Politike

Zgjedhjet e pjesshme/ Berisha: Qeveria mori një grusht të rëndë, votuesit e braktisën

Në bashkëbisedim me qytetarët, Berisha tha se edhe pse në një farsë zgjedhore fiton vetëm qeveria.

15 Nëntor 2025, 13:44 Nga E. D
Zgjedhjet e pjesshme/ Berisha: Qeveria mori një grusht të
Sali Berisha

TIRANË- Kreu i Partisë Demokratike, Sali Berisha, ka komentuar rezultatet e zgjedhjeve të pjesshme, duke theksuar se mbështetja për kandidatët e pavarur tregoi dëshirën e qytetarëve për ndryshim dhe pakënaqësinë ndaj qeverisë. Në bashkëbisedim me qytetarët, Berisha tha se edhe pse në një farsë zgjedhore fiton vetëm qeveria, rezultatet treguan një mesazh të qartë nga qytetarët: “Qeveria mori një grusht të rëndë, u tregoi shqiptarëve se votuesit e braktisën qeverinë.”

"Ne i mbështetëm kandidatët e pavarur, aq sa ata kërkuan mbështetje. Por kishte një moment që të shpjegohemi; ata që dolën të pavarur, dolën vërtetë të pavarur dhe në këtë kontekst ata nuk donin që të humbisnin avantazhin e të qenit të pavarur. Por natyrisht në një farsë zgjedhore, fiton vetëm qeveria. Por edhe qeveria mori një grusht të rëndë, u tregoi shqiptarëve se votuesit e braktisën qeverinë," tha Berisha./Dosja.al

sali berisha

Sondazh

Poll

MË SHUMË