Politike

SPAK kërkoi heqjen e imunitetit për Ballukun/ Blushi: Kuvendi të miratojë kërkesën, vjedhja e taksave të shqiptarëve nuk mund të ketë imunitet politik

Blushi tha se miratimi i autorizimit, duhet të vendoset si pikë e parë e rendit të ditës të seancës plenare të datës 18 dhjetor.

16 Dhjetor 2025, 15:31 Nga E.d
SPAK kërkoi heqjen e imunitetit për Ballukun/ Blushi: Kuvendi të
Tedi Blushi

TIRANË- Kryetar i Grupit Parlamentar të Partisë së Lirisë, Tedi Blushi ka kërkuar mbledhjen e Këshillit për Rregulloren, Mandatet dhe Imunitetin për miratimin e kërkesës për dhënien e autorizimit nga Kuvendi për arrestimin e Zv/Kryeministres, Belinda Balluku. Blushi tha se miratimi i autorizimit, duhet të vendoset si pikë e parë e rendit të ditës të seancës plenare të datës 18 dhjetor.

Deputeti i PL-së u shpreh se vjedhja e taksave të shqiptarëve nuk mund të ketë më asnjë sekondë më shumë imunitet politik. Në fund, Blushi tha se Kuvendi nuk mund të shndërrohet kurrë në mburojë të korrupsionit skizofrenik të Edi Ramës dhe bashkëpunëtorëve të afërt të tij.

"Në zbatim të Rregullores së Kuvendit, neneve 13 dhe 118, në emër të Grupit Parlamentar të Partisë së Lirisë, kërkoj mbledhjen sa më parë të Këshillit për Rregulloren, Mandatet dhe Imunitetin për miratimin e kërkesës për dhënien e autorizimit nga Kuvendi për arrestimin e Zv/Kryeministres, Belinda Balluku. Miratimi i autorizimit të vendoset si pikë e parë e rendit të ditës të seancës plenare të datës 18 dhjetor. Vjedhja e taksave të shqiptarëve nuk mund të ketë më asnjë sekondë më shumë imunitet politik dhe Kuvendi nuk mund të shndërrohet kurrë në mburojë të korrupsionit skizofrenik të Edi Ramës dhe bashkëpunëtorëve të afërt të tij" tha Blushi./Dosja.al

tedi blushi belinda balluku kuvend

Sondazh

Poll

MË SHUMË