Aktualitet

Tre persona të maskuar i zënë pritë dhe zbrazin kallashnikovët! PAMJE nga atentati mafioz ndaj Gilmado Danit, një prej vrasësve afrohet dhe sigurohet që të eleminohet miku i Emiljano Shullazit

Në videon e publikuar nga Dosja.al, shihet momenti kur automjeti tip “Mercedes-Benz” me të cilin udhëtonte Dani bie në pritë nga një makinë tjetër, e cila ndaloi anës rrugës teksa shënjestra e tyre po afrohej tek rrethrrotullimi.

12 Nëntor 2025, 16:09 Nga M.L
Tre persona të maskuar i zënë pritë dhe zbrazin
Pamje nga vendngjarja

TIRANA- Janë publikuar pamje të reja nga atentati mafioz i ndodhur pranë aeroportit të Rinasit, i cili i mori jetën Gilmando Danit dhe la të plagosur rëndë Muçi Shaljanin (i njohur me nofkën 'Sheqeri'), punonjës i Agjencisë së Mbikëqyrjes Policore (AMP). Në videon e publikuar nga Dosja.al, shihet momenti kur automjeti tip “Mercedes-Benz” me të cilin udhëtonte Dani bie në pritë nga një makinë tjetër, e cila ndaloi anës rrugës teksa shënjestra e tyre po afrohej tek rrethrrotullimi.

Sapo mjeti i Danit afrohet, tre persona dalin me shpejtësi nga automjeti pritës dhe hapin zjarr me breshëri në drejtim të tij. Makina e viktimës ndalon pas disa metrash, e qëlluar nga dhjetëra plumba. Në vijim të pamjeve, shihet një tjetër person që i afrohet pa nxitim automjetit të shënjestrës dhe qëllon sërish nga afër, duke u siguruar për vdekjen e Gilmando Danit.

Pas të shtënave, autorët janë larguar me shpejtësi drejt Fushë-Krujës, ndërsa kalamitarë të rastit janë përpjekur të ndihmojnë personat në automjet. Pamjet dëshmojnë gjithashtu për prani të madhe qytetarësh dhe automjetesh në zonë në momentin e sulmit.

 

Si ndodhi ngjarja?

Atentati mafioz ndodhi mesditën e djeshme pranë pranë aeroportit të Rinasit, ku nga breshëria e plumbave u ekzekutua Gilmando Dani, krahu i djathtë i Emiljano Shullazit dhe i plagosur mbeti Muçi Shaljani (Sheqeri). Dani dhe Shaljani po lëviznin me një Benz të bardhë luksoz, kur autorët me një tjetër makinë i zunë pritë dhe i qëlluan me breshëri plumbash.

Në makinën në pronësi të Elvis Kosovës shofer ishte Muçi Shaljani (punonjës i AMP) dhe Dani ishte pasagjer.  Gilmando Dani kishte ardhur në Shqipëri nga Barcelona, por u ekzekutua vetëm disa minuta pasi kishte hipur në makinë. Pas atentatit, autorët dyshohet se janë larguar në drejtim të Fushë Krujës dhe kanë qenë me një mjet Toyota Yaris me targa greke. Vetëm pak minuta pas ngjarjes, makina e përdorur për vrasjen u gjet e djegur në fshatin Halil./Dosja.al

atentat mafioz ne rinas ekzekutohet gilmando dani

Sondazh

Poll

MË SHUMË