Aktualitet

Banorët e “Urës së Dajlanit” protestojnë: Bashkia po na prish shtëpitë, të na japin strehim

Bashkia pritet të ndërtojë një rrugë dhe lulishte, ndërsa banorët shprehet të shqetësuar pasi thonë se janë në proces legalizimi dhe po paguajnë taksa rregullisht.

26 Janar 2026, 13:33 Nga D.S
Banorët e “Urës së Dajlanit” protestojnë:
Foto nga protesta

DURRËS-  Banorët e zonës së “Urës së Dajlanit", kanë dalë sot në protestë për shkak të një projektit të Bashkisë së Durrësit. Bashkia pritet të ndërtojë një rrugë dhe lulishte, ndërsa banorët shprehet të shqetësuar pasi thonë se janë në proces legalizimi dhe po paguajnë taksa rregullisht.

Me anë të kësaj protese, qyetarët kërkojnë nga bashkia strehim që të mos mbeten rrugëve. Nga ana tjetër, organet kanë dërguar shkresa para dy ditësh dhe kërkojnë boshatisjen duke u lënë afat vetëm 10 ditë. Mësohet se sot aksioni u anulua për shkak të protestës së banorëve. 

Deklaratat e qytetarëve: 

“Jetoj prej vitit 1998 këtu, me proces legalizimi. Afat 10 ditë, para dy ditësh ka ardhur, nuk kemi ku shkojmë, kemi gati 30 vite këtu. Kam edhe dy fëmijë, madje njëri autik, paguajmë ilaçe, shpenzojmë dhe nuk kemi para”, shprehet një prej banorëve gjatë protestës.

Jam i shqetësuar nga projekti i pastrimit të kanalit këtu. Do spostohet kanali, do na prishen shtëpitë. Ata që paguajnë do shpëtojnë. Thonë se do bëhet lulishte, do bëhet rrugë. Ka vend plot për ta bërë, pse këtu. Kemi që nga viti 1998, paguajmë ujë, drita, kemi nisur legalizimin, taksat, edhe votën ua kemi dhënë, Ramës ia kemi dhënë madje. Meqë shteti do bëka diçka, të na ndihmojë, të na dërgojë në një banesë me qira, kërkojmë strehim nga Bashkia të paktën a ndihmë, duam të strehohemi”, tregojnë banorët./Dosja.al 

durres proteteste ne rrugene e daljanit proteste ne durres

Sondazh

Poll

MË SHUMË