjuta. Ndërsa në kërkim është shpallur babai dhe kushëriri i tij, Saimir dhe Elvir Gjuta. Ata akuzohen se nuk kanë kallëzuar krimin dhe kanë prishur provat në vendngjarje.

Gjithashtu ata janë porositur të deklaronin se vajzën e kanë gjetur të shtrirë te rrethi i Ekonomikut. E reja ndodhet jashtë rrezikut për jetën dhe në deklaratën e saj ka pohuar se ka tentuar të vrasë veten pasi “ka bërë gabime ne jetë”./Dosja.al

erisjaldo gjuta mirvete dhe vladimir gjuta saimir dhe elvir gjuta

Sondazh

Poll

MË SHUMË