Politike

Rama: Brenda 2 viteve Shqipëria do jetë ndër vendet më të sigurta në botë

Ai tha se policia rrugore ka mbyllur sytë por kjo falë sistemit të kamerave inteligjente në rrugë, nuk do të lejohet më. 

19 Dhjetor 2025, 12:42 Nga D.S
Rama: Brenda 2 viteve Shqipëria do jetë ndër vendet më
Edi Rama

TIRANË- Kryeministri Rama tha sot se, brenda dy viteve Shqipëria do të jetë një ndër vendet më të sigurta në botë. Gjatë prezantimit të projektit 'Smart City Albania', Rama tha se policia rrugore ka mbyllur sytë por kjo falë sistemit të kamerave inteligjente në rrugë, nuk do të lejohet më. 

Sipas Ramës, ky është një hap revolucionar e cila në saj të teknologjisë së lartë, identifikon dhe sjell persona të rrezikshëm para drejtësisë. Në fund Rama shton se përfituesit më të mëdhenj do të jenë individët e ndershëm.

"Cenimi i pronës, bëhet shumë më transparente ajo që ndodh me rrugët kombëtare. Policia Rrugore ka mbyllur sytë që të çahen rrugë, të bëhen gropa dhe lloj-lloj çudish në rrugët kombëtare. Kjo nuk do të lejohet më. Asnjë punonjës atje në sallë nuk do i mbyllë dot sytë më, sepse nuk ngelen vetëm në sytë e tij. Pastërtia është po ashtu një çështje. Sistemi sjell të gjithë shkelësit rresht në ekran, të sjell futura të identifikuara.

I identifikon dhe i sjell vetë. Është një revolucion që vjen në tërësinë  transformimeve që ne do të bëjmë në sajë të teknologjisë së lartë. Sot me firmosjen e marrëveshjes fillon zbatimi. Më herët se vonë, do të fillojmë që të shikojmë rezultatet. Është sigurt që në harkun e dy viteve Shqipëria do të jetë në rangun e vendeve më të sigurta të botës. Do të jetë shumë e vështirë në mos e pamundur që të lëvizës rrugëve të Shqipërisë për të bërë keq. Jam shumë i sigurtë që me këtë projekt do të përfitojnë shumë edhe bashkitë, por edhe qytetarët e ndershëm, e përsëris do përfitojnë edhe drejtuesit e punonjësit e ndershëm," tha Rama./Dosja.al

rama kamera inteligjente smart city albania

Sondazh

Poll

MË SHUMË