Aktualitet

Çfarë delegacioni është? Dy minuta pas vrasjes së Gilmando Danit kalon autokolona me 4 makina zyrtare në Rinas

Ende nuk dihet nëse është një delegacion i huaj apo shqiptar që kalon aty, por në pamje vihet re se delegacioni lëviz me shpejtësi sa futet në rrethrrotullim.

12 Nëntor 2025, 15:38 Nga E. D
Çfarë delegacioni është? Dy minuta pas vrasjes së
pamje nga vendngjarja

TIRANË- Një detaj shqetësues ka ndodhur ditën e djeshme pas vrasjes së Gilmando Danit në rrethrrotullimin pranë aeroportit të Rinasit. Siç shihet edhe në pamjet e mëposhtme të siguruara nga Dosja.al, vetem 2 minuta pas vrasjes së Danit dhe plagosjes së agjentit të AMP-së Muçi Shaljani, një delegacion kalon në vendngjarje.

Ende nuk dihet nëse është një delegacion i huaj apo shqiptar që kalon aty, por në pamje vihet re se delegacioni lëviz me shpejtësi sa futet në rrethrrotullim. Autokolona e përbërë nga 4 makina zyrtare, shihet teksa kalon, ndërkohë që në ato momente as policia nuk kishte shkruar në vendngjarje.


Si ndodhi ngjarja?

Atentati mafioz ndodhi mesditën e djeshme pranë pranë aeroportit të Rinasit, ku nga breshëria e plumbave u ekzekutua Gilmando Dani, krahu i djathtë i Emiljano Shullazit dhe i plagosur mbeti Muçi Shaljani (Sheqeri). Dani dhe Shaljani po lëviznin me një Benz të bardhë luksoz, kur autorët me një tjetër makinë i zunë pritë dhe i qëlluan me breshëri plumbash.

Në makinën në pronësi të Elvis Kosovës shofer ishte Muçi Shaljani (punonjës i AMP) dhe Dani ishte pasagjer.  Gilmando Dani kishte ardhur në Shqipëri nga Barcelona, por u ekzekutua vetëm disa minuta pasi kishte hipur në makinë. Pas atentatit, autorët dyshohet se janë larguar në drejtim të Fushë Krujës dhe kanë qenë me një mjet Toyota Yaris me targa greke. Vetëm pak minuta pas ngjarjes, makina e përdorur për vrasjen u gjet e djegur në fshatin Halil./Dosja.al

atentati ne rinas gilmando dani

Sondazh

Poll

MË SHUMË