Aktualitet

Çështja “Partizani”/ “SPAK është në tejkalim kompetencash”/ Tre shtyllat ku avokatët e Berishës bazojnë mbrojtjen

Gjatë seancës, mbrojtja e Kreut të Partisë Demokratike, Sali Berisha ka dhënë argumentet e saj duke u bazuar në 3 shtylla kryesore.

12 Janar 2026, 12:33 Nga D.S

 

Çështja “Partizani”/ “SPAK është në
Sali Berisha

TIRANË-  U mbajt sot seanca e rradhës për çështjen "Partizani" në Gjykatën e Posaçme. Gjatë seancës, mbrojtja e Kreut të Partisë Demokratike, Sali Berisha ka dhënë argumentet e saj duke u bazuar në 3 shtylla kryesore.

Fillimisht nënvizon se SPAK është në tejkalim kompetencash, dhe se nuk mund të vlerësojë bazën ligjore, VKM apo politikat që ndjek një qeveri. Së dyti, ka mungesë të faktit penal. SPAK nuk ka arritur te identifikoj në kërkesën për gjykim veprimet konkrete të Berishës përmes të cilave ka shkelur ligjin. Së treti , ndjekja penale ka qenë e ndikuar politikisht. Këto pretendime mbështeten në deklarata të kryera nga kryeministri Edi Rama, ambasadorja Yuri Kimi dhe ish zyrtari amerikan Escobar.

SPAK akuzon Berishën për një veprimtari administrative, kur do të duhet të ndante veprime konkrete.  Sipas SPAK, Berisha duhet të tregonte para gjykatës pasojën që kanë sjell këto veprime. Aktet që përmend Prokuroria nuk kanë karakter individual, por të përgjithshëm.

Në kërkesën e vetë, SPAK ka gjetur fajtorin dhe më pas fajin që është kryer. SPAK nuk ka sjell asnjë provë që Berisha ka rënë më një marrëveshje paraprake për privatizimin dhe më pas e ka kryer përmes akteve ligjore dhe nënligjore që në përfundim të merrte ryshfetin përmes dhëndrit të tij.  Në mugesë të dëshmitarëve, SPAK e provon këtë marrëveshje me deduksion.

Rama i ka bërë thirrje SPAK të hetonte cështjen dhe në deklarata publike i ka mësuar edhe si duhet ta bënte këtë hetim. Shumica parlamentare ka bërë një kallëzim, vlerësimi i të cilit ka kaluar afatet dhe tregon veprimtarinë e SPAK nën ndikimin politikë. Ai kallëzim po ashtu mbante rrethana të rreme dhe SPAK nuk e ka hetuar këtë fakt./Dosja.al

sali berisha ceshtja partizani edi rama

Sondazh

Poll

MË SHUMË