Aktualitet

Vrasja e Gilmando Danit në Rinasit, lirohet 35-vjeçari që u shoqërua mbrëmë

Mësohet se i riu është marrë në pyetje në lidhje me ngjarjen, por ka mohuar se është i përfshirë.  

10 Dhjetor 2025, 11:08 Nga I.A
Vrasja e Gilmando Danit në Rinasit, lirohet 35-vjeçari që u
Gilmando Dani

TIRANË- 35-vjeçari që u shoqërua mbrëmjen e kaluar në polici për vrasjen e Gilmando Danit në Rinas është liruar ditën e sotme. Mësohet se i riu është marrë në pyetje në lidhje me ngjarjen, por ka mohuar se është i përfshirë.  

I riu që u shoqërua kishte banesën në fshatin Halil, shumë pranë vendit ku u dogj mjeti tip Toyota, që u përdor nga autorët për vasjen. Ai ka deklaruar se në këtë moment nuk ndodhej fare në shtëpi.   

Si ndodhi ngjarja?

Atentati mafioz ndodhi mesditën e 11 nëntorit pranë aeroportit të Rinasit, ku nga breshëria e plumbave u ekzekutua Gilmando Dani, krahu i djathtë i Emiljano Shullazit dhe i plagosur mbeti Muçi Shaljani (Sheqeri), i cili9 humbi jetën më vonë në spital. Dani dhe Shaljani po lëviznin me një Benz të bardhë luksoz, kur autorët me një tjetër makinë i zunë pritë dhe i qëlluan me breshëri plumbash.

Në makinën në pronësi të Elvis Kosovës shofer ishte Muçi Shaljani (punonjës i AMP) dhe Dani ishte pasagjer.  Gilmando Dani kishte ardhur në Shqipëri nga Barcelona, por u ekzekutua vetëm disa minuta pasi kishte hipur në makinë. Pas atentatit, autorët dyshohet se janë larguar në drejtim të Fushë Krujës dhe kanë qenë me një mjet Toyota Yaris me targa greke. Vetëm pak minuta pas ngjarjes, makina e përdorur për vrasjen u gjet e djegur në fshatin Halil./Dosja.al

gilmando dani muçi shaljani

Sondazh

Poll

MË SHUMË