Aktualitet

"Njëri afrohet në makinë..."/ Vrasja e krahut të djathtë të Shullazit, Klodiana Lala: Autorët e atentatit vepruan si trupa paramilitare

Gazetarja thekson se pas breshërisë së parë me armë automatike, një prej atentatorëve i afrohet mjetit dhe ndërhyn nga dera e pasagjerit, duke e qëlluar sërish në mënyrë të drejtpërdrejtë Gilmando Danin, i njohur si krahu i djathtë i Emiljano Shullazit.

12 Nëntor 2025, 16:28 Nga E. D
"Njëri afrohet në makinë..."/ Vrasja e krahut të
Klodiana Lala

TIRANË- Gazetarja Klodiana Lala, ka dhënë detaje të reja nga atentati mafioz, ku u ekzekutua Gilmando Dani, një emër i njohur për lidhjet e tij me botën e krimit. E ftuar në studion e News24, Lala komentoi pamjet të cilat tregojnë me qartësi momentet e atentatit dhe mënyrën e veprimit të autorëve.

Gazetarja thekson se pas breshërisë së parë me armë automatike, një prej atentatorëve i afrohet mjetit dhe ndërhyn nga dera e pasagjerit, duke e qëlluar sërish në mënyrë të drejtpërdrejtë Gilmando Danin, i njohur si krahu i djathtë i Emiljano Shullazit.

“Autorët kanë vepruar si trupa paramilitare ose komando. Në momentin që një prej tyre është në aksion, një tjetër del pas tij duke i mbrojtur krahët. Janë tre persona të veshur me të zeza dhe me kapele që dalin dhe qëllojnë drejt makinës. Njëri nga autorët afrohet në makinë, hap derën e pasagjerit dhe qëllon sërish drejt Danit. Ai madje lë kallashnikovin në tokë përpara se të përdorë pistoletën, ndoshta për të pasur një goditje më të saktë,” tha Lala./Dosja.al

 

 

 

 

klodiana lala atentati ne rinas

Sondazh

Poll

MË SHUMË