Politike

Kryemadhi paraqitet në SPAK, batuta me gazetarët: T'ju jap ndonjë kafe për Vitin e Ri

Teksa po futej në ambientet e SPAK, Kryemadhi nuk i kurseu batutat me gazetarët, duke u thënë atyre: Do t’u japë kafe për Vitin e Ri.

5 Janar 2026, 12:12 Nga I.A
Kryemadhi paraqitet në SPAK, batuta me gazetarët: T'ju jap
Monika Kryemadhi

TIRANË- Monika Kryemadhi është paraqitur në SPAK ditën e sotme për masën e sigurisë 'detyrim paraqitje'. Teksa po futej në ambientet e SPAK, Kryemadhi nuk i kurseu batutat me gazetarët, duke u thënë atyre: Do t’u japë kafe për Vitin e Ri.


Ilir Meta u arrestua më 21 tetor 2024. Ai dhe ish-deputetja Kryemadhi dyshohen se, duke bashkëpunuar mes tyre dhe me funskionarë të tjerë shtetërorë, në disa episode duke nisur nga 15 vite më parë kanë shfrytëzuar postet e tyre shtetërore dhe politike për të favorizuar kompani private, si dhe në veprimtari të tjera me lobime në SHBA dhe shitblerje banesash në këmbim të përfitimit të shumave të konsiderueshme parash, të cilat janë përpjekur t'i fshehin, duke mos i deklaruar në ILDKPI dhe KQZ.

Konkretisht, ish-deputetja Kryemadhi po hetohej nga SPAK për tre akuza, pastrim parash, korrupsion dhe mosdeklarim të ardhurash. Gjykata la në fuqi më 23 tetor masën “detyrim për t’u paraqitur në policinë gjyqësore” ndaj Kryemadhit, për të njëjtat vepra penale, si dhe ndaj të hetuarës Ema Çoku, për pastrim parash.

Ndërkohë ndaj Piro Xhixhos, i hetuar për korrupsion pasiv, iu zëvëndësua masa e sigurisë nga “arrest në shtëpi” në “detyrim për t’u paraqitur në policinë gjyqësore”. Të tre të hetuarit nën masën e sigurimit “detyrim paraqitje” urdhërohen të paraqiten një herë në muaj në zyrat e Policisë Gjyqësore të SPAK./Dosja.al

monika kryemadhi

Sondazh

Poll

MË SHUMË