Aktualitet

Lëvizte i armatosur, arrestohet 31-vjeçari në Tiranë

Gjithashtu është proceduar penalisht drejtuesi i automjetit në të cilin ishte pasagjer 31-vjeçari i armatosur, për moskallëzim të krimit.

26 Janar 2026, 15:08 Nga E.d
Lëvizte i armatosur, arrestohet 31-vjeçari në Tiranë
Foto ilustruse

TIRANË- Policia ka arrestuar ditën e sotme një 31-vjeçar në Tiranë. Ai u arrestua nga focat blu, pasi lëvizte i armatosur. Gjithashtu është proceduar penalisht drejtuesi i automjetit në të cilin ishte pasagjer 31-vjeçari i armatosur, për moskallëzim të krimit. Mbi të arrestuarin rëndon akuza për veprën penale “Mbajtja pa leje dhe prodhimi i armëve, armëve shpërthyese dhe i municionit”.

Njoftimi i policisë

Tiranë/Finalizohet operacioni i koduar “Pasagjeri”. Lëvizte i armatosur me pistoletë, arrestohet nga Forca “Shqiponja”, në bulevardin “Zhan D’ark”, 31-vjeçari. Procedohet penalisht drejtuesi i automjetit në të cilin ishte pasagjer shtetasi i armatosur, për moskallëzim të krimit. Sekuestrohet arma e zjarrit pistoletë me krehër dhe me municion.

Si rezultat i administrimit të shpejtë të informacionit për një shtetas që lëvizte i armatosur, siguruar në rrugë operative, në vijim të punës me objektiv identifikimin dhe ndalimin e shtetasve që mbajnë armë, pa leje, dhe si pasojë janë rrezik potencial për ngjarje kriminale, shërbimet e Forcës së Posaçme “Shqiponja”, në bashkëpunim me shërbimet e Komisariatit të Policisë Nr. 1, finalizuan operacionin e koduar “Pasagjeri”.

Në kuadër të operacionit, u ndalua në bulevardin “Zhan D’ark”, automjeti tip “Audi” me drejtues shtetasin S. Z., 51 vjeç dhe me pasagjer shtetasin K. S., 31 vjeç. Nga kontrollet, 31-vjeçarit iu gjet në çantën e dorës, 1 armë zjarri pistoletë me municion, që posedohej pa leje.

Në përfundim të veprimeve procedurale, shtetasi K. S. u arrestua në flagrancë, për veprën penale “Mbajtja pa leje dhe prodhimi i armëve, armëve shpërthyese dhe i municionit”, ndërsa shtetasi S. Z. u procedua në gjendje të lirë, për veprën penale “Moskallëzimi i krimit”. Materialet procedurale iu referuan Prokurorisë së Tiranës, për veprime të mëtejshme./Dosja.al

tirana policia pistoletë

Sondazh

Poll

MË SHUMË